Македонија

Регионалниот фонд за предизвици продолжува со инвестиции во образованието

Почна вториот повик на Регионалниот фонд за предизвици (РЦФ) за поднесување Изјави на интерес – шанса за конзорциумите да добијат неповратни средства во висина од 150.000 до 600.000 евра.

РЦФ ги повикува заинтересираните конзорциуми за заедничко спроведување програми за кооперативна обука, кои се составени од установи за стручно образование и обука и претпријатија, да аплицираат и да се натпреваруваат за можноста да остварат значителни инвестиции во опрема за обука и капацитети за обука при установите за стручно образование и обука и да поттикнат воведување нови технологии.

Тие имаат можност да го поддржат развојот на методологии за кооперативна обука заради ефективно справување со недостигот на човечки ресурси и стратешки пристап кон градењето на капацитети, да помогнат во подобрување на вработливоста на учениците/учесниците од стручното образование и обуки и нивно интегрирање на пазарот на трудот и да ја подобрат продуктивноста и конкурентноста на локалните претпријатија како резултат на успешно спроведените програми за обука.

Вториот Повик за изразување интерес е во тек, отворен е од 7 март до 14 април 2022. Повикот се објавува истовремено во шесте држави од Западен Балкан: Албанија, Босна и Херцеговина, Косово, Црна Гора, Македонија и Србија. РЦФ е отворен и очекува апликации од сите шест држави и од сите економски сектори.

Изјави за изразување интерес може да поднесат конзорциуми составени од установи за стручно образование и обука и најмалку две претпријатија кои заедно подготвуваат и реализираат програми за дуално образование или кооперативна обука. Конзорциумите треба да бидат предводени од установи кои нудат стручно образование и обука и спроведуваат програми кои водат кон стекнување национално признати квалификации.

Процесот на аплицирање за поддршка од Регионалниот фонд за предизвици се одвива во две фази. На почетокот конзорциумите поднесуваат формулар за Изјавување на интерес, а потоа тие кои ќе бидат првично избрани по завршување на првата фаза поднесуваат и целосни предлог-проекти со детален план за инвестирање.

Информативната сесија за Македонија, во текот на која ќе бидат објаснети деталите за конкурсот, условите за подобност, прифатливите трошоци и процедурите за аплицирање, ќе се одржи онлајн на 16 март 2022 година во 14 часот. Заинтересираните за учество може да се пријават на линкот: https://us06web.zoom.us/webinar/register/WN_so7u–1zQWqau1xZrM9WMw.

Дополнителни информации за вториот повик и поднесувањето на Изјавите на интерес, вклучувајќи ги и насоките за заинтересираните апликанти, се достапни на веб-страницата www.rcf-wb6.org.

Регионалниот фонд за предизвици имаше многу успешен прв Повик за изразување интерес, отворен во 2021 година, од кој произлегоа 37 најуспешни проекти со предлог за финансирање и беа доделени приближно 15,4 милиони евра на регионот на Западен Балкан.

РЦФ е финансиски инструмент чија цел е да ја зголеми вработливоста, особено кај младите. Фондот ја поттикнува конкурентноста на претпријатијата во економиите од Западен Балкан преку финансирање инвестиции во опрема и инфраструктура за избрани кооперативни проекти и проекти за стручно и дуално образование кои се спроведуваат по пат на партнерства помеѓу установите за стручно образование и обука и претпријатијата. Грантовите се доделуваат преку натпревар на регионално ниво. /МИА

Живот

Крокодил изел едногодишно дете - го извлекол од чамецот, татко му се обидел да го спаси (ВИДЕО)

Крокодил грабнал и изел едногодишно момче и тешко го повредил татко му додека веслале по река во Малезија.

Вчераутро ѕверот го грабнал малото момче од кану додека со татко му ловел риба во Сабах. Неговиот вознемирен татко (40) се обидел да го одбрани, но крокодилот лесно го совладал. Тој истрчал на брегот со повеќекратни рани од каснување, вклучително и ужасен удар во главата.

Селаните го извлекле членот на племето Палаух од реката, но крокодилот веќе го одвлекол неговиот син во длабочините. Подоцна се појавил на површината со осакатено тело на малото дете во вилиците пред да потоне назад во водата.

Сумсо Рашид, водачот на спасувачката екипа вели дека потрагата по телото се уште е во тек.

- Таткото се здоби со сериозни повреди на главата и телото. Неговиот син се уште е исчезнат, а потрагата е во тек. Мажот е префрлен на лекување во болницата Лахад Дату - рекол Рашид.

Кралската малезиска полиција и поморската полиција ѝ се придружиле на локалната противпожарна служба во потрагата по телото на момчето. Официјалните лица, исто така, ги предупредиле селаните кои живеат покрај реката да се држат подалеку од водата поради ризикот од нов напад на крокодилот.

- Многу жители се потпираат на реката за храна и егзистенција, па мораат да влезат во водата. Ги предупредивме на дополнителна опасност во овој момент и да бидат дополнително внимателни бидејќи крокодилот најверојатно се уште ќе биде во областа – додаде Рашид.

Свет

Едвард Сноуден добил руски пасош, откако ѝ се заколнал на верност на Русија

„Свиркачот“ Едвард Сноуден доби руски пасош откако се заколна на верност на земјата која го штити од американските власти од 2013 година.

Веќе во септември оваа година, Сноуден доби руско државјанство со декрет потпишан од рускиот претседател Владимир Путин.

Информацијата дека 39-годишниот кодош го добил пасошот денеска ја потврди и неговиот адвокат Анатолиј Кучерена. „Тој положи заклетва“, изјави Кучерена и додаде дека Сноуден е среќен бидејќи неговото руско државјанство ја спречува неговата екстрадиција, пренесува Гардијан.

"Се разбира, тој е среќен и благодарен на Руската Федерација за неговото државјанство, тој сега е полноправен државјанин на Русија. И што е најважно, според рускиот устав, тој не може да биде предаден на странска земја", рече адвокатот на Сноуден. Не се објавени фотографии или видеа од церемонијата.

Поединците кои добиваат руско државјанство со закон се обврзуваат да „го почитуваат уставот и законодавството на Руската Федерација, правата и слободите на нејзините граѓани, да ги исполнуваат должностите на државјанин на Руската Федерација во корист на државата и општеството, да ја заштитат слободата и независноста на Руската Федерација,да бидат лојални на Русија и да ја почитуваат нејзината култура, историја и традиција“.

Одлуката за доделување државјанство дојде во крајно неповолен момент, по почетокот на руската инвазија на Украина и последователниот пад во меѓународна изолација. Очигледно и сопругата на Сноуден поднела барање за руско државјанство. Двајцата живеат на непозната локација со нивните два сина, кои се родени во Русија.

„После години разделба од нашите родители, јас и мојата сопруга немаме желба да се разделиме од нашите синови. По две години чекање и речиси 10 години егзил, малку стабилност значи многу за моето семејство. Барам приватност за нив и за сите нас“, напишал Сноуден во септември.

Фудбал

Левандовски е во одлична форма поради диетата од неговата сопруга

Роберт Левандовски во моментов е еден од најценетите напаѓачи во светот.

Откако го постигна својот прв гол на Светското првенство, многумина беа заинтригирани од неговата извонредна форма. А според Марка, тајната е во обратната диета дизајнирана од неговата сопруга.

Што е тоа? Овој режим има ригорозен избор на храна што може да се јаде, како и она што е целосно забрането.

Левандовски јаде просо, палачинки, брауни, висококвалитетна риба, сок од репка, салати, супи, урми, енергетски барови, свежи сокови и бадемово млеко. Покрај тоа, зеленчукот (брокула, тиквички, зелена салата, моркови и спанаќ) и авокадо се секојдневно на неговото мени без исклучок.

Јаглехидратите и протеините се јадат посебно. „Се консумира само добра храна, без лактоза“, вели Ана Левандовски.

Пржената храна не е во исхраната на Левандовски. Полјакот го ограничил и внесот на брза храна.

„Поентата е да се јаде најквалитетна храна од локално и органско производство, односно сезонско овошје и зеленчук. Избегнувам бел шеќер, сурово млеко и пченица“, открива сопругата на познатиот фудбалер, која учествуваше на Олимписките игри и е дипломиран студент на Академијата за физичка култура и нутриционистка.

притисни ентер