Рекорден пораст на морбили во САД – над 1.500 случаи и карантин за невакцинирани ученици - Канал 5

Здравје

Рекорден пораст на морбили во САД – над 1.500 случаи и карантин за невакцинирани ученици

 Повеќе од 150 невакцинирани ученици во американската сојузна држава Јужна Каролина се ставени во 21-дневен карантин поради изложеност на морбили, соопштија здравствените власти.

Рекорден пораст на морбили во САД – над 1.500 случаи и карантин за невакцинирани ученици

Учениците кои немале примено вакцина мораа да останат дома за време на потенцијалниот период на пренос на заразата, јави Би-Би-Си.

Јужна Каролина е најновата американска држава со епидемија на морбили, по слични жаришта во Ново Мексико и Тексас.

Според Центрите за контрола и превенција на болести (CDC), досега во 2025 година во САД се потврдени 1.563 случаи – највисок број во изминатите 33 години.

Карантинот е воведен во две училишта во округот Спартанбург – Global Academy of South Carolina и Fairforest Elementary. Последниот потврден случај, осми во две недели, е регистриран во округот Гринвил, на северот на државата.

„Овој случај укажува дека во заедницата има активно, но неоткриено пренесување на морбили, што ја прави вакцинацијата клучна мерка за заштита,“ соопштија здравствените власти.

Вакцината ММР (морбили, заушки и рубеола) е 97 отсто ефикасна и спречува сериозни компликации како пневмонија, воспаление на мозокот и смрт.

Претходно оваа година, стотици луѓе беа заразени со мали сипаници во западен Тексас и Ново Мексико во епидемија во која починаа двајца Тексашани и едно лице во Ново Мексико. Овие смртни случаи ја потресоа земјата во која не беше регистриран смртен случај од мали сипаници од 2015 година.

Поголемиот дел од пријавените случаи се кај оние кои не се вакцинирани.

Посеверно, голем број случаи на морбили се пријавени низ цела Канада, особено во провинциите Алберта и Онтарио.

Земјата регистрирала 5024 случаи, соопшти владата, што е повеќе од три пати повеќе од бројот во САД, и покрај многу помалото население на Канада.

Податоците покренаа прашања за тоа зошто се шири толку брзо таму и дали канадските власти прават доволно за да го спречат.

Во САД, зголемувањето на бројот на случаи на мали сипаници е делумно поврзано со скептиците за вакцини како што е министерот за здравство Роберт Ф. Кенеди помладиот - иако тој ја одобри вакцината против мали сипаници како безбедна. Но, Канада нема истакната фигура слична на РФК помладиот во јавното здравство, пишува Би-Би-Си.

И не се само САД и Канада. Случаите на мали сипаници се зголемуваат глобално, според УНИЦЕФ. Во изминатите пет години, 100 земји пријавиле епидемии.

Тагови: морбили

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ана Марјановиќ во „Вести плус“

Почитувани, вечерва во Вести Плус гостува Ана Марјановиќ.

Ана Марјановиќ во „Вести плус“

Ќе има ли лек за доцнењето на терапијата на клиниката за онкологија? Што значи потврда на канцер за пациент по која патека продолжува во здравствениот систем? Дали има стратегија за скрининг програми? Со Ана Марјановиќ од хема онко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Средба Џеко - Тадиќ: Опаа како си се набилдал

„Ал си се набилд’о“: Средбата меѓу Џеко и Тадиќ во Најмеген стана хит.

Видео: Средба Џеко - Тадиќ: Опаа како си се набилдал

НЕК Најмеген направи големо изненадување и се пласираше во последното коло од квалификациите за Лигата на шампионите, откако го победи Олимпијакос со 2:1 по продолженијата.

Сепак, покрај драмата на теренот, вниманието на јавноста го привлече средбата меѓу пријателите Един Џеко и Душан Тадиќ.

Капитенот на БиХ, Џеко отпатува во Холандија за од трибините да му даде поддршка на својот голем пријател и поранешен соиграч од Фенербахче екс капитенот на Србија, Тадиќ.

Нивната средба била снимена и набрзо стана вирална на социјалните мрежи.

Двајцата пријатели се поздравија за време на претставувањето на играчите, а уште поемотивна средба уследи по натпреварот, кога Џеко слезе пред соблекувалната за да му честита на Тадиќ.

„Имаш многу пари“, се пошегува Џеко. Тадиќ одговори: „Ни донесе среќа“.

Набргу потоа им се придружи Емре Мор, поранешен соиграч од Фенербахче и херој на натпреварот, кој го постигна победничкиот гол за НЕК. Џеко и Тадиќ играа заедно во Фенербахче од 2023 до 2025 година, а нивното пријателство очигледно остана цврсто и по разделбата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Повеќе од 200 загинати во Колумбија, спасувачите сè уште не стигнале до епицентарот!

 Повеќе од 200 загинати во Колумбија, спасувачите сè уште не стигнале до епицентарот!ЕУ доделува помош од 2 милиони евра поради земјотресот, Фон дер Лајен се обрати на шпански.

Повеќе од 200 загинати во Колумбија, спасувачите сè уште не стигнале до епицентарот!

Претседателката на Европската комисија, Урсула фон дер Лајен, вчера објави дека ЕУ ѝ пружа поддршка на Колумбија, откако земјотрес со јачина од 7,4 степени според Рихтеровата скала однесе повеќе од 200 животи и уништи илјадници згради и куќи.

„Додека продолжуваат операциите за пребарување и спасување, ЕУ ѝ пружа поддршка на Колумбија секаде каде што е тоа можно“, напиша Фон дер Лајен на социјалната мрежа „Икс“ (X).

Таа изјави дека ЕУ става на располагање помош од два милиони евра за заедниците во најтешко погодените подрачја.

– Откако Колумбија го активираше Механизмот за цивилна заштита, работиме на тоа помошта да одговара на потребите на терен. Ова е европска солидарност – заклучи Фон дер Лајен во соопштение на шпански јазик.

Колумбија во понеделникот беше погодена од земјотрес во кој, според Си-Ен-Ен (CNN) и податоците на локалните власти, загинаа најмалку 200 луѓе, а спасувачките екипи сè уште не успеале да стигнат до епицентарот на земјотресот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер