Регионален самит во Тирана посветен на планот за раст на ЕК - Канал 5

Балкан

Регионален самит во Тирана посветен на планот за раст на ЕК

Планот за раст на земјите од Западен Балкан, усвоен од Европската Комисија во фокусот на регионалниот самит во Тирана ден по состанокот кој беше посветен на Украина. 

Регионален самит во Тирана посветен на планот за раст на ЕК

Средбата на високо ниво е продолжение на таа која се случи во Скопје минатиот месец, каде лидерите на земјите беа запознати со можностите кои ги нуди планот. Во фокусот на денешните разговори сепак, беше унапредувањето на регионалната соработка и реализацијата на Заеднички регионален пазар, како процес на постепено вклучување во Единствениот европски пазар. Со планот како што повтори еврокомесарот Вархеји, би можеле да се дуплираат економиите на земјите од регионот.

-Ние мислиме дека овој план е способен да ги дуплира економиите на земјите од западен Балкан во наредните десет години. Но, за ова да се придвижи напред, потребно ни е и регионот да се движи напред, брзо. Тоа значи, да се испорача на ЕУ реформите кои се потребни за овој план да биде функционален. Овој план е функционален ако примените ЕУ правила, ако брзо ги спроведете сите ЕУ правила бидејќи тогаш ќе влезете на Европскиот пазар и пред да станете членки на ЕУ,- - Оливер Вархеји – Еврокомесар за проширување.

Албанскиот премиер Еди Рама пак, кој е домаќин на самитот, оцени дека сложените прашања меѓу земјите од регионот мора да се решаваат преку билатерален дијалог. Според него, или земјите од регионот ќе се движат заедно напред или заедно ќе пропаднат.

-Со новиот план за раст кој е во игра, императивот е многу јасен. Или колективно ќе ги преземеме потребните чекори за да се приближиме кон ЕУ и едни кон други или ризикуваме да не успееме да обезбедиме место на масата на ЕУ. Или ќе склопиме мир за да работиме на нашиот просперитет или нашиот недостаток на просперитет ќе не направи да го загубиме мирот. Вака работи ЕУ, вака треба да работи и Западен Балкан,- - Еди Рама – Премиер на Албанија.

Македонија во Тирана е претставена од техничкиот премиер Џафери, а во делегацијата е и вицепремеирот Маричиќ, како и министерот за надворешни работи Бујар Османи. Планот за раст кој се однесува на периодот од 2024 година до 2027 година, предвидува 6 милијарди евра за периодот до 2027 година, од кои 2 милијарди неповратна помош, а 4 во вид на поволни кредити. Сепак, помошта за земјите од регионот е условена од спроведувањето на неопходните европски реформи.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

​Трето вонредно прскање против комарци во Драчево

​Трето вонредно прскање против комарци во Драчево

Центарот за јавно здравје, во соработка со Општина Кисела Вода, вечерва спроведува трета вонредна акција за дезинсекција. Третманот ќе го опфати подрачјето на населбата и селото Драчево, со цел заштита на граѓаните и спречување на масовно размножување на комарците.

Прскањето ќе се реализира во периодот од 22:00 до 24:00 часот, при што со специјализирано возило ќе се дејствува против возрасните комарци. Оваа трета вонредна интервенција се надоврзува на досегашните активности кои започнаа кон крајот на минатиот месец со првото прскање, кое исто така беше насочено кон возрасните инсекти. Континуитетот продолжи пред два дена со втората акција, кога екипите на терен вршеа уништување на ларвите со соодветен ларвицид во каналите и влажните места.

Уште еднаш ги потсетуваме пчеларите навремено да ги преземат потребните мерки за заштита на своите пчелни семејства поради вечерашните активности. Истовремено, за акцијата да се реализира безбедно и ефикасно, ги замолуваме граѓаните во наведениот временски период, доколку се во можност, да ги држат затворени прозорците и вратите од своите домови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Родри – светски шампион на лет на „ниско буџетна авио компанијата

Капитенот на светскиот фудбалски шампион Шпанија, Родри дефинитовно  не е опседнат со луксуз како многу од фудбалерите, тоа го покажа при враќањето од  Шпанија во Манчестер.

Видео: Родри – светски шампион на лет на „ниско буџетна авио компанијата

Скромниот светски шампион со Шпанија и ѕвезда на Манчестер Сити е снимен како чека во ред за пријавување на летот на аеродромот во Мадрид, од каде што патувал за Ливерпул.

Тој не изнајмил приватен авион ниту си обезбедил некаков вид ВИП-транспорт – како што тоа го прават многу фудбалери од негов ранг – туку, како и секој обичен смртник, застана во редот пред шалтерот, онаму каде што одат сите патници пред полетувањето.

На истиот лет со Родри била и новинарката на Би-би-си, Емили Бробин, која сподели снимки и фотографии од шпанскиот фудбалер на аеродромот.

Ова не е неочекувано од Родри, кого славата и парите не го промениле . Оние што го познаваат велат дека Родри е сè уште истиот оној Родри што бил и пред големиот подем во кариерата.

Се разбира, глетката на фудбалер кој може да си дозволи сопствен авион, а сепак стои во ред со обичните луѓе, ги воодушеви корисниците на социјалните мрежи.

Покрај тоа што со недели е во центарот на вниманието поради успехот со Шпанија, Родри веќе неколку дена е тема на европските спортски портали поради можниот трансфер во Барселона.

Според последните информации, играчот постигнал договор со Каталонците, но трансферот моментално е „закочен“ од Сити, кој бара повеќе пари за „слободата“ на својот фудбалер.

Тагови: Родри

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

НАТО собори дрон над Летонија, воздушна тревога во региони покрај Русија

Борбени авиони на НАТО соборија беспилотно летало што рано утрово навлезе во воздушниот простор на Летонија.

НАТО собори дрон над Летонија, воздушна тревога во региони покрај Русија

Инцидентот се случил во регионот балви, на североистокот на земјата, а вооружените сили по интервенцијата соопштија дека воздушната закана е завршена.

Пред соборувањето бил прогласен портокалов степен на воздушна тревога во неколку области во источна Летонија. Жителите добиле предупредување преку мобилните телефони, а околу еден час подоцна тревогата била укината.

Армијата засега не го објави потеклото ниту типот на дронот. Познато е дека леталото било соборено на релативно голема височина, поради што остатоците може да бидат расфрлани на поширок простор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер