Македонија

Регионален дијалог за образовни политики: Темелни реформи за поквалитетно образование

Државите од Западен Балкан полесно можат да напредуваат кога заедно и гласно размислуваат за тоа што му е потребно на образованието во секоја од земјите.

Ние сме слични народи, со блиски обичаи, култури и традиции, а тоа значи и слични образовни системи и предизвици. Токму затоа, полесно ги согледуваме заедничките проблеми и побрзо можеме да најдеме решенија што со мали прилагодувања се применливи во нашите земји. Ова го нагласи министерката за образование и наука проф. д-р Весна Јаневска на отворањето на Регионалниот дијалог за политики за квалитетно образование, што се одржува во Скопје, организиран од Регионалната канцеларија на УНИЦЕФ за Европа и Централна Азија во соработка со ОЕЦД и Европската комисија.

„Во Македонија веќе 16 месеци работи нова Влада која со голем ентузијазам започна нова реформска агенда во образованието. Претходно видовме многу обиди, но малку континуитет. Министрите се менуваа пребрзо, со просечен мандат од година и пол, секој со свои приоритети и идеи. Овој пат, со принципиелноста и решителноста на оваа Влада, уверена сум дека вложениот труд ќе даде резултати на среден рок“, посочи Јаневска.

Дијалогот е можност за експерти од Регионот, врз основа на меѓународните истражувања колку научиле учениците и како работат наставниците, да разменат добри практики и да обликуваат практични решенија за подобрување на резултатите од учењето.

„Секако, не сме задоволни од резултатите на ПИСА тестирањата. Тоа не значи дека нашите ученици немаат знаење, туку дека мораме подобро да ги подготвиме за начинот на кој се тестираат нивните компетенции“, рече Јаневска, додавајќи дека со конкретните чекори за промени што ќе донесат подобри резултати, опфатени се сите сегменти на образовниот систем.

Во основното и средното образование се менуваат наставните програми, се изготвуваат современи учебници, се инвестира во модерна опрема, особено во областа на природните науки. Посебно внимание се посветува на стручното образование, веќе се формирани 7 од 8 регионални центри за стручно образование и обука, од кои 4 се целосно опремени и функционални.

Јаневска укажа дека за само 16 месеци во образовната инфраструктура се вложени рекордни 64 милиони евра. Платите на наставниците се зголемени за 12%, а преку професионален и кариерен развој тие можат да напредуваат, што носи и поголем личен доход.

„Инклузијата е еден од нашите најважни приоритети. Значително е зголемен бројот на асистивен кадар во училиштата, а формирани се и државни основни и средни училишта со ресурсни центри. Работиме и на оптимизација на училишната мрежа и воведување едносменско работење, за учениците да поминуваат повеќе време таму каде што најмногу учат и растат - во училниците“, појасни министерката Јаневска.

Со цел реформата да има континуитет, Јаневска ја образложи иницијативата за усвојување на Национална декларација за образованието, како собраниски документ што ќе биде патоказ и гаранција дека без разлика на политичките промени, развојот на образованието нема да трпи застој ниту отстапки.

Тагови: МОН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Делови од Бутел и Карпош денеска без струја

Од ЕВН Македонија АД известуваат дека денеска без електрична енергија ќе останат:

– во периодот од 08.00 до 12.00 часот, корисниците од улицата Костурска ,ул. Тале Христов Слога, Клиника ВФВ и Санте плус 3, општина Бутел;

– во периодот од 09.00 до 14.00 часот, корисниците од улица Франце Прешер околу објект 141, општина Карпош;

– во периодот од 12.00 до 14.00 часот, корисниците од Бул. Босна и Херцеговина и ул.Боро Менков, општина Бутел.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно со повремен дожд и грмежи

Времето денеска ќе биде променливо облачно со повремени врнежи од дожд, локално проследени со грмежи.

Наместа процесите ќе бидат поинтензивни во форма на невреме со пообилен пороен дожд (20 литри на метар квадратен), електрични празнења, силен ветер и појава на град. Минималната температура ќе биде во интервал од 9 до 16, а максималната ќе достигне од 21 до 29 степени, информира Управата за хидрометеоролошки работи (УХМР).

Во Скопје, променливо облачно со повремени врнежи од дожд. Во делови од котлината ќе има поинтензивни процеси во форма на невреме со интензивен пороен дожд, електрични празнења, силен ветер и изолирана појава на град. Минималната температура ќе се спушти до 14, а максималната ќе достигне до 27 степени.

– Во следните денови ќе се задржи променливо облачно време со сончеви периоди во текот на денот. В сабота и в понеделник повторно се очекуваат поинтензивни процеси со пообилен пороен дожд, грмежи, засилен ветер и локално невреме – најави УХМР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 4. јуни 2026 година

Дневен хороскоп за четврток, 4. јуни 2026 година.

Близнаци 21.5.-21.6.

Љубов

Ќе копнеете консвојот љубовен идеал, но како што ќе минува денот , така ќе бидете свесни дека тој е далеку од вас.

Кариера

Ќе чувствувате преодна потреба да се повлечете , па ако е некако можно ќе се обидете да делувате од сенка.

Здравје и совет

Грижите што ќе се појават се обична илузија.

Рак 22.6-22.7.

Љубов

Доколку излезете, има голема веројатностубаво да си поминете. Сепак , внимавајте што зборувате за да не направите збрка.

Кариера

На работното место нема да бидете кој знае колку ангажирани. Се ќе одработите рутински и ќе ви недостига мотив.

Здравје и совет

Вежбајте јога за подобра концентрација.

Лав 23.7-22.8.

Љубов

На моменти ќе имате потреба да пресечете и да избегнете некои напори или мали проблеми во врската, но тоа нема да биде потребно. Се е во ред.

Кариера

Мали недоразбирања во односите со соработниците ќе имаат преоден карактер, па не им придавајте значење.

Здравје и совет

Останете мирни.

Девица 23.8.-23.9.

Љубов

Вашиот партнер ќе покажува потреба за повеќе нежности , па без проблеми ќе го направите тоа. Добро е.

Кариера

Повремено во главата ќе си ги анализирате претходните работни денови и предизвиците што сте успеале да ги совладате. Потоа ќе се опуштите.

Здравје и совет

Вежбајте на отворено.

Вага 24.9.-23.10

Љубов

Ќе имате потреба да ги покажете своите емоции и ќе ја доживеете саканата личност на нов начин. Ќе има малку немир ,но врската е во ред.

Кариера

Ве очекува непромиослено однесување на вашите надредени , поради што ќе се чувствувате повредени.

Здравје и совет

Не ги земајте работите при срце. Ќе помине.

Шкорпија 24.10-22.11.

Љубов

Денеска наоѓате вистински начин некому да ги покажете своите чувства , било да станува збор за погледи или само за зборови.

Кариера

Поради добро завршената работа , некои денеска би биле малку под заштита и пуштени дома пред крајот на работното време.

Здравје и совет

Имате право да уживате.

Стрелец 23.11.-21.12.

Љубов

Вашиот стил на забава надалеку е познат по оригиналноста. Денеска дури и ќе претерате.

Кариера

Можно е дека ќе изјавите нешто што ќе повреди некого од вашите колеги. Затоа контролирајте си го јазикот.

Здравје и совет

Бидете умерени.

Јарец 22.12.-20.1.

Љубов

Денот е идеален за да останете дома , било во двојка или сами. Многумина нема да сакаат да излезат со друштво.

Кариера

Со олеснување ќе го прифатите фактот дека се наближува викендот. Тоа ќе ви ги олесни работните часови.

Здравје и совет

Наспијте се добро.

Водолија 21.1.-19.2.

Љубов

Некои денеска би можеле да се покажат како вистински сонувачи. Ќе сонуваат за љубовта што ја нема или ќе ги малтретираат другите со такви приказни.

Кариера

Кога ќе ги сведете сите сметки , ќе видите дека има нови трошоци , но и нови добивки. Пак сте на исто , не се нервирајте.

Здравје и совет

Одморете се.

Риби 20.2.- 20.3.

Љубов

Ќе дојде до мало подобрување на вашите лични односи, но и натаму тешко ќе наоѓате вистински зборови во комуникацијата со партнерот.

Кариера

За да ги ослободите новите идеи , поврзете се со младите соработници . Тие ќе ви помогнат за да се изразите.

Здравје и совет

Следете ги своите сништа.

Овен 21.3-20.4.

Љубов

Повторно ќе најдете рамнотежа во личните односи . На некои во тоа ќе им помогнат пријателите. Саканата личност сепак ве сака.

Кариера

На работното место ќе чувствувате мир и стабилност. Тајните остануваат за некој друг да ги решава.

Здравје и совет

Продолжете да го градите започнатото.

Бик 21.4- 20.5.

Љубов

Веројатно ќе ја споите саканата личност со друштвото и така ќе минете една убава вечер или попладне.

Кариера

Веќе ништо поврзано со работата нема да ве загрижува. Вашите задачи ви се целосно јасни и тоа ви е доволно.

Здравје и совет

Вежбајте гимнастика.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.