Фудбал

Реал М. ја понижи Барселона на Камп Ноу

Реал Мадрид е првиот финалист во шпанскиот Куп На кралот откако синоќа во 224 Ел Класико одигран во рамките на полуфиналето на Камп Ноу го понижи големиот ривал Барселона со 3-1, на првиот меч на Сантијаго Бернабеу немаше победник и заврши 1-1.

По повеќе од една деценија ова е првиот триумф на Реал на Камп Ноу со два гола разлика, последен пат тоа се случи во април во 2002 година.


Синоќа Барселона уште еднаш покажа дека е во резултатска и играчка криза, Каталонците како и на мечот против Милан повторно беа без вистинска идеја и многу тешко го пронаоѓаа патот до противничкиот гол. Од друга страна пак Реал синоќа одигра максимално сконцентрирано во одбраната и ги искористи сите грешки на противникот.

Кралевите од Мадрид својата игра ја базираа на контра и не погрешија, првите два гола тимот на Мурињо ги постигна од две брзи акции , со кои беше трасиран патот кон триумфот над Барселона и пласманот во финалето на Купот на Кралот.

Реал поведе уште во 13 минута со голот од пенал на Роналдо. Токму Португалецот од страна на Пике беше соборен во шеснаесетникот на Барселона.

Во 57 минута кралевите го зголемуваат водството на 2-0 повторно преку расположениот Роналдо. Но сега во главна улога беше Аргентинецот Ди Мариа, кој откако добро го „измести“ капитенот на Барса Пујол биеше кон голот, одбиената топка од Пинто среќно стигна до Роналдо кој повторно беше немилосрден Камп Ноу е во шок Реал води со 2-0.

Десетина минути подоцна во 68 минута младиот Варан е највисок пред голот на Барселона по корнерот на Озел, Пинто по трет пат е принуден на капитулација.

Конечниот епилог на 224 Ел Класико Барселона – Реал Мадрид 1-3, го постави Жорди Алба во 89 минута.
Барселона е во резултатска криза од која ќе мора брзо да се извлече ако сака да се врати во игра за пласман во ¼ финалето од Лигата на шампионите, следната недела на Камп Ноу против Милан ќе мора да ја надокнадува негативата од два гола од Милано, а веќе в сабота ја очекува уште една пресметка со најголемиот ривал Реал во првенството во кое е убедлив лидер.

За вториот финалист во шпанскиот Куп на Кралот вечерва ќе решаваат Севиља и Атлетико Мадрид, на Винсенте Калдерон по првите 90 минути од полуфиналето беше 2-1 за Атлетико.

Крсте Галевски

Шоу биз

Објавена причината за смртта контроверзниот О.Џ. Симпсон

Објавена причината за смртта на поранешниот американски фудбалер и актер: Симпсон имал рак на простата.

Објавена е официјалната причина за смртта на контроверзниот џетсетер О.Џ. Симпсон .

Според TMZ, поранешниот американски фудбалер, кој во 1995 година беше ослободен од обвинението за убиство на сопругата и нејзината пријателка во случај кој предизвика голем интерес кај американската јавност, починал од рак на простата.

Тој прво откри дека се бори со ракот, иако не прецизираше со кој, во мај 2023 година, но посочи дека ја победил болеста. Сепак, тој изгледаше многу изнемоштено на неговите последни јавни појавувања, дури и одеше со бастун во јануари 2024 година.

О.Џ. Симпсон почина на 10 април на 76-годишна возраст.

Поранешниот фудбалер и актер избегна да замине во затвор откако беше прогласен за невин за смртта на неговата поранешна сопруга Никол Браун Симпсон и нејзиниот пријател Роналд Голдман, кои наводно ги избодел со нож во 1994 година во Лос Анџелес.

Симпсон подоцна одлежа девет години во затвор во Невада, откако во 2008 година беше осуден за 12 точки од обвинението за вооружен грабеж и киднапирање на двајца дилери на спортски сувенири под закана со пиштол во хотел во Лас Вегас.

Свет

Десетици смртни случаи во САД на луѓе на кои им се давале седативи за време на апсења

Во 15-годишната истрага за практиката на давање седативи на луѓе за време на апсења во САД, и поддржана од експерти за спроведување на законот, покажа дека стратегијата, наменета за намалување на насилството и спасување животи, доведе до многу смртни случаи кои можеле да се избегнат.

Најмалку 94 луѓе умреле од 2012 до 2021 година, откако полицијата им давала седативи обидувајќи се да ги задржи, а околу половина од жртвите биле црнци, според наодите на АП во соработка со Фронтлајн ПБС и Хауард Центарот за истражувачко новинарство, јавија американските медиоуми.

Главната причина за толку многу црни жртви е спорната наводна медицинска состојба наречена „возбуден делириум“. Критичарите велат дека нејзините наводни симптоми, кои вклучуваат „натчовечка сила“ и висока толеранција на болка, се во овнова во расистичките стереотипи за црнците и водат до пристрасни одлуки за тоа кому треба да му се даде седатив.

Беше невозможно да се одреди улогата на седативи во секоја од 94-те смртни случаи бидејќи многу од случаите вклучуваа употреба на потенцијално опасна сила врз луѓе кои биле дрогирани или пијани и затоа што истрагата обично се фокусирала на дејствијата на полицајците, а не на медицинските лица кои им помагаат.

АП пронашла докази за луѓе кои биле насилно држени на стомак од полицијата, многумина со лисици на рацете додека полицајци седеле на нивните грбови, а кои се мачеле да дишат и се обидувале да се ослободат. Повикувајќи на отпор при апсење, болничарите им давале седативи, што дополнително го забавувало нивното дишење.

Срцевиот и респираторниот застој често се случувале во рок од неколку минути.

Македонија

Најмладите од Дебарско и Река со каланда го возвестија Лазаревото воскресение

 Света Бигорска обител денеска беше израдувана од прекрасното пеење на Лазаревата каланда „Кажи Лазаре“, којашто одекнуваше од устите на најмладите дечиња од реканскиот и дебарскиот регион.

-Овие прекрасни млади души, на чиишто лица сјаеше празничната радост, со чистина во срцата ни го најавија претстојното Пасхално торжество и преку каланда ни проговорија за Лазаревото Воскресение, кое е вовед во светлото и славно Христово Воскресение, рече сестра Ефимија.

Додаде дека дечињата, во придружба на своите родители, најпрво со воодушевување ги пееја каландите во манастирскиот двор, од каде што потоа се упатија кон работната игуменска одаја на нашиот старец епископ г. Партениј, за и нему да му ја пренесат сеопштата радост од Господовото воскреснување на четиридневниот Лазар.

-Таму тие беа срдечно и радосно пречекани од татковското срце и прегратка на дедото, а потоа и дарувани со традиционалните колачи Лазаринки, со велигденски ламбади и со други подароци, посочи сестра Ефимија.

притисни ентер