Во Русија, во последните 24 часа се пријавени рекордни 12.126 нови случаи на инфекција со коронавирус, додека земјата од почетокот на инфекцијата регистрирала вкупно 1.272.238 инфекции. Здравствените власти соопштија дека во последните 24 часа починале 201 лице, со што вкупниот број починати се искачи на 22.257.
Руските власти размислуваат да ги затворат кафулињата и ноќните клубови за да го запрат вториот бран, истовремено советувајќи ги луѓето да останат во домовите за време на викендот, иако Кремљ не воведе нов карантин и соопшти дека досега не планира да го стори тоа.
Властите во Москва, епицентарот на руската инфекција оваа пролет, исто така препорачаа луѓето над 65 години да се изолираат и им препорачаа на компаниите најмалку една третина од нивните вработени да работат од дома.
Украина во последните 24 часа бележи рекордни 5.804 заразени со ковид-19, објави денеска Советот за национална безбедност. Ден претходно биле евидентирани 5.397 нови случаи. Дневниот број на заразени во Украина се искачи на рекордно ниво трет ден по ред, со што вкупниот број на заразени од почетокот на пандемијата достигна 250.538 и 4.779 смртни случаи, вклучувајќи 89 во претходните 24 часа. Зголемувањето на инфекциите ја поттикна владата да ги продолжи мерките за карантин до крајот на октомври.
Полска, исто така, денеска објави нов рекорд на 4.739 дневни случаи со коронавирус, според Министерството за здравство. Вкупно 116.338 заразени и 2.919 смртни случаи се пријавени во земјата со 38 милиони жители.
Бугарија денеска пријави 516 случаи, што е најголем број од почетокот на пандемијата трет ден по ред, покажуваат официјалните податоци.
Оваа балканска земја сега бележи 23.279 случаи на ковид-19, вклучително и 880 смртни случаи. И покрај големиот број на заразени во последните денови, Министерот за здравство соопшти дека состојбата во земјата се одвива релативно добро во споредба со другите земји на ЕУ погодени од вториот бран на ковид-19 и отфрли воведување нови карантински мерки .
Трет ден по ред, Чешка бележи рекордно дневно зголемување на бројот на заболени, од 5.394 во последните 24 часа, додека земјата ги засили антипандемиските мерки во обид да го запре ширењето на инфекцијата.
Вкупно 100.757 случаи на зараза се регистрирани досега во земјата, во која има 10,7 милиони луѓе, додека 869 лица починале како резултат на инфекција на кавидот, покажаа денеска податоците на Министерството за здравство.