Македонија

Реакција на Канал 5 ТВ во однос на искажаните ставови на Сашо Орданоски

Во вчерашната емисија „Само Интервју“ гостин беше г-дин Сашо Орданоски , кој со неговите ставови предизвика бура на реакции кај политичките и општестевните чинители, па затоа Канал 5 ТВ ја информира јавноста за...

Канал 5 ТВ како општествено одговорен медиум и телевизија која е единствена и уникатна во претставувањето на сите релевантни општествени и политички чинители во Македонија на својата програма, јасно и недвосмислено уште еднаш нагласува дека ставовите на нашите гости никако не се ниту ќе бидат ставови и рефлексија на нашата уредувачка политика.

Вчудоневидени сме од вчерашниот настап на г-динот Сашо Орданоски кој со неопислива леснотија ја таргетираше новата аминистрација на нашиот најголем стратешки партнер – САД.

Исто така, ги осудуваме искажаните навреди, клевети и шпекулации од страна на Сашо Орданоски кои не би сакале да веруваме дека беа малеволентни вербални стрели при неговото опишување на карактерот, образованието и општествено-политичкото дејствување како на американскиот претседател Трамп така и на неговото потесно семејство и соработници.

За крај, Канал 5 ТВ и натаму ќе остане уникатна демократска медиумска платформа, отворена за сите различните гледишта и ставови, афирмативни или критични, но секој оној кој ќе ја (зло)употреби дадената минутажа и фреквенција на Канал 5 ТВ, треба да очекува дека ќе биде предмет на судот на јавност во Македонија.

Иван С. Мирчевски
Канал 5 ТВ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски ќе оствари работна посета во општина Тетово

Денес заменик претседателот на Владата и министер за транспрот, Александар Николоски ќе оствари работна посета во општина Тетово.

Притоа ќе изврши увид во реконструираната улица "Штипска".

Предвидено е министерот да даде изјава за медиумите.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривична пријава за полициски службеник: Испукал повеќе истрели од огнено оружје (ВИДЕО)

Кривична пријава за полициски службеник за сторено кривично дело ,,предизвикување општа опасност“.

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција-специјализирано одделение за гонење на кривични дела сторени од лица со полициски овластувања и припадници на затворска полиција поднесе кривична пријава против З.Р. полициски службеник од Полициска станица за граничен надзор Чашка поради постоење основи на сомнение за сторено кривично дело ,,предизвикување општа опасност“ по член 288 став 3 од Кривичниот законик.

Имено на 22.05.2026 пријавениот полициски службеник во дворот на неговата семејна куќа, за време на семејна прослава, во присуство на поголем број гости испукал повеќе истрели од огнено оружје со што предизвикал опасност за животот и телото на присутните.

Одделот за внатрешна контрола, криминалистички истраги и професионални стандарди против З.Р. ќе поднесе предлог за поведување на постапка за утврдување на одговорност за кршење на работниот ред и дисциплина и ќе изрече задолжителни мерки како и отстранување од работното место до завршување на дисциплинската постапка–суспензија.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес сончево со мала облачност

Времето денес ќе биде сончево време со мала облачност.

Ќе дува слаб до умерен ветер од северозападен правец. Минималната температура ќе биде во интервал од 11 до 20, а максималната ќе достигне од 28 до 34 степени.

Во Скопје, сончево време со мала облачност. Ќе дува слаб до умерен ветер од северозападен правец. Минималната температура ќе се спушти до 15, а максималната ќе достигне до 34 степени.

Во сабота времето ќе биде сончево и топло со мала до умерена облачност со слаб до умерен ветер од променлив правец. Во недела ќе има услови за нестабилност со пороен дожд и грмежи. Ќе дува умерен до засилен ветер претежно од северозападен правец. Од понеделник следува период на претежно стабилно и топло време.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.