Македонија

Реaкции по укинувањето на додатокот до 6.000 денари за дел од децата со Даунов синдром

Од комисијата за проценка велат дека од 113 деца со Даунов синдром и само кај осум деца се донело решение дека имаат добра функционалност пример: имаат говор.

Марија Мариќ родител на дете со Даунов синдром добила решение од Комисија за проценка за развој кај децата со посебни потреби дека нејзината ќерка нема да добива надомест бидејќи не можело да се направи целосна проценка на нејзината интелектуална способност. Мајката вели дека ќерката има брат близнак кој има три и пол години зборува и е типично дете, а ќерката не може да се спореди со интелектуланиот развој со неа. Единствено право што го има ќерката е право да посетува градинка.

Давид има три ипол години, но има физички и психички развој на едно и пол годишно дете, расакажува неговата мајка Маја. Маја вели дека инклузија не се прави ако се укинат тие пари, а се плаќаат приватно зошто нема термини за логопед и дефектолог.

Од комисијата за проценка велат дека од 113 деца со Даунов синдром и само кај осум деца се донело решение дека имаат добра функционланост пример: имаат говор.

Поддршка за мајките дадоа и родителите кои пред 19 години се избориле да добијат помош за нивните деца. Сузана Стојановска денеска велат напредок има на хартија со инклузија во пракса родителите се осиромашени и станаа социјална категорија. Таа вели дека нема дете со Даунов синдром кое колку и има напредок има лош говор и има потреба од дефектолог.

Фудбал

„Златната топка“ на Марадона се појави на аукција, семејството најавува тужби

Наследниците на Диего Марадона ќе покренат тужба за да се обидат да ја запрат аукцијата на Златната топка што легендарниот аргентински фудбалер ја доби како најдобар играч на Светското првенство во Мексико во 1986 година.

Овој трофеј беше изгубен со децении, но неодамна повторно се појави и треба да се најде на аукција во Париз во јуни, објави минатата недела аукциската куќа Агит. Марадона, кој почина во 2020 година на 60-годишна возраст, го освои трофејот за најдобар играч на Светското првенство во 1986 година кога ја предводеше Аргентина до победа од 3-2 над Западна Германија во финалето.

На тој турнир постигна нерегуларен, но сепак признат гол со рака („Божја рака“), но и „гол на векот“ кога ги издрибла практично сите противници во победата од 2:1. против Англија во четврт-финалето.

Наследниците на Марадона велат дека трофејот е украден и тврдат дека сегашниот сопственик нема право да го продаде, а нивниот адвокат рече дека ќе побараат судска наредба за одземање на трофејот и поднесување пријава за кражба. Марадона го доби тој трофеј на церемонија во кабарето Лидо на Шанзелизе во 1986 година.

Трофејот подоцна исчезна и за него кружеа разни гласини. Некои рекоа дека Марадона го изгубил во игра покер или го продал за да ги исплати долговите, соопшти аукциската куќа. Се шпекулираше и дека Марадона го чувал во банка во Неапол, која ја ограбиле локални гангстери во 1989 година, додека тој играл за Наполи. Наследниците на Марадона веруваат дека е украдена од банката.

Свет

Тинејџер добил тешки изгореници од струен удар, додека го полнел мобилниот (ФОТО)

Рејес Огдал (16) е тешко повреден во бизарна несреќа што се случила во неговиот дом во Оклахома.

Тинејџерот завршил во болница со тешки изгореници, а неговата мајка Даниел Дејвис ги раскажала деталите од немилиот настан.

Таа наведува дека Рејес лежел во кревет кога телефонот му паднал на подот. Уредот бил на полнач, па сакал да се увери дека сѐ е во ред.

„Тој сакаше да провери дали батеријата сè уште се полни, а потоа ланчето што го носеше околу вратот дојде во контакт со незаштитена жица од штекерот“, објаснила Даниел.

Мајката додава дека спиела кога ја разбудил лелекот на нејзиниот син, пренесува LadBible.

„Ме викаше, па истрчав во ходникот. Тој рече: „Ме удри струја“, а видов страшни изгореници на вратот. Целата куќа мирисаше на изгорена коса и кожа“.

Рејес цело време бил свесен, а лекарите констатирале тешки повреди околу вратот, поточно изгореници од втор, трет и четврти степен.

„Можевме да го видиме белегот на ланчето на кожата. Доживотно ќе остане со лузни“, изјавила неговата мајка.

Таа додава дека му е благодарна на Бога што Рејес е добро.

„Можеше да умре таа ноќ. Кога станува збор за телефоните, нема порака или известување што е толку важно што лежи покрај вас во креветот. Сè може да се случи и мојот син е доказ за тоа“, заклучи таа.

Свет

Требало да се затвори училиште во Франција, поради мал број ученици- запишале четири овци

Поради недостиг на ученици и најавеното затворање на една паралелка во училиште во департманот Мозел во североисточна Франција, родители на ученици поднеле барања за упис на четири овци за следната учебна година, објавија локалните медиуми.

Како што пренесува локалниот весник Republiken de Lorraine, овој потег на родителите бил оригинален начин на протест против најавеното затворање на паралелка во ова училиште, пренесува порталот BFM TV.

Родителите пополнувале пријави за секој нов четвороножен ученик, со датум на раѓање и имиња на родители и ги доставиле до надлежната општинска служба и француското Министерство за образование.

Во апликациите биле споменати четири имиња: Џон Дир, Маргерит Диперс, Фил Тенди и Валеријан Дешан, кои се поврзуваат со секојдневниот живот на овците.

Во меѓувреме, е објавена градска уредба со која се повикува на „грижа за квалитетот на наставата“ и се бара „на учениците со посебни потреби да им се дозволи да останат во училишниот двор“.

притисни ентер