Технологија

Редок феномен : Меркур во понеделник ќе минува пред Сонцето

Реткиот астрономски феномен, преминот на Меркур над дискот на Сонцето, ќе се случи во понеделник на 11 ноември со почеток во 13 часот и 35 минути.

Од нашиот регион ќе може да се види првата половина на транзицијата од нејзиниот почеток во 13 часот и 35 минути до средината на Меркур кој преминува пред Сонцето, што ќе се случи во 16 часот и 19 минути.

Втората половина од преминот нема да можеме да ја видиме, со оглед дека сонцето заоѓа во 16 часот и 39 минути. Транзицијата видлива за нашиот регион ќе трае 3 часа и 4 минути додека вкупното времетраење е околу 5 часа и 30 минути.

Овој феномен последен пат бил виден на 9.05.2016 година, а следниот пат ќе биде видлив на 13 ноември 2032 година.

Феноменот не е препорачливо да се гледа директно кон сонцето, дури и со очила за сонце или други пригодни уреди, бидејќи можат сериозно да го оштетат видот. Покрај тоа, планетата Меркур е мала и нема да биде видлива за око, туку само со телескопи опремени со специјални филтри.

Регион

Приведени 14 државјани на Србија кои измамиле германски државјани за милион евра

Четиринаесет лица во Србија се приведени поради меѓународна измама преку „кол-центри“ во кои се оштетени неколку германски државјани за сума од околу еден милион евра, соопшти денеска Министерството за внатрешни работи на Србија.

Како што се наведува во соопштението на МВР, на барање на Германија, припадници на полицијата и на Службата за борба против високотехнолошки криминал при Техничката управа учествувале во меѓународна полициска акција, а се однесува на измама извршена од меѓународно организирана криминална група.

При претрес на станови и други простории на 22 локации, од кои две се на територијата на Ниш и девет на територијата на Нови Пазар, пронајдени се доказни предмети./МИА

Живот

Црн лебед во грчката река Еврос

 Единицата за управување со Националните паркови во областа Еврос во североисточниот дел на Грција, додека спроведувала научно набљудување на делтата на реката Еврос наишла на ретка и невообичаена појава – црн лебед, јави дописничката на МИА

Црниот лебед воопшто не е својствен за Грција и затоа е непознато како воопшто се нашол во реката.

Најзастапен е во Австралија и Нов Зеланд, а живее во реки, големи езера, лагуни, а понекогаш и по должината на бреговите.

-Вработените во единицата за управување ги пречка пријатно изненадување бидејќи при научно набљудување на делтата на Еврос забележаа црн лебед, напишаа на Фејсбук од надлежните за Националниот парк објавувајќи фотографии од ретката појава.

Македонија

Тошковски: МВР ќе ја гарантира безбедноста на секој набљудувач

Изјава по остварена средба со претставници од Фондацијата „Ромите за демократија“ кои денеска организираа протестен марш од ДИК до МВР.

Тие протестираа заради закани кои биле упатени кон нивни набљудувачи за време на првиот круг од Претседателските избори 2024.

Министерот за внратрешни работи во техничката влада, Панче Тошковски изјави дека МВР ќе ја гарантира безбедноста на секој набљудувач за време на изборниот процес.

притисни ентер