Култура

Реакција на Македонското археолошко друштво во врска со ископувањата во село Корошишта

Археологијата и археолошките истражувања и пронајдоци да не се етнизираат и да не злоупотребуваат за ширење на меѓуетнички тензии, порачува претседателот на македонското археолошко друштво Орданче Петров.

Ваквите апелии на Петров доаѓаат по одредени тврдења дека последното арехилошки откритија пронајдени во струшко наводно припаѓале илириско племе наречено Енкелејди, кое подоцна го создало Илириското царство. Во изјава за Канал 5 Петров вели дека станува забор за археолоши пронајдоци од досега непознатата некропола, кое доправа ќе се истражуваат. Сите тврдења за потеклото артефактите изнесени досега, според него се само на ниво на шпекуалција.

Целиот процес на археолошките ископувања во струшкото село Корошишта се одвивал транспрантно, тврди првиот човек на Македонското археолошко друштво, кој стравува дека ваквите шпекулации за потекло на археолошки пронајдоци лессно може да доведат до подгревање на меѓуетнички тензии во државата. Во стручниот археолошки тим кој работел нма ископите во струшко присутен бил и археолог припадник на албанската националност, вели Петров, но не заради националноста, туку поради неговата стручност и професионалност. На повикот од еден од лидерите на Вреди Таравари

Археолошки наоди кои датираат од 6 век п.н.е. биле откриени на приватно земјоделско земјиште во охридско-струшкиот регион. Станува збор за 80-ина архелошки предмети меѓу кои златна маска; златни прстени и други вреди пронајдоци. Истите преде десетина дена беа презентирани пред јавнсноста на прес конференција од страна на археолозите кои учествувале во ископувањето и од минситерот за култура Љутков, кој истакна дека станува забор за најголемото археолошко откритие Македонија во последните 100 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар на Крф- пожарникарите се борат со огнената стихија, активирани се и авиони (ВИДЕО)

Пожар избувна во областа Јанадес, во централниот дел на Крф.

Голема противпожарна бригада веднаш беше испратена на местото на настанот за да го изгасне пожарот, објави Прототема.

Во исто време, се очекува противпожарните авиони PZL со седиште на Крф да полетаат за да помогнат во гаснењето на пожарот.

Пожарникарите се во состојба на зголемена готовност, додека во моментов не се познати дополнителни детали за обемот на пожарот или дали населените области се во опасност.

Тагови: Крф пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Штерјова: ВМРО го труе и Скопје-СДСМ бара одговорност за загадувањето на Лепенец

Загадувањето на реката Лепенец значи дека отровот веќе стигна и во Скопје.

Белата боја и обемот на пената што вчера се појави на сливот на реката Лепенец во реката Вардар, најчесто се знак на синтетичко загадување.

Ова е сериозен аларам власта нема капацитет за заштитата на животната средина и безбедноста на водните ресурси.

Наместо конкретни мерки и одговорност градоначалникот на Скопје Орце Ѓорѓиевски, си игра со дронови, од воздух ќе го решавал проблемот.

Човекот кој една обична слика за билборд не може да направи без грешка,

На граѓаните на Скопје не им требаат спектакли, туку институции што ги штитат. И најважно, чиста и безбедна вода.

Скопје има проблеми со депонии, со смет, со загаден воздух а сега и проблем со загадување на Лепенец и Вардар.

СДСМ бара институциите веднаш да ја утврдат одговорноста за загадувањето и итна реакција за санација на проблемот.

Секој што си игра со здравјето на луѓето мора да сноси одговорност.

СДСМ нема да дозволи оваа власт да ја отруе цела Македонија. Време е за правда и вистина, рече Кети Штерјова од СДСМ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Изградбата на автопатот Охрид-Кичево се одвива со одлична динамика

Интензивно се градат галериите, во следните месеци ќе се пуштат најкомплицираните 10 километри за сообраќај.

Изградбата на автопатот Охрид-Кичево се реализира со забрзана динамика. Две галерии се целосно завршени, на третата интензивно се работи. Паралелно се работи на стабилизација на земјиштето, на довршување на мостовите, како и на довршување на двете цевки на тунелите. Во следните неколку месеци ќе отвориме уште 10 километри коишто се најкомплицирани, 10 километри каде што влегуваат тунелите и галериите, истакна заменик претседателот на Владата и министер за транспорт Алекснадар Николоски, кој денеска изврши увид во градежните активности на трасата и изградба на галериите на потегот од Пресека до Кичево.

“ Тука се работат осум галерии коишто се навистина еден голем инженерски потфат. Позади нас имаме три галерии коишто се веќе во завршна фаза — две можам да кажам дека се целосно завршени и на третата интензивно се работи. Паралелно се работи на стабилизација на земјиштето, на довршување на мостовите, како и на довршување на двете цевки на тунелите, со што за неколку месеци од денес овој дел од автопатот ќе биде функционален и ставен во функција. Бројките се навистина импресивни. Само овие три галерии коишто се позади мене се во должина од 1 километар и 100 метри, додека тунелите ќе бидат најдолги во Македонија, едната цевка во должина од 2 километри, другата цевка во должина од 2 километри и 100 метри, како што кажав, најдолги тунели во Македонија, а галериите за првпат од овој тип се изведуваат не во Македонија, туку во целиот регион” – изјави Николоски.

Тој додаде дека изгрaдбата на галериите било најдоброто решение за стабилизација на земиштетo, што на терен се покажува како ефикасно решение. Најави во скоро време пуштање на нови делници за сообраќај.

“Ова беше најпаметното и најдоброто решение за стабилизација на земјиштето. За да ја заштитиме трасата, за да имаме безбедно возење, овие инженерски чуда коишто се позади нас беа најдоброто решение. Ова беше напуштен проект, ова беше проект во којшто никој не веруваше, но еве го, веќе се гледа крајот, веќе имаме 34 километри на коишто се вози, а во следните неколку месеци ќе отвориме уште 10 километри коишто се најкомплицирани 10 километри каде што влегуваат тунелите и галериите”- истакна заменик претседателот на Владата, Николоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.