Редок наод од средниот век: Жена-воин загинала со мажите соборци, штитејќи го својот замок - Канал 5

Живот

Редок наод од средниот век: Жена-воин загинала со мажите соборци, штитејќи го својот замок

При ископувања кај замок во Шпанија, археолозите наишле на редок наод - жена погребана покрај повеќе од 20 средновековни монаси. Како и мажите, и таа веројатно била жена-воин која загинала во битка, претпоставуваат научниците.

Редок наод од средниот век: Жена-воин загинала со мажите соборци, штитејќи го својот замок

Се работи за тврдината „Зорита де лос Канес“ во градот Гвадалахара. Гробниците датираат од времето меѓу 12. и 15 век - период на сложени верско-политички судири меѓу христијанските и исламските групи на Пиринејскиот Полуостров. Според написот објавен на 14 мај во списанието „Сајентифик репортс“ (Scientific Reports), многу од скелетите имаат рани кои укажуваат на повреди и насилна смрт, најверојатно добиени во борба. Овие монаси-воини му припаѓале на Редот на Калатрава, основан 1158 година.

Врз основа на анализата на посмртните останки на жената, се чини, таа починала во борба, како и монасите, бидејќи нејзините коски не покажуваат знаци на заздравување околу повредите.

- Треба да ја замислиме како воинка од околу 40 години, малку помалку од метар и 80 цм висока, ниту полничка, ни слаба, а вешта со меч, изјави Карме Рисех, истражувачка од Одделот за основна медицина при Државниот универзитет во Тарагона и една од истражувачите на овој наод.

Полот на жената-воин и сличните наоди се утврдува со проучување на карлицата и черепот - два од најчестите и најсигурни делови од телото за одредување на биолошкиот пол.

Со проучување на коските од сите скелети во „Зорита де лос Канес“, научниците утврдиле и дека исхраната на монасите била богата со живина и морски риби, претпочитани и прифатени од иберските општествени елити. Честото консумирање риба „посочува дека монасите се придржувале на верските ограничувања на месото“, се наведува. Во споредба со мажите, жените јаделе многу помалку протеини - ова укажува на тоа дека воинката меѓу нив најверојатно потекнувала од пониска општествена класа во однос на монасите, пишуваат научниците.

Претпоставките говорат: Жената била слугинка во ова средновековно здание, па зела оружје в раце за да се заштити и себеси си и замокот во битката, но загинала. Нејзините коски, сепак, не укажуваат на трошење типично за работата на слугинка.

Рисех верува дека овие останки, сепак, ѝ припаѓаат на жена-воин.

- Но, потребна е дополнителна анализа за да се утврди дали оваа жена навистина била воинка и, евентуално - до кој степен?, вели докторката.

Витешкиот Ред на Калатрава, слично на Темпларите и другите воено-благороднички елитни друштва ширум Европа, имал задача да ја заштити својата област, во случајов Калатрава ла Виеха - град долж спорната граница меѓу христијанските и муслиманските земји тогаш. Во 13. век, околното благородништво почнало да го снабдува Редот со пари и луѓе. На пример, многу од активните витези и наредници од повисок ранг, биле регрутирани од пониското благородништво и од граѓаните, се вели во написот. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Изборните анкети во Србија без конкретен фаворит- предвидуваат победа и за Вучиќ и за студентската листа

Мртва трка со само неколку проценти предност за партијата на Вучиќ, односно за Студентската листа, предвидуваат изборните анкети на ден пред изборите во Србија. 

Изборните анкети во Србија без конкретен фаворит- предвидуваат победа и за Вучиќ и за студентската листа

Според „Нова српска политичка мисла“ , Студентската листа е во предност за 2 процента пред Вучиќ или 44,5 наспрема 42,7 проценти. ИПСОС , пак предвидува победа на Вучиќ со предност од 7,4 проценти пред Студентската листа или 47,4 наспрема 40 проценти.

Вонредните парламентарни избори во Србија, кои ќе се одржат на 25 октомври, ќе бидат 15-ти парламентарни избори во таа земја од 1990 година, а воедно и јубилејни, десетти вонредни избори. Право на глас имаат околу шест и пол милиони гласачи, кои ќе изберат 250 претставници во српскиот Парламент.

Според политичките проценки, ова се најважните парламентарни избори во Србија од падот на Слободан Милошевиќ во октомври 2000 година.

Главната битка се води помеѓу две листи - онаа на Александар Вучиќ и студентската листа, која во моментов е негов најголем противник.

Вучиќ се обидува со овие избори да ја врати премиерската функција и на тој начин да остане на власт, која ја држи од 2012 година. Ова се и првите избори на кои Вучиќ не е фаворит и на кои студентската листа има големи шанси за победа.

Секако, конечната пресуда ќе ја дадат гласачите, а многу ќе биде познато веќе во недела навечер, по 20 часот, кога ќе бидат објавени првите резултати. Доколку по овие избори во Србија се формира нова влада, тоа ќе биде 21-ва влада по ред од 1990 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Лишени од слобода 12 возачи за „безобѕирно управување со моторно возило“, 10 возеле без положен возачки испит

Во текот на изминатото деноноќие, на различни локации во државата, полициски службеници лишија од слобода 12 возачи поради сторено кривично дело „безобѕирно управување со моторно возило“ .

Лишени од слобода 12 возачи за „безобѕирно управување со моторно возило“, 10 возеле без положен возачки испит

Во текот на изминатото деноноќие, на различни локации во државата, полициски службеници лишија од слобода 12 возачи поради сторено кривично дело „безобѕирно управување со моторно возило“ по член 297-а од Кривичниот законик.

Од нив, 10 управувале возило без положен возачки испит и тоа: Д.Г.(20) и К.Д.(23), И.Ш.(28), С.Т.(20) сите од Скопје, Р.Ш.(22) од с.Морани, скопско, А.В.(20) од с.Радишани, скопско, Љ.М.(59) од с.Ресава, кавадаречко, Н.Ј.(35) од с.Слупчане, Општина Липково, и А.А.(18) од Прилеп и Д.К.(18) од с.Тополчани, прилепско. Со активна мерка - забрана возило управувале Д.Ќ.(47) од Велес и М.Б.(30) од Крушево. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Голема рација во Италија- полицијата врши претреси во повеќе градови поради насилните протести

Италијанската полиција изврши повеќе од 150 претреси во Милано, Монца и уште 20 градови, главно во Ломбардија, како дел од истрагата започната по немирите од минатиот викенд со кои се бори Италија, објави Анса.

Голема рација во Италија- полицијата врши претреси во повеќе градови поради насилните протести

Италија се соочува со голем тест - за денес се планирани десетици протести.

Италијанската влада во среда усвои декрет за итни мерки за зачувување на јавната безбедност и борба против малолетничкиот криминал, по неодамнешните демонстрации и насилни судири во Милано.

Мерките предвидуваат превентивно притворање на малолетници, построги казни за организирано насилство и распоредување на дополнителни 500 војници на улиците на градот.

Според новите правила, се воведува претпоставка за здрав разум за малолетници кои наполниле 14 години, што значи дека ќе се сметаат за способни да го разберат значењето на своите постапки и да ги управуваат, освен ако не се докаже спротивното.

Тагови: италија протести

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер