Реконструкција на Владата во јуни, до тогаш ќе се прават внатрепартиски анализи, најави Мицкоски - Канал 5

Македонија

Реконструкција на Владата во јуни, до тогаш ќе се прават внатрепартиски анализи, најави Мицкоски

Кои од актуелните министри ќе се збогуваат со функцијата во Владата?

Реконструкција на Владата во јуни, до тогаш ќе се прават внатрепартиски анализи, најави Мицкоски

Премиерот Мицкоски се уште не открива од кого од владиниот тим не е задоволен со најава дека сите дилеми ќе бидат расчистени во јуни. Дотогаш вели дека ќе траат длабински анализи во партијата, па во коалицијата, со цел на крај заеднички да донесат одлуки за промени во ресорите. Не ја исклучува можноста во власта да се приклучат и други партии.

-Правиме анализа, се разбира. И јас лично, но и луѓето од мојот кабинет, имаме некакви индикации, така што, јуни доаѓа, па во јуни ќе имаме повеќе детали. Ние како коалиција предводена од ВМРО-ДПМНЕ, според мене, на тие преговори ќе излеземе со наш став, и тој став пред сè се должи на нашите анализи. Би сакале да ги слушнеме и ставовите на останатите коалициски партнери и се надевам дека како стратешка коалиција и понатаму ќе продолжиме успешно да ја водиме македонската Влада,- Христијан Мицкоски – претседател на Влада.

Мицкоски не прецизира дали има одлука за министерот за социјална политика Фатмир Лимани и вицепремиерот Арбен Фетаи, за кои најмногу се зборува дека ќе бидат опфатени со реконструкцијата. Фетаи подолг период воопшто не ни оди на работа, а Лимани веќе се изјасни дека расчистил со Вреди, па оттаму за Канал 5 велат дека е логично е тој да биде сменет од министерската функција.

Засега непознато е и дали ЗНАМ ќе остане со ист третман во извршната власт, со оглед на тоа што останаа без еден пратеник откако Миле Цеков одлучи да настапува како независен. Од партијата на Максим Димитриевски негираат дека нивната пратеничка група ќе се намалува уште повеќе.

-Тоа се шпекулации. Гледате зад кој пулт стојам. Јас сум актуелен Претседател на општинската организација на Движењето ЗНАМ во Куманово, дел од пратеничката група на Движењето ЗНАМ и стојам денеска пред вас и самите можете да заклучите каде припаѓам. Ќе продолжам и во наредниот период да делувам во тој контекст,- Даниел Стојчевски – пратеник на ЗНАМ.

Инаку деновиве се реактуелизира темата за предвремени парламентари избори, за што од речсиси сите партии изразија подготвеност. Премиерот Мицкоски кажа тој е за редовниот термин на избори за две години, но изразува подготвеност ако се одржат и порано – во 2027ма година.

YouTube video

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Мексиканска водителка предизвика возбуда со облеката на Светското првенство (ВИДЕО)

Популарната водителка на временска прогноза и ѕвезда на социјалните медиуми, Јанет Гарсија, повторно ги привлече насловните страници, овој пат со објава за Светското првенство.

Мексиканска водителка предизвика возбуда со облеката на Светското првенство (ВИДЕО)

Гарсија, која се здоби со слава како водителка на временска прогноза за мексиканската телевизија „Телевиса Монтереј“, а подоцна и за „Унивижн“, изгради онлајн империја со повеќе од 13,2 милиони следбеници на Инстаграм.

Објавата што стана вирална

Додека возбудата околу Светското првенство во фудбал во 2026 година растеше, Гарсија се придружи на прославата со видео на Инстаграм. Во видеото, таа жонглира со фудбалска топка носејќи провокативен фустан инспириран од турнирот. Објавата стана вирална на социјалните медиуми и доби поплава од позитивни реакции. Нејзината објава дојде во совршено време додека фудбалските навивачи во Мексико го слават успешниот почеток на нивната национална репрезентација на турнирот. Помеѓу настаните на теренот и виралното видео на Јанет Гарсија, на навивачите не им недостасуваше возбуда.

Навивачите ги преплавија коментарите

Многу од нејзините следбеници го исполнија делот за коментари со пофалби. „Толку си убава, Јанет“, напиша еден обожавател. „Прекрасна фудбалска божица“, коментираше друг, додека трет додаде: „О, Боже, толку си убава“.

Иако објавата на Гарсија предизвика онлајн дебата, фокусот во Мексико остана на победата на тимот на првиот натпревар од турнирот. Мексико го започна своето патување до Светското првенство во фудбал во 2026 година со победа од 2-0 над Јужна Африка на стадионот „Естадио Ацтека“, каде што публиката создаде гласна и незаборавна атмосфера.

„Сон што стана реалност“

Дефанзивецот Израел Рејес зборуваше за искуството по победата. „Беше искуство како ниедно друго“, рече Рејес. „Не мислам дека некогаш сум почувствувал вакво нешто. Тоа беше кулминација на нешто за кое се надевав и на кое работев со години во мојата кариера. Сè помина точно како што очекував и замислував - за мене, ова е сон што стана реалност“. Мексико сега се подготвува за својот следен предизвик во групната фаза против Јужна Кореја. Натпреварот е закажан за четврток во 21 часот по источно време, а навивачите продолжуваат да ја покажуваат својата поддршка за земјата домаќин во раните фази од турнирот.

Тагови: Мексико Светско првенство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Овој часовник се претвора во робот (ФОТО)

Швајцарската компанија „MB&F“ претстави необичен луксузен производ кој комбинира врвна хорологија и роботика.

Овој часовник се претвора во робот (ФОТО)

Новиот модел „HM12 The Guardian“ се состои од комплексен механички часовник и хуманоидна фигура што служи како еден вид чувар и држач за часовникот кога не се носи на зглобот.

Часовникот всушност се наоѓа во главата на робот, што ѝ дава на целата структура уникатен изглед инспириран од научнофантастични филмови и серии од седумдесеттите и осумдесеттите години на минатиот век.

Основачот на компанијата Макс Бизер и дизајнерот Максимилијан Мертенс нагласија дека култните дела од научната фантастика биле главен извор на инспирација за време на развојот на овој модел.

Резултатот е комбинација од луксуз, уметност и машинско инженерство што ретко се гледа дури и во светот на скапите часовници.

Извор: Б92

Тагови: Робот часовник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нова експлозија на Блискиот Исток – Израел прави драматичен потег

Израелскиот министер за финансии Безалел Смотрих, политичар од крајната десница, го отфрли 30-годишниот договор со Палестинската самоуправа, објавувајќи дека „го поништил Хебронскиот договор“.

Нова експлозија на Блискиот Исток – Израел прави драматичен потег

Смотрих рече дека многу одговорности во поделениот град Хеброн на Западниот Брег и неговите свети места, вклучувајќи го и Гробот на патријарсите, или Авраамовото светилиште, повеќе нема да бидат под палестинската општинска самоуправа на Хеброн, „туку целосно ќе се вратат во надлежност на Државата Израел“.

Тој го нарече потегот „историска корекција“ и рече дека тоа е продолжување на „револуцијата“ на легализација на израелските населби и „продлабочување на израелскиот суверенитет“ на Западниот Брег.

Палестинскиот претседател Махмуд Абас предупреди за сериозноста на одлуката, објави палестинската новинска агенција „WAFA“.

Абас ја повика меѓународната заедница итно да интервенира и да изврши притисок врз израелските власти да го поништат она што го нарече многу опасна одлука, велејќи дека тоа ги поткопува напорите за постигнување мирно решение за израелско-палестинскиот конфликт преку решение за две држави.

Израелската организација „Мир сега“ исто така ја критикуваше одлуката како „опасен и неодговорен потег на неуспешен политичар“.

Владата, според нив, „не успеала на сите фронтови“ во регионалната војна, а сега „пироманот Смотрих се обидува да го запали окупираниот Западен Брег“.

Спогодбата од Хеброн беше постигната во 1997 година за време на претходната влада предводена од Бенјамин Нетанјаху, тогашниот премиер на Израел.

Спогодбата предвидуваше поделба на градот, при што Израел ја задржа контролата врз една петтина од Хеброн за да заштити неколку стотици претежно радикални еврејски доселеници. Градот моментално е дом на околу 200.000 Палестинци.

Извор: Б92

Тагови: Израел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер