Забава

Редок прв примерок од „Хари Потер и Каменот на мудроста“ продаден за над 45.000 фунти

 Примерок од книгата „Хари Потер и Каменот на мудроста“ од писателката Џ.К. Роулинг, којшто бил еден од првите 500 отпечатени во 1997 година, е продаден за малку повеќе од 45.200 фунти вчера. 

Наддавањето се одржа во аукциската куќа „Лион и Турнбол“ во Единбург, Шкотска, градот каде што е напишан најголемиот дел од книгата.

Примерокот, инаку, содржи печатна грешка во зборот „Филозоф“ на задната корица и изразот „1 волшебно стапче“ е наведен двапати во списокот со училиштен прибор на страница 53.

Книгата била првично купена пред 20 години во Лондон, а аукционерите ја оценија како „одличен примерок“ од делото. Се предвидуваше пред вчерашното наддавање дека романот ќе достигне цена од 40.000 до 60.000 фунти, па на крајот е продаден за 45.201 фунта, и покрај грешките во него.

По објавувањето на книгата, биле отпечатени само мал број примероци, поради неизвесноста за тоа дали книгата ќе се покаже популарна или не. Серијалот „Хари Потер“, којшто вклучува седум книги, подоцна преточени во осум филмови, стана еден од најомилените во светот.

Регион

Молотов пред домот на претседателката на Врховниот суд на Грција, повреден полицаец

Инцидентот се случил во населба во северниот дел на Атина, кусо еден часот по полноќ, а било запалено патролно возило на полицијата, при што интервенирала противпожарната служба со осум пожарникари и две возила.

Бомба молотов била фрлена пред домот на претседателката на Врховниот суд на Грција, при што бил повреден полицаец и пренесен во болница со повреди на лицето и раката, јави дописничката на МИА од Атина.

Инцидентот се случил во населба во северниот дел на Атина, кусо еден часот по полноќ, а било запалено патролно возило на полицијата, при што интервенирала противпожарната служба со осум пожарникари и две возила.

Портпаролот на грчката Влада Павлос Маринакис го осуди нападот и истакна дека „демократијата и нејзините столбови, како што се судството и неговите функционери, не се заплашуваат“, посочувајќи дека апсолутен приоритет е итното апсење на сторителите.

Фудбал

За прв пат во кариерата Роналдо не постигна гол во групната фаза на некој голем турнир

 Репрезентативниот напаѓач на Португалија, Кристијано Роналдо, за прв пат во кариерата не постигна гол во групната фаза на еден голем турнир.

Триесет и деветгодишниот Португалец не успеа да се запише во листата на стрелците на ниту еден од неговите три натпревари во Ф-групата на Европското првенство 2024.

Кристијано претходно има постигнато гол на сите негови претходни 10 групни турнири на Светско или Европско, кои датираат од Евро 2004 година.

Португалија која синоќа загуби од Груизија, со шест бода го освои првото место во групата.

Противник на Португалците во осминафиналето ќе биде селекцијата на Словенија.

Свет

Кина одвои 316 милиони долари итна помош за справување со последиците од смртоносните поплави

Кинеската влада додели итна помош во вредност од 316 милиони долари на градските власти за справување со последиците од смртоносните поплави во земјата.

Средствата се за поддршка на спасувачките операции, за итни случаи и планирање за спречување на штети од поплави и лизгање на земјиштето предизвикани од поројните дождови кои паѓаат речиси две недели.

Министерството за финансии и Министерството за вонредни ситуации денеска ослободија 486 милиони јуани, најновата транша од финансиската помош за погоденото население.

притисни ентер