Реформската агенда ќе биде надградена и ќе предвидува околу педесетина чекори, најавува Сали - Канал 5

Македонија

Реформската агенда ќе биде надградена и ќе предвидува околу педесетина чекори, најавува Сали

Обемот на Реформската агенда ќе се прошири, најавува министерот за европски прашања Беким Сали, по како што појасни, позитивните пораки добиени од Брисел за динамиката на македонскиот евроинтегративен пат.

Реформската агенда ќе биде надградена и ќе предвидува околу педесетина чекори, најавува Сали

Според Сали, освен редовните обврски, реформската агенда ќе биде надградена со дополнителен пакет од неколку десетици нови чекори, со што воедно, би се зголемила и финансиската поддршка за земјава преку европскиот План за раст.

-Имаме повеќе чекори, тоа се 30тина кои што мора да ги исполниме и работиме со институциите имајќи во предвид дека нормалниот тек на реализација на реформската агенда треба да биде до крај на 2027 година со грејс период до декември 2028 година, а дополнително сега работиме на пакет кој што би опфатил околу 50тина чекори, се уште не е дефиниран бројот затоа што роковите се уште се отворени. Значи ние треба да понудиме дополнителни чекори кои што ние би можеле како институции да ги исполниме за да можеме тој пакет од 750 милиони евра да го зголемиме како можност за искористување на вкупниот буџет од 6 милијарди евра, предвиден за Западен Балкан.- Беким Сали, прв вицепремиер и министер за европски прашања

Сали комуникацијата со Европската унија ја оцени за одлична, што не може да се каже и за онаа со Бугарија. Тој вели, не се градат добрососедски односи со изјави како неодамнешната на бугарската претседателка Јотова за време на одбележувањето на празникот Илинденско-Преображенско востание.

-Добрососедските односи не се градат со давање на такви изјави, тие се градат со поддршка на држава која што има аспирации кон ЕУ. // Тоа е начинот како тие сакаат да покажат дека се посилниот „комшија„ кој што не условува во интегративниот процес, меѓутоа, јас сметам дека разумот на крај ќе надвладее над сите луѓе кои што одлучуваат во развојот на еден регион. - Беким Сали, прв вицепремиер и министер за европски прашања

Во однос на новиот план за проширување предложен од еврокомесарката Марта Кос кој вклучува построги правила и нова методологија, ресорниот министер информираше дека од ЕУ се уште не пристигнал официјален документ ниту пак се воделе разговори за новите критериуми. Сали додаде дека новата методологија би се издефинирала по околу две години, а дотогаш како што вели, следи период на пораки до сите земји кандидатки, дека треба да се подготват за процесот.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Катастрофа во Непал: Стотици загинати и исчезнати, меѓу кои околу 300 странски туристи (ВИДЕО)

Најмалку 384 лица, вклучувајќи 291 странци, се водат како исчезнати по ненадејните поплави што ја погодија границата Непал-Тибет, соопшти туристичкиот одбор на земјата.

Катастрофа во Непал: Стотици загинати и исчезнати, меѓу кои околу 300 странски туристи (ВИДЕО)

Најмалку 95 лица загинаа, објави Би-Би-Си, додавајќи дека меѓу 384 исчезнати се 105 Индијци и 12 Британци, како и 111 лица чии националности сè уште не се потврдени.

Ненадејните поплави во Непал сериозно оштетија села и патишта, покривајќи сè со дебел слој камења и кал. Властите повикаа спасувачи од Кина и Индија. Министерот за надворешни работи на Непал рече дека прелиминарните извештаи укажуваат дека ненадејните поплави можеби се предизвикани од земјотрес што предизвикал лавина.

Најмалку 95 мртви

Бројот на жртви од ненадејните поплави што го погодија хималајскиот пограничен регион помеѓу Непал и кинескиот Тибет во среда се искачи на 95, соопшти полицијата, според Ројтерс.

Најмалку 55 тела се пронајдени во Непал откако лавина предизвика катастрофални ненадејни поплави, а стотици луѓе се водат како исчезнати. Информацијата ја објавија локалните медиуми, а Ројтерс објави дека сè уште не можел независно да ги потврди извештаите. Нови детали ќе бидат објавени штом ќе бидат достапни.

Дванаесет Британци исчезнати на екскурзија

Дванаесет британски државјани, кои се дел од поголема група од околу 400 исчезнати туристи, исчезнаа за време на екскурзија на границата меѓу Непал и Тибет. Информацијата ја потврди агенцијата за планинарење што го организираше патувањето.

Рам Кумар Адикари, раководител на агенцијата „Алпин Еко Трек“, даде изјава за Прес Асоцијацијата (ПА). „Во моментов немаме многу информации, но можам да потврдам дека 12 британски државјани требало да пристигнат на нивната дестинација утрово“, рече тој.

Записите за патување, што ги виде ПА, покажуваат дека возраста на исчезнатите Британци се движи од 13 до 65 години.

Адикари додаде дека на истото патување имало и двајца државјани на Ирска и четворица од Република Јужна Африка. Нивниот статус е исто така наведен како исчезнат.

Експертот предупредува на втор бран поплави, предизвикан од лизгање на глечерот

Непал е погоден од ненадејни поплави, а првите податоци од климатските организации сугерираат дека главната причина е лизгање на глечер.

Германскиот истражувачки центар за геолошки науки (GFZ) објави дека е регистриран земјотрес со магнитуда од 4,4 степени. Се случил околу седум минути пред надзорните камери во Ѓиронг да го снимат поројот, а снимките од 12:40 часот покажуваат како калта и водата уништуваат згради.

Ќианггонг Жанг од Меѓународниот центар за интегриран планински развој (ICIMOD) со седиште во Катманду се согласува со оваа проценка. Тој верува дека катастрофата е предизвикана од лавина од мраз и карпи во реката Лхенде Хола на непалската страна.

Жанг, исто така, предупредува на понатамошна опасност. „Сè уште има блокада низводно на граничната река помеѓу Непал и Кина, па затоа властите предупредуваат дека може да следи втор бран поплави“, рече тој.

Пилот за поплавата во Непал: Брановите беа високи до шест метри

Пилотот на хеликоптерот процени дека брановите во денешната смртоносна поплава на кинеско-непалската граница биле високи помеѓу пет и шест метри. Аман Будатоки бил во воздух во времето на катастрофата и разговарал со CNN за сцените што ги видел.

Пилотот рекол дека неговиот тим забележал облак од прашина над реката пет минути пред слетувањето, но на почетокот не разбрале што е тоа. „На почетокот изгледаше како лизгање на земјиштето. Дури мислевме дека војската користи експлозиви за изградба на патишта“, рекол Будатоки.

Сепак, набрзо станало јасно дека се сведоци на нешто многу полошо. Пилотот видел темен порој во кој, како што опишал, остатоци и отпад бурно се мешале со водата.

„Видовме бранови високи од пет до шест метри. Почнавме да кружиме над селото и гледавме како водата носи големи дрвја и неколку возила“, рекол тој. „Беше страшно. Ја следевме поплавата некое време за да ја процениме штетата.“

„Никогаш порано не сум видел моќта на природата прикажана на овој начин“, заклучил пилотот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Поради смртта на Доли Партон, знамињата во САД една недела на половина копје

Американскиот претседател Доналд Трамп нареди во чест на американската кантри пејачка и актерка Доли Партон, која почина вчера, знамињата во САД да се спуштат на половина копје во текот една недела.

Трамп: Поради смртта на Доли Партон, знамињата во САД една недела на половина копје

Ова е вистинска загуба за милиони луѓе. Никогаш немало никој како неа, ниту некогаш ќе има. Почивај во мир, Доли. Светот те сака, напиша Трамп на социјалните мрежи. Легендарната американска пејачка, текстописец и икона на кантри музиката почина на 80-годишна возраст, а дел од медиумите објавија дека таа се борела со канцер. Партон освои 11 греми награди, меѓу кои и за животно дело. Со 160 милиони продедени албуми се сметаше за една од најуспепните кантри пејачки на сите времиња.

Тагови: Доли Партон Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Неколку стотици исчезнати во ненадејни поплави и лизгање на земјиштето во Непал, на границата со Тибет

Стотици луѓе се водат за исчезнати, од кои околу 300 странски државјани и туристи, во ненадејните поплави кои го зафатија регионот на границата меѓу непал и тибет.

Неколку стотици исчезнати во ненадејни поплави и лизгање на земјиштето во Непал, на границата со Тибет

Непалските власти проценуваат дека загинале неколку десетици луѓе, а дека трагаат по речиси 400, повеќето странци. Министерот за надворешни работи на непал соопшти дека причина за поплавите бил земјотрес, кој предизвикал големи свлечишта и масивни лизагања на земјиштето. Би-Би-Си објави дека најголем дел од исчезнатите биле индиски државјани, но и 12-мина британски.

Тагови: Непал тибет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер