Велика Британија и Франција се договорија да нарачаат дополнителни крилести ракети „Сторм Шадоу“, додека паралелно разговараат за заеднички развој на нивен наследник, како дел од обновениот одбранбен пакт, објавија британските медиуми по посетата на францускиот претседател Емануел Макрон на Лондон.

Ракетата „Сторм Шадоу“, или СКАЛП како што ја нарекуваат Французите, има долг дострел и веќе се користи од страна на Украина за напади во длабочина на руската територија. Двете држави со години разговараат за развој на нова генерација ракети, но сега, со оваа посета, официјално започнува следната фаза од проектот.

Заедничкиот развој ќе обезбеди над 1.300 работни места во Велика Британија, соопшти Владата во Лондон.

На третиот ден од државната посета на Макрон, тој и британскиот премиер Кир Стармер ќе потпишат и договор за продлабочување на нуклеарната соработка. Двете земји – единствените нуклеарни сили во Европа – ќе изразат подготвеност за координација на нивниот нуклеарен арсенал со цел одвраќање од потенцијални закани како Русија.

Оваа декларација доаѓа во момент кога администрацијата на Трамп во САД бара од европските сојузници во НАТО да преземат поголема одговорност во безбедноста на континентот.

- Од војната во Европа, до зголемени нуклеарни ризици и секојдневни сајбер-напади – заканите растат. Како блиски партнери во НАТО, Британија и Франција имаат долга традиција на одбранбена соработка, а новите договори го подигнуваат ова партнерство на ново ниво, изјави Стармер.

- Ова партнерство ја зајакнува нашата лидерска позиција во Европа, обезбедува континуирана поддршка за Украина и испраќа јасна порака до нашите противници – заедно сме посилни, додаде британскиот министер за одбрана, Џон Хили

Како надградба на договорите од Ланкастер Хаус од 2010 година, двете држави ќе го засилат и заедничкиот воен капацитет „Обединети сили“, како и соработката во одбранбената индустрија – особено во областа на вештачката интелигенција и оружја со директна енергија – преку нова програма наречена „Индустриска Антанта“.

Без електрична енергија денеска од 08.00 до 12.30 часот ќе бидат корисниците од улица „19“, Радишани, општина Бутел, од 08.00 до 15.30 часот, корисниците од ул.„Tодор Чангов“ 51,53 ул. „Ѓорѓи Карев“, ул.„Димитар Илиевски Мурато“, општина Аеродром, од 09.00 до 13.30 часот, дел од корисниците од село Бразда во близина на ресторан Рибилмус, општина Чучер Сандево, а од 13.00 до 14.00 часот, корисниците од улица „42“, Радишани, општина Бутел.

Како што информира РЦУК Скопје, поради уличен дефектиф 300 мм на ул.„Борис Трајковки“ бр.73, прекинато водоснабдување ќе имаат корисниците од ул.„Борис Трајковски“ краците 7, 9 и 11 и дел од ул.„Борис Трајковски“ од 09:00 часот до завршување, оопштина Кисела Вода. Без вода, поради уличен дефект ф 80 мм на ул.„Луј Пастер“ бр.3, ќе бидат корисниците на дел од ул.„Луј Пастер“ и дел од Кино Култура од 09:00 часот до завршување, општина Центар.

Според двајца неименувани функционери од Белата куќа, новата испорака вклучува 155-милиметарски муниции и прецизно наведувани ракети. Тие не прецизираа колку оружје е испратено ниту дали веќе е пристигнато на целта. Не е јасно дали оваа пратка претставува долгорочна промена на американската политика.

Прекинот на испораките, наредена од секретарот за одбрана Пит Хегсет, се должи на загриженоста за намалени резерви во американските армиски магацини. Мешутоа, според извештај на Ци-Ен-Ен за тоа не знаел ни Трамп.

Прекинот на испораките се однесуваше и на ракетите „Патриот“, чија судбина сè уште не е разјаснета. Се работи за муниција вредна околу четири милиони долари, која неодамна имаше клучна улога во одбраната на американската база во Катар за време на нападот од Иран, како одмазда за американски напад врз ирански нуклеарни објекти.

Трамп во понеделникот изјави дека САД ќе продолжат со испораката на одбранбено оружје за Украина. Тој избегна да одговори на прашањето кој наредил пауза, но рече: „Ќе знам ако се донесе одлука. Најверојатно, јас би ја дал таа наредба, но сè уште не сум го направил тоа“.

Трамп, наводно, лично изразил незадоволство за тоа што прекинот бил лошо координиран со Белата куќа. Пентагон, пак, негира дека Хегсет делувал без претходна консултација со претседателот.

Од почетокот на руската инвазија во февруари 2022 година, САД ѝ испратија на Украина воена помош вредна повеќе од 67 милијарди долари.