Реакција на Македонското археолошко друштво во врска со ископувањата во село Корошишта - Канал 5

Култура

Реакција на Македонското археолошко друштво во врска со ископувањата во село Корошишта

Археологијата е наука која се занимава со проучување на минатото преку откривање и анализа на материјални докази (археолошки предмети и целини) и критичка анализа на изворите.

Реакција на Македонското археолошко друштво во врска со ископувањата во село Корошишта

По повод некои еклатантно неуки и тенденциозни написи и напади во медиумите и на социјалните мрежи во врска со епохалното откритие во македонската археологија на досега непознатата некропола од архајскиот период во струшкото село Корошишта, Македонското археолошко друштво (МАД), здружение на професионалните археолози во Македонија, ја упатува следната реакција до јавноста:

Археологијата е наука која се занимава со проучување на минатото преку откривање и анализа на материјални докази (археолошки предмети и целини) и критичка анализа на изворите со цел да се формира објективна слика за периодите од минатото, притоа користејќи востановена методологија позната очигледно секаде во светот, освен кај нас. Тенденциозни и малициозни толкувања на археолошките откритија од страна на непрофесионални и недоволно информирани „новинари“ во цел искривување на фактите заради политиканство или потврдување на однапред изградени „историски тези“, вообичаено не се вредни за коментар, но заради објективно информирање на јавноста, во овој случај се неопходни.

Археолошките ископувања во Корошишта беа транспаренти во секој поглед, а вредните откритија за кои примивме честитки од колеги од сите околни држави беа претставени пред јавноста веднаш по ископувањата. Како што налага нашата наука и методологија, понатаму следи детална компаративна и типолошка анализа на наодите и контекстот на откривање и примена и на егзактни методи, кои ќе се изнесат во научни трудови, а за резултатите вообичаено дискутира научната јавност на симпозиуми кои се отворени за сите кои се занимаваат со оваа професија без разлика на етничката припадност. Во археологијата не познаваме националност и етничка припадност, туку професионалци и дилетанти. Во друштвото членуваат, а во институциите работат археолози со различна етничка припадност чија работа е објективно толкување на откритијата, впрочем како што на професионалните новинари главен постулат во работата е објективно информирање на јавноста, што не беше случај со „новинарите“ од телевизија Алсат.

За информација на „новинарите“, раководителот на истражувањата има апсолутна слобода да го одбере својот тим од професионалци кои смета дека се потребни за процесот на работа или периодот кој се истражува, што беше и случај со археолошките ископувања во село Корошишта каде во стручниот тим беше вклучен колега, припадник на албанска националност, кој одамна учествува во истражувањата во Охридско-струшкиот регион заради неговата професионалност, а не заради неговата етничка припадност. Такви примери има и на други локалитети, а во истражувањата често се вклучуваат колеги дури и од други држави заради нивната потесна специјалност. Како и секоја друга наука, археологијата во Македонија треба да ја работат професионалните археолози, кои посветиле децении на стручно усовршување, за што голем дел од нив се познати и признати во светски рамки.

Крајно сме згрозени од невистините искажани во врска со Паско Кузман, наш колега, долгогодишен член и претседател на друштвото во минатото. Паско Кузман

НИКОГАШ не бил суден, а уште помалку осуден за кражба и отуѓување на археолошки предмети. Неговата голгота низ судските лавиринти на државата беше од сосема друга природа, во процес кој нема никаква врска со отуѓување на археолошки предмети. Овие малициозни искази на неинформирани новинари се обид за манипулација со јавноста и клевета, со цел да се нанесе штета нему лично и на целата археолошка фела. Не може никој да го оспори неговиот придонес за македонската археологија и неговите залагања за истражување на бројни археолошки локалитети, наспроти заспаноста, незаинтересираноста и малите финансии доделувани за археологијата во претходниот период на кои многу археолози се обучија со неопходните теренски знаења. Тој со своето знаење и искуство секогаш ќе биде добредојден на нашите истражувања, исто како што ние бевме на неговите.

Просто е несфатливо како во една современа држава која тежнее да биде дел од европското семејство сè уште се занимаваме со ниска свест, поделби и поттикнување на етничка нетрпеливост, а пострашно е кога тоа доаѓа од една толку значајна јавна професија како што е новинарството, и кога се искористува наука која во суштина ги надминува етничките и националните граници. Македонското археолошко друштво апелира до јавноста и медиумите да престанат да ја користат археологијата во дневно политички дискусии кои нанесуваат штета не само на фелата, туку и на државата. Се надеваме дека медиумите кои ги пласираа во јавноста ваквите невистини, за што сметаме дека треба да следи и реакција од ЗНМ, ќе имаат доблест да се оградат од тенденциозните и паушални невистини искажани од нестручни поединци. Македонското археолошко друштво од името на своите членови бара јавно извинување за изнесените невистини и шпекулации од страна на уредништвото на Алсат М Телевизија и новинарите Арта Тахири и Суад Бајрами.

П.С. За појаснување на терминот „македонска археологија“ на „новинарката“ на Алсат: станува збор за придавка изведена од името на државата. Сите модерни држави во суштина се мултиетнички, но се користи термин грчка археологија, бугарска археологија, албанска археологија, британска археологија, германска археологија итн., за да се презентираат откритијата и достигнувањата на оваа наука во рамки на државата, ама никаде никој не се обидел да ја „етницизира“ археологијата, а со тоа да ја омаловажи и археологијата и државата, како што Вие тоа го направивте.

Македонско археолошко друштво

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Биковиќ направи хаос на свадба во улога на матичар, едвај стои на нозе: Каде бевте кога бев трезен (ВИДЕО)

Милош Биковиќ уште еднаш покажа дека покрај актерскиот талент, поседува и неверојатна харизма, но и чувство за хумор на кое е тешко да се одолее. 

Биковиќ направи хаос на свадба во улога на матичар, едвај стои на нозе: Каде бевте кога бев трезен (ВИДЕО)

Овој пат, ги насмеа сите гости на свадба каде што беше кум, а неговата изведба набрзо привлече внимание на социјалните мрежи, објави Телеграф.

Актерот, всушност, во еден момент направи вистинска мала претстава и глумеше пијан матичар кој доцни на свадбата.

Биковиќ целосно се впушти во улогата, а со својот импровизиран говор успеа да ги насмее сите присутни.

- Ааа, ете ти, каде беше кога јас сè уште бев трезен? Немав ништо за појадок... Те чекав, а сега веќе не сум трезен. Ооо, здраво, и ти си тука, прекрасно е што те гледам... - рече Биковиќ, на големо задоволство на гостите.

Неговата импровизација предизвика изливи на смеа, додека присутните со ентузијазам го следеа секој негов потег. Снимки од свадбата набрзо се појавија на интернет, а коментарите за актерскиот талент на Биковиќ само продолжуваа да доаѓаат.

Многумина беа воодушевени од начинот на кој актерот создаде цела сцена за само неколку моменти и целосно се потопи во улогата, уште еднаш заклучувајќи дека неговиот актерски талент е очигледен дури и кога нема сценарио, камера или филмски сет.

Биковиќ со тоа уште еднаш покажа дека е вистински мајстор на импровизацијата, а неговата харизма и способност да ги забавува луѓето очигледно не познаваат граници.

Тагови: Милош Биковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мајка на четири деца е пронајдена обесена во САД- полицијата смета дека сѐ е инсценирано

Мајката на жена пронајдена обесена на дрво во Мисисипи во август изјави дека е шокирана од новите информации од истрагата.

Мајка на четири деца е пронајдена обесена во САД- полицијата смета дека сѐ е инсценирано

Властите изјавија дека веруваат оти нејзината ќерка, 29-годишната Тасија Форчун, веќе била мртва пред телото да биде поставено на местото на злосторството, за кое велат дека било наместено.

Откривањето на телото на мајка на четири деца во Џексон предизвика страв во претежно црнечкиот град поради историјата на расно насилство и линч во државата. Сепак, полицијата изјави дека Форчун не умрела со бесење. „Сега имам повеќе прашања отколку одговори“, изјави нејзината мајка Кристи Спајви за Би-Би-Си.

Нови детали од истрагата

Полициската управа во Џексон објави дека по обдукцијата, мртовечникот заклучил дека станува збор за убиство и дека „местото на настанот и бесењето биле наместени“. Службениците не ја објавија точната причина за смртта или евентуалниот мотив за злосторството. Како дел од истрагата, уапсени се три лица.

„Се надевав дека ова ќе ми донесе олеснување“, рече Спајви. Таа додаде дека полицијата не ѝ објаснила како тројцата осомничени биле поврзани со нејзината ќерка, ниту зошто нејзината смрт би била наместена. „Сè уште не ја знаеме причината за смртта, не го знаеме датумот на смртта - ништо. Од што всушност починала?“

Сомничен конфликт околу дрога

Смртта на Тасија Форчун ја вознемири локалната заедница, а законодавците побараа федерална истрага. Спајви рече дека веста дека нејзината ќерка не починала со бесење на почетокот ѝ донела мир. „Кога ме повикаа од полицијата, почнав да плачам и им се заблагодарив. Се чувствував поолеснето отколку порано“, рече таа. „Се надевам само дека ги уапсиле вистинските луѓе“. Но, како што се појавија нови детали оваа недела, таа вели дека „почнала да се распаѓа“.

Во петокот, полицијата изрази сомневање на суд дека смртта е резултат на конфликт околу дрога. Еден детектив изјави дека Форчун можеби била убиена затоа што била обвинета за кражба на дрога.

Спајви ги негираше обвинувањата, но потврди дека нејзината ќерка се борела со зависност. „Тасија имала проблем со зависност. Се обидувала да се излекува“, рече таа. „Дури и ако сè уште била на дрога, а веројатно била, не заслужувала да ѝ се случи тоа. Никој не го заслужува тоа“.

Таа рекла дека нејзината ќерка била бездомник во времето на нејзината смрт и дека престојувала кај разни познаници. Нејзините четири сина, на возраст од една до седум години, сега живеат кај роднини и пријатели, а две деца се во процес на посвојување.

Тагови: мајка полицијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Есента веќе стигна, летото не попушта- во Шпанија измерени над 41 степен

Календарот вели дека е есен, со само четири дена преостанати до октомври, но во еден дел од Европа вчера беше потопло отколку во многу од најжешките летни денови. 

Есента веќе стигна, летото не попушта- во Шпанија измерени над 41 степен

Севиља забележа неверојатни 41,2 степени Целзиусови на 26 септември, додека Шпанија се приближува кон крајот на месецот што речиси сигурно ќе биде најжешкиот септември откако се направени споредливи мерења, според државната метеоролошка агенција AEMET.

Официјалните податоци на AEMET од метеоролошката станица Севиља-Таблада покажуваат колку екстремна била саботата.

Во 14 часот, температурата била 38,8 степени, до 15 часот веќе достигнала 40,6, а еден час подоцна термометарот покажал 41,2 степени.

Дури и во 17 часот, температурата не паднала под четириесет - била 40,7 степени. Паднала само на 38,5 околу 18 часот.

Сето ова се случило на 26 септември, неколку дена по официјалниот почеток на астрономската есен, како што објави шпанскиот Infobae.

AEMET претходно предупреди дека првиот викенд од есента ќе се чувствува како летото да не завршило во поголемиот дел од земјата.

За долината Гвадалквивир беа прогнозирани температури помеѓу 38 и 40 степени, а предупредувањата за топлина беа активирани во делови од Севиља, Кордоба, Хаен и Касерес. Сепак, во Севиља температурата се искачи над таа граница.

Шпанските метеоролози го опишаа времето како целосно летно, со температури кои се екстремно високи за ова време од годината.

Особено е интересно што само неколку дена претходно, на 23 септември - на самиот почеток на астрономската есен - повеќе од 100 метеоролошки станици на AEMET веќе измериле најмалку 35 степени.

Во долините Гвадијана и Гвадалквивир, температурата потоа се приближи до четириесеттите степени.

Ова е септември различен од кој било друг во Шпанија, но вчерашните 41,2 степени Целзиусови не се национален рекорд за септември. Шпанија веќе доживеа уште поекстремен топлотен бран претходно овој месец.

Ел Гранада во покраината Уелва забележа 45,7 степени Целзиусови на 3 септември, што е изедначување на националниот рекорд за највисока температура за септември. Во истиот период, Севиља забележа 45,1 степени Целзиусови, додека Андухар и Монторо забележаа 44,5.

Но, токму датумот на вчерашните 41,2 степени Целзиусови ги прави новите податоци толку впечатливи.

Септември завршува, астрономската есен веќе започна, а температурите карактеристични за врвот на летото сè уште не исчезнале.

AEMET проценува дека септември 2026 година речиси сигурно ќе заврши како најжешкиот септември во Шпанија откако започнаа современите мерења во 1961 година.

Според сегашните податоци и прогнози за крајот на месецот, просечната температура би можела да достигне околу 22,4 степени. Тоа е приближно 3,3 степени над вообичаената вредност за септември.

Споредбата што можеби најдобро покажува колку е необичен месецот е просечната температура на шпанското лето. Таа е околу 22,1 степени. Доколку се потврдат сегашните проценки, септември 2026 година ќе биде потопол во просек од просекот за целото лето во Шпанија.

Екстремната топлина не се одрази само на дневните максимуми.

На Канарските Острови, во последните денови се забележани температури кои не паднаа под 30 степени во текот на ноќта. Во Агаете на Гран Канарија, една станица регистрираше минимална температура од дури 31,2 степени, додека друга на истото место измери 30,9. Во Пахара на Фуертевентура, минималната беше 30,1 степен.

Метеоролозите затоа предупредуваат дека овој септември не е невообичаен само поради поединечните екстремни максимуми, туку и поради долгото траење на топлината и многу високите температури во текот на денот и ноќта. Олеснувањето сè уште треба да доаѓа.

AEMET очекува постепено опаѓање на температурите, така што во текот на следната недела вредностите треба да се приближат до оние што се повообичаени за ова време од годината. Но, податоците со кои Шпанија влегува во последните денови од септември се веќе забележани: 41,2 степени во средината на календарската есен.

Тагови: есен Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер