Реакција на Движење ЗНАМ: Истите тие што ја распродаваа Македонија, ја понижуваа државата пред Софија - Канал 5

Македонија

Реакција на Движење ЗНАМ: Истите тие што ја распродаваа Македонија, ја понижуваа државата пред Софија

СДСМ, на чело со актуелното раководство кое е олицетворение на криминал, рекет и бугарофилски политики, повторно се обидува преку лаги и политички памфлети да ја дефокусира јавноста од сопствениот распад и паниката што ја тресе Бихачка.

Реакција на Движење ЗНАМ: Истите тие што ја распродаваа Македонија, ја понижуваа државата пред Софија

Венко Филипче и актуелното раководството се обидуваат да глумат борци за правда, откако токму тие ја претворија државата во симбол на корупција, криминал и национално понижување.

Истите тие што ја распродаваа Македонија парче по парче, ја понижуваа државата пред Софија, потпишуваа капитулантски договори, го нарушија македонското достоинство, го претворија судството во партиска експозитура, а тендерите во семејна каса, денес држат пресови за наводна корупција.

Колку очај треба да има во СДСМ која ја претвори државата во приватна каса на двоецот Заев-Филипче, да зборува за морал?

СДСМ свесно ја манипулира јавноста и намерно премолчува факти кои целосно ја разобличуваат нивната лажна конструкција за наводен „корупциски скандал“.

Вистината е дека станува збор за законска, транспарентна и институционално водена постапка, во која иницијативата за измените е поднесена од компанијата ЛИДЛ, целата процедура е спроведена согласно закон, а сите документи и информации се јавнодостапни во системот е-урбанизам за увид на секој заинтересиран граѓанин.

Дополнително, СДСМ намерно премолчува дека за предметниот опфат постои важечки ДУП уште од 2010 година, што уште еднаш ја руши нивната очајна политичка конструкција базирана врз лаги и манипулации.

Но проблемот на СДСМ, не е ДУП-от.
Проблемот на СДСМ е што во Куманово осум години наназад не функционира нивниот рекетарски модел на владеење.

Куманово се развива, се гради и се менува. Се решаваат децениски проблеми, се модернизира инфраструктурата, се отвораат нови перспективи за граѓаните, се вложува во културата, спортот, образованието и урбаниот развој на градот.

Куманово чекор по чекор се претвора во модерен, европски град со визија, достоинство и реален напредок на секое поле.

Дополнително, вечна болка им е Максим Димитриевски, човекот кој имаше храброст да им се спротивстави на штетните политики и националните понижувања, човекот кој што не им беше под контрола и не успеаја да го натераат да ги предаде македонските интереси за остварување на туѓи агенди и богатење на штета на државата и народот.

Токму затоа денес Венко Филипче, политичкиот мегафон на Софија во Скопје, се обидува со лаги и хајки да го прикрие сопствениот политички дебакл и распадот што му се случува во партијата. Филипче, човекот што молчи за фирмите во Петрич, за бизнис релациите во Бугарија и за економските интереси на структурите блиски до Заев, денес зборува за чесност.

Каква дрскост.

Го прашуваме повторно:

-Зошто молчиш за POWER i8 Ltd.?

-Зошто молчите за фирмите поврзани со Заеви во Бугарија?

-Дали бугарофилската политика на СДСМ е креирана во интерес на вашите бизниси и капитал во соседна Бугарија?

-Дали затоа со години ја туркате тезата дека Бугарија „не го негира“ македонскиот идентитет?

-Дали затоа го прифативте францускиот предлог и ги погазивте македонските црвени линии?

Молкот на СДСМ за овие прашања е најголемото признание.

Чесните членови и симпатизери на СДСМ препознаваат дека партијата одамна е заробена од луѓе, интересџии, кои Македонија ја користат како бизнис проект и политичка тезга за лични интереси и профит.

Колку повеќе СДСМ шири лаги против Максим Димитриевски и ЗНАМ, толку повеќе народот гледа кој е исплашен.

А вистината е едноставна, СДСМ не може да се помири што ЗНАМ прерасна во автентична македонска политичка сила која не потклекнува пред странски центри, не тргува со идентитетот и не ја распродава државата за лични и бизнис интереси.

Затоа нервозата кај Венко Филипче е огромна.

Затоа СДСМ секојдневно тоне во параноја.

Затоа раководството во Бихачка гледа непријатели насекаде.

Движењето ЗНАМ ќе остане доследно на принципите на Илинден и АСНОМ, на страната на Македонија, македонскиот народ и националното достоинство и нема да дозволи државата повторно да биде туркана во период на политичка сервилност, национални отстапки и бугарофилски наративи што директно го поткопуваат македонскиот идентитет, јазик и историја.

Центар за комуникации и аналитика
ЗНАМ

Тагови: ЗНАМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Туристи бегаат во паника- авион падна среде улица на Тенерифе (ВИДЕО)

Мал авион се урна среде улица на популарните Канарски Острови кратко по полетувањето.

Туристи бегаат во паника- авион падна среде улица на Тенерифе (ВИДЕО)

Туристи панично бегаа за да се спасат додека авионот леташе директно кон нив.

Авионот се урна вчера попладне за време на обука за летање во школа за авијација во јужен дел на Тенерифе. Пилотот се обидел итно да слета, но авионот се урна со голема брзина. Според локалните медиуми, авионот се урна пред голф терен, удирајќи во столб и неколку палми. Ударот сериозно го оштетил авионот, а делови од леталото биле расфрлани по кружен тек.

Туристите бегале за да си го спасат животот

Фотографиите и видео снимките од местото на несреќата покажаа дека крилата на авионот биле откинати, а носот му бил оштетен. Остатоците се на средина од патот.

„Моравме да трчаме за да го избегнеме авионот кога удрил во столб и некои дрвја, запирајќи пред да може да нè стигне. Не сакам ни да замислам што би се случило поинаку“, изјавил турист од Нортхемптон, Англија, за шпанскиот весник „Канаријан Викли“.

Двајцата пилоти (на возраст од 20 и 50 години) успеале сами да избегаат од остатоците. Тие беа однесени во болница како мерка на претпазливост. За чудо, никој не беше сериозно повреден. Сите учесници поминаа неповредени. Причината зошто авионот се најде во неволја не е јасна. Истрагата за причината за падот е во тек.

Тагови: Тенерифе туристи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Кина прави пресврт во развојот на вештачката интелигенција

Поранешен истражувач на OpenAI, кој сега работи како главен научник за вештачка интелигенција во кинеската Tencent, објави дека има за цел да создаде општа вештачка интелигенција. 

Кина прави пресврт во развојот на вештачката интелигенција

Овој потег сигнализира промена во технолошката трка меѓу САД и Кина, пишува CNBC.

Создавањето вештачка интелигенција со човечки или натчовечки способности, позната како општа вештачка интелигенција (OUI), долго време е цел на американските компании како што се OpenAI, Anthropic и Alphabet, кои го купија британскиот стартап DeepMind.

Од друга страна, кинеските компании, кои се обидуваат да го стигнат темпото со развојот на вештачката интелигенција во услови на американски ограничувања за извоз на чипови, главно се фокусираа на практичната примена на технологијата - од фабриките до потрошувачката електроника. Извршниот директор на Baidu, Робин Ли, претходно процени дека постигнувањето на OUI ќе трае најмалку 2034 година, за разлика од прогнозата на Елон Маск за 2026 година во тоа време.

Американската визија во Кина

Сепак, како што кинеските компании привлекуваат таленти од Силиконската долина, американската визија за развој сè повеќе доаѓа со нив.

„Мојата лична цел е да воспоставам долгорочна општа организација за развој на вештачката интелигенција во Кина“, рече главниот научник за вештачка интелигенција на Tencent, Јао Шунју, кој се приклучи на компанијата минатата година откако го напушти OpenAI. Неговите забелешки беа преведени од мандарински јазик од CNBC.

Во петокот, Јао разговараше за следната фаза од развојот на вештачката интелигенција со Даусон Тонг, извршен директор на Tencent Cloud, на настан во Пекинг организиран од Tencent во соработка со локалните власти. Воведниот говор го одржа висок функционер од Пекинг.

Јао истакна дека неговата визија за OUI ќе бара фундаментално знаење, производи и истражување на крајните граници на технологијата. „Не мислам дека ChatGPT или Claude ќе бидат единствените „суперапликации““, рече тој, додавајќи дека неискористениот потенцијал е „милијарди долари“. Според него, перформансите на алатката за вештачка интелигенција се најважни, проследени со трошоците. Тој додаде дека го гледа патот напред во Кина во помали модели на вештачка интелигенција и поконзистентни перформанси на основните задачи.

Неговиот оптимизам е во спротивност со растечката претпазливост во врска со вештачката интелигенција во САД. Компанијата Anthropic во четврток предупреди дека најнапредните модели се приближуваат до точката каде што би можеле да се подобрат без човечки надзор. Тие повикаа на забавување на индустријата или пауза во развојот на нови модели за да се спречи нарушување на општеството.

Стартапот со седиште во Сан Франциско претходно оваа година го повика Вашингтон да го задржи водството на САД во однос на кинеските модели. Anthropic ја нагласува безбедноста на вештачката интелигенција уште од своето основање, што доведе до критики од конкурентите дека неговите безбедносни предупредувања се дизајнирани да ја отежнат конкуренцијата.

Борбата за таленти

Неизвесноста околу имиграциските политики на САД, исто така, ги охрабри кинеските државјани да бараат работа дома, дури и ако платата може да биде пониска. Кина истовремено ги зголемува инвестициите за привлекување таленти и троши повеќе за „основни истражувања“, бидејќи земјата се стреми кон научни откритија во следните пет години.

Компаниите се натпреваруваат за таленти без оглед каде се наоѓаат. Меѓу неодамнешните значајни потези, Alibaba наводно го ангажирала истражувачот на Google DeepMind, Хао Џоу, да го поддржи развојот на нејзината вештачка интелигенција Qwen. Џоу и Alibaba не одговорија веднаш на барањето за коментар.

Ву Јонгхуи, потпретседател за истражување во Google DeepMind, ја напушти компанијата во февруари 2025 година за да раководи со истражувања во ByteDance Seed, со седиште во Калифорнија. Стартапот Moonshot, кој стои зад моделот со вештачка интелигенција Kimi, е основан од Јанг Жилин, поранешен вработен во Meta AI и Google Brain.

Тагови: вештачка интелигенција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија ги укинува работните визи за граѓаните на три држави

Од денес, унгарската влада ќе престане да издава работни визи за работници од Филипините, Грузија и Ерменија, што е прв чекор кон регулирање на приливот на гастарбајтери, потврди портпаролката на владата. 

Унгарија ги укинува работните визи за граѓаните на три држави

Овој потег е во согласност со најавата на партијата Тиса на премиерот Петер Маѓар, која по победата на изборите на 12 април и завршувањето на 16-годишното владеење на Виктор Орбан, вети дека од јуни ќе престане да издава визи за работници од надвор од Европската Унија, пишува Ројтерс.

Влада: Гастарбајтерите ги намалуваат платите

Владата ќе ги заостри условите за вработување за гастарбајтерите поради загриженоста дека тие ги намалуваат локалните плати, изјави портпаролката Ванда Сонди на прес-конференција.

Измена на прописите и правилата за постојните работници

Од денес, се менува регулативата што им дозволуваше на агенциите за вработување да увезуваат работници од Филипините, Грузија и Ерменија по поедноставена постапка. Вработените што веќе се во Унгарија сè уште ќе можат да аплицираат за продолжување на нивните дозволи, а веќе поднесените апликации ќе бидат обработени. Владата ги нарекува овие реформи прв чекор во планираното долгорочно решение.

Економски последици и зависност од странци

Според официјалната статистика, странските работници сочинуваат само два проценти од унгарската работна сила, но некои сектори, како што се услугите и производството, се многу зависни од нив. Некои од најголемите странски инвеститори во Унгарија предупредија дека целосното прекинување на доаѓањето на гастарбајтери може да им наштети на компаниите и на економијата како целина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер