Реакција од Иницијативата за Реформи во ИВЗ - Канал 5

Македонија

Реакција од Иницијативата за Реформи во ИВЗ

Иницијативата за реформи во ИВЗ реагира на обезличувањето, деинститунацијализацијата и нападот на достоинството на ИВЗ, односно на муслиманите на Република Македонија, и тоа од самата ИВЗ, Уставниот Суд на Република Македонија  и ДУИ.

Реакција од Иницијативата за Реформи во ИВЗ

Во продолжение целото соопштение од Иницијатива за Реформи во ИВЗ

Иницијативата за реформи во ИВЗ реагира на обезличувањето, деинститунацијализацијата и нападот на достоинството на ИВЗ, односно на муслиманите на Република Македонија, и тоа од самата ИВЗ, Уставниот Суд на Република Македонија и ДУИ.

ИВЗ незнаејќи како да го реши реалниот проблем со средното теолошко ушилиште “Иса Бег Медреса”, така што фатена во тесно, измислува други виновници. Впрочем овој проблем се појави во 2008-ма година, кога во Република Македонија средното образование стана задолжително за сите деца подеднакво, но за жал овој закон наместо да донесе позитивни резултати, тој стана причина за многу негативни последици во секој домен на државата, а тие негативни последици не го поштедија и средното исламско теолошко училиште “Иса Бег Медреса“. Во тој период “Иса Бег Медреса“, наместо да остане да функционира и работи точно за она што беше формирано пред 600 години, како специјално училиште за припремање на исламски теолошки кадри, Медресата на широко ги отвори своите врати и почна да запишува ученици на кои, исламската теологија не им беше цел, туку едноставно да завршат средно училиште, па после тоа да се запишуваат по разноразните државни и приватни универзитети и да се стекнат со посакуваната диплома Меѓутоа, ИВЗ потфрли и воопшто не се соочи со ова ситуација. Во таа немоќ, Шаќир Фетаху искористувајќи го премиерскиот мандат на Талат Џафери, со една никаква владина одлука, го укинува 600-тини годишното исламско теолошко училиште “Иса Бег Медреса“, и со исто име формира приватна гимназија “Медресеја Иса Беу“. Среќна околност за Шаќир Фетаху, е тоа што, во Македонија не владее шеријатскиот закон. Заради ваквата состојба, преполна со манипулации и лаги на Шаќир Фетаху Иницијативата за Реформи во ИВЗ, неколку пати досега, од новата влада има побарано целосна или темелна измена на законот за црква, верска заедница и религиозна група, како и трансформација на Комисијата за Односи со Верските Заедници. Ние веруваме дека само со измена на законот за црква, верска заедница и религиозна група и со трансформација на комисијата во активна, ефективна и одговорна институција, ќе се реши и проблемот со средното исламско теолошко училиште “Иса Бег Медреса“. Всушност, само на овој начин на училиштето ќе му се врати авторитетот меѓу припадниците на исламот и пошироко, квалитетот на наставата, и секако квалитетот на кадрите што ќе се припремаат и излезат од тоа училиште, односно училиштето да се врати да функционира за тоа за што е формирано и за ништо друго, а за да се постигне квалитетот, неминовна е и акредитацијата на училиштето од страна на државата, затоа што квалитетот на ова училиште е многу важен, и тоа не само во границите на Македонија туку и многу пошироко.

Изјавата на претседателот на Уставниот суд Дарко Костадиновски „ФАЛА МУ НА БОГА ШТО ПРЕТХОДНИТЕ УСТАВНИ СУДИИ ЈА ЗАЧУВАА СЕКУЛАРНОСТА НА ДРЖАВАТА“ многу јасно и недвосмислено кажува за неукоста и неписменоста на уставните судии, односно „според судијата-известител Ана Павловска-Данева, Уставниот суд со својата одлука донесена со мнозинство гласови и овој пат, како и во повеќе наврати претходно со своите одлуки донесени во различни судиски состави, ЗАСТАНА НА БРАНИКОТ НА СЕКУЛАРНОСТА НА ДРЖАВАТА“, впрочем мнозинството судии и овој пат гласале паушално и спротивно на уставот и сите закони за образование, како и спротивно нз законот за црква, верска заедница и религиозна група. Тука би го потенцирале фактот дека Уставните судии воопштто немаат појма за значењето на принципот на секуларноста, односно, доколку претседателот на Уставниот суд Дарко Костадиновски, не би му се заблагодарил на Бога, искрено ќе помислевме дека во него реинкарнирал Енвер Хоџа, или пак Неџмие Хоџа во случајот на судијата Ана Павловска-Данева, но за жал, ова е реалноста на Уставниот суд на Македонија, просто неписмени со дипломи.

Конечно и ДУИ се огласи во „одбрана“ на ИВЗ и муслиманите, меѓутоа Иницијативата за Реформи во ИВЗ, нема да се впушти во коментирање на последната и досега единствената реакција на ДУИ во однос на ИВЗ и муслиманите, впрочем 22-те години власт на ДУИ не го решија овој проблем, а во меѓувреме имаше полно непоправливи проблеми и понижувања кон ИВЗ и муслиманите, поготово од 2013 година, кога ДУИ во целост ја зароби ИВЗ, односно ја превзеде во целосно владение, состојба која трае и денес.

Иницијатива за Реформи во ИВЗ

Проф. Др. Бејадин Амети

Свет

Претседателот на Европскиот совет е шокиран од ситуацијата во Појасот Газа.

Претседателот на Европскиот совет, Антонио Кошта, синоќа изјави дека е шокиран од ситуацијата во Појасот Газа, поради проширената израелска офанзива, и повика на прекин на насилството.

Претседателот на Европскиот совет е шокиран од ситуацијата во Појасот Газа.

„Шокиран сум од вестите од Појасот Газа. Цивилите гладуваат, болниците повторно беа погодени во воздушни напади. Насилството мора да престане“, напиша Кошта на социјалната мрежа X.

Тој додаде дека израелската Влада „мора веднаш да ја прекине блокадата и да обезбеди безбеден, брз и непречен пристап до хуманитарна помош“.

Израелските власти вчера објавија дека ја прошируваат својата офанзива за поразување на палестинското движење Хамас во Појасот Газа, и покрај зголемените меѓународни повици за прекин на огнот по 19 месеци разорна војна.

„Тоа што се случува во Газа е хуманитарна трагедија. Целата нација е изложена на огромна и непропорционална воена сила. Трајно прекинување на огнот и итно и безусловно ослободување на сите заложници се поитни од кога било“, рече Кошта.

Од Багдад, каде што учествува на самитот на Арапската лига, генералниот секретар на ОН, Антонио Гутереш, изјави дека е „вознемирен од плановите на Израел за проширување на своите копнени операции“.

Гутереш повторно повика на траен прекин на огнот и прекин на израелската блокада на хуманитарна помош за Газа, воведена на 2 март./МИА

Тагови: Антонио Кошта Појасот Газа

Македонија

Земјотрес во Охрид, Струга и околината

Според досегашните податоци со кои располага опсерваторијата, земјотресот во 5 часот и 7 минути е почувствуван во Охрид, Струга и блиската околина со интензитет од IV степени според Европската макросеизмичка скала.

Земјотрес во Охрид, Струга и околината

Утринава во 5 часот и 7 минути и 5 часот и 16 минути регистрирани се земјотреси чии епицентри потекнуваат од епицентралното подрачје Пештани- Охрид -Струга, на околу 100 км југозападно од Скопје, со Рихтерови локални магнитуди, ML3.4 и ML2.3, информира Сеизмолошката опсерваторија при Природно-математичкиот факултет во Скопје.

Според досегашните податоци со кои располага опсерваторијата, земјотресот во 5 часот и 7 минути е почувствуван во Охрид, Струга и блиската околина со интензитет од IV степени според Европската макросеизмичка скала.

Тагови: земјотрес

Македонија

ВМРО-ДПМНЕ: Македонија посветена на странски инвестиции

Турски „Шахтерм“ гради фабрика во Скопје, следи и инвестициски циклус во изградба на модерна карго и брза патничка железница, енергетски капацитети, болници.

ВМРО-ДПМНЕ: Македонија посветена на странски инвестиции

Владата предводена од ВМРО-ДПМНЕ и премиерот, Христијан Мицкоски посветено и макотрпно работат да го вратат достоинството на државата и да обезбедат подобар живот и повисок животен стандард за сите граѓани.

Со посветена работа на Владата, Македонија чекори по патот на стабилноста, безбедноста, развојот и европската иднина.

За таа цел, ги подобрува билатералните односи со моќните и влијателни држави во Европа и светот, и обезбедува бизнис клима која привлекува странски инвестиции кои во Македонија отвораат нови и добро платени работни места.

Соработките со државите и директните странски инвестиции се клучни за раст и развој на економијата, зголемување на БДП, намалувањето на јавниот долг, како и за растот на платите и со тоа за подобрување на животниот стандард.

Турската компанија „Шахтерм“ започна со изградба на фабрика во ТИРЗ Скопје, која е инвестиција во вредност од 100 милиони евра и отворање 1.000 работни места. Компанијата има повеќе од 40 години искуство во дизајн и производство на системи за греење за бела техника и апарати за домаќинство и е дел од водечките пет компании во оваа дејност на глобално ниво.

За Македонија претставува особена чест затоа што ова ќе биде прв производствен капацитет на компанијата надвор од Турција, но и потврда дека владините политики за овозможување подобра бизнис клима, даваат резултати.

Со цел развој на државата, Македонија отвора ново поглавје и во дипломатијата и меѓународните односи. После стратешкото партнерство со САД, Македонија постигна договор за стратешко партнерство и со Обединетото Кралство.

Договорот за стратешко партнерство со Обединетото Кралство, ќе биде основата за инвестициски циклус од околу 6 милијарда евра, како и соработката во трговијата, инфраструктурата, енергетиката, доброто владеење и борбата против организираниот криминал.

Инвестицискиот циклус преку стратешкото партнерство ќе претставувала сериозен импулс за македонската економија, затоа што ќе се инвестира во енергетиката и инфраструктурата, ќе се изгради модерна карго и брза патничка железницата од Табановце до Гевгелија.

Значаен дел од договорот ќе бидат и инвестициите во здравството, како изградбата на нови болници, изградба на болницата во Кичево заедно со здравствен дом и реконструкција на клиничката болница во Тетово.

Исто така, ќе се заврши проектот на клиничката болница во Штип и ќе се изгради зграда на новиот медицински факултет, како и нов студентски дом.

Целта е Македонија да биде дестинација во која големите странски корпорации ќе ги шират своите бизниси, кои ќе бидат сериозен инпут во економијата и ќе отворат нови добро платени работни места.

ВМРО-ДПМНЕ

Тагови: ВМРО-ДПМНЕ
притисни ентер