Македонија

Разрешената в.д. директорка Ана Петровска кандидат за градоначалник на Скопје

Ана Петровска штотуку разрешената в.д директорка на Државниот инспекторат за животна средина, ќе влезе во трката за градоначалник на Град Скопје.

Кандидатурата на Петровска беше објавена на прес конференција на коалицијата од невладини организации Зелен хуман град.

Петровска, која беше разрешена и од функцијата во матичната партија ДОМ поради разидување со лидерката Маја Морачанин.

– Ние веќе ги поднесовме до четири подрачни канцеларии на ДИК нашите листи така што граѓаните веќе можат да почнат да ги даваат своите потписи и поддршка. После оваа прес-конференција ни остана да поднесеме во подрачното одделение за општините Карпош, Ѓорче Петров и Сарај и веќе ќе биде целиот град Скопје опфатен, од сите општини граѓаните ќе можат да излезат и да не поддржат, рече Велковска, додавајќи дека граѓаните ќе можат да се потпишат за нивната советничка листа која таа ја предводи, но ќе можат да се потпишат и за нивниот кандидат за градоначалник Ана Петровска.

Петровска се осврна на идеите за Град Скопје кои заедно со членовите на иницијативата Зелен хуман град ги имаат доколку ја добијат поддршката од граѓаните.

– Ова е голема привилегија и јас чувствувам еден голем ентузијазам којшто го добивам всушност од овие прекрасни луѓе кои се приклучија кон оваа иницијатива. Ние имаме една заедничка визија, пред јас да ја прифатам кандидатурата тие веќе ги зрееле своите идеи и тези за тоа како треба да се управува градот, а јас незнаејќи за нив направив една компилација од своите идеи, замислете, се поклопивме во 90 отсто, што значи дека ние навистина заедно можеме да ги направиме оние промени кои граѓаните толку желно ги очекуваат, нагласи Петровска.

Пред се, посочи, сакаат да го отворат Градот Скопје кон јавноста, да стане една заедница на учество на сите засегнати страни, на граѓаните, да бидат поотчетни, да зборуваат за начинот како се програмираат и трошат парите на граѓаните.

– Ќе организираме и буџетски форуми каде граѓаните ќе мижат да имаат информации за приоритетните стратешки проекти на Градот и како планираме да ги подобруваме и надградуваме усугите кон граѓаните, услугите на граѓаните се пред се и тие треба да бидат достапни, ќе работиме и на нивна дигитализација имајќи предвид дека и пандемијата е се уште присутна. Ќе ги вклучиме во носењето на одлуки младите, маргинализираните групи и луѓето се хендикеп. За да хуманизираме градот навистина тој да стане зелен хуман град, ќе работиме на нов ГУП што ќе ја запре бетонизацијата, ќе го заштити и унапреди постојното зеленило и ќе воспостави одржлив мобилен систем, значи урбаната мобилност ќе се зајакнува давајќи предност исто така и на алтернативните форми на сообраќај, велосипедизмот и пешачењето за да го спречиме и до некаде намалиме загадувањето на воздухот, потенцира Петровска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Предизборен молк во Србија пред клучните избори во недела

Завршни предизборни митинзи во соседна Србија која во недела се подготвува за најнеизвесните избори во последните 14 години.

Под реден број еден на гласачкото ливче е коалицијата предводена од владеачката Српска народна партија, насловена „Александар Вучиќ - Обединета Србија“. Својот завршен митинг Вучиќ го оддржа во спортската сала „Ранко Жеравица„ во Белград, а негови поддржувачи вчера излегоа на улиците и во други градови низ Србија.

„Да се подготвиме во недела, пенкало во раката, да го заокружиме она што е потребно и да ги победиме. Да ги победиме и да им пружиме рака вечерта после тоа, но никогаш да не заборавиме она низ кое поминавме. Да не заборавиме како ни ја рушеа државата, и секогаш да ја чуваме и браниме и да ги учиме нашите поколенија за тоа. Напред Белград, да живее Белград. Да живее Србија. Одиме да ги победиме!“

Околу 150 000 граѓани вчера вечер се собраа на централниот градски плоштад во Белград – Славија, во поддршка на протестното младинско движење кои на гласачкото ливче настапуваат под број 3 - „Студентска листа - Студентите победуваат“.Голем дел од 250-те кандидати на Студентската листа кои се кандидираат за парламентот се дел од српската академска и научна фела, или пак се сметаат за политички аутсајдери.

„Пратеничката функција е одговорна јавна функција. Оној што ја добива мора да знае кому му одговара. Знаеме кому ќе одговараме. Нашите мандати ќе бидат во вашите раце, во рацете на народот! Затоа, едно е без сомнение – 25 октомври Србија победува, бидејќи знаете зошто. Затоа што кој победува – студентите победуваат!“

18 изборни листи се натпреваруваат за 250 места во српскиот парламент. Гласањето ќе се одвива на вкупно 8.392 избирачки места, од кои 93 се во странство во 37 земји, меѓу кои и Македонија, 60 избирачки места се на територијата на она што Србија го нарекува автономна покраина Косово и Метохија, додека пак во Босна и Херцеговина ќе бидат отворени 27 избирачки места.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Бугарска новинарка заврши со скршено рамо- ја турнал обезбедувач во собранието

Со скршеница на рамото заврши новинарката на бугарската информативна агенција ПИК, Соња Колтуклиева, откако беше турната од припадник на Националната служба за обезбедување во Софија.

Инцидентот се случил пред седиштето на „Прогресивна Бугарија“, кога Колтуклиева се обидувала да ѝ постави прашање на претседателката на Народното собрание, Михаела Доцовa, отворајќи ја вратата на автомобилот. Наместо одговор, новинарката беше турната и падна на тротоарот. Доцовa ја посетила Колтуклиева во болница и изразила жалење за инцидентот, но новинарката подоцна изјави дека се сомнева во искреноста на извинувањето.

„Таа почна да искажува жалење но всушност се оправдуваше дека кога излегувала од централата на „Прогресивна Бугарија“ била многу под стрес затоа што само мене ме видела надвор, и непрекинато повторуваше стрес, стрес. Јас и реков да замине, да си оди. Дека ништо од тоа што го кажува не е искрено, а се обидуваат да ме направат мене виновна, јас која сум жртва.“

Припадникот на обезбедувањето е приведен а случајот го презеде Военото обвинителство, додека се утврдуваат сите околности на инцидентот и одговорноста на службеникот. Доцова изјави дека обезбедувањето постапува според утврдени протоколи и дека таа не може да им наредува на припадниците како да постапуваат.

„Претседателот на Народното собрание го обезбедува Националната служба за обезбедување, тие постапуваат по определени протоколи, верувајте ми јас не можам да определам и да им укажувам на колегите од Националната служба за обезбедување што да прават и како да прават. Јас, се разбира, ќе го доставам моето барање до Националната служба за обезбедување ги применат најстрогите можни мерки, целосно да го проверат тоа што се случи и да се применат најстрогите мерки.“

Бугарската претседателка Илијана Јотова го осуди постапувањето на припадникот на обезбедувањето како недозволиво и прекумерно, а најави дека ќе бара оставка од шефот на Националната служба за обезбедување, Емил Тонев.

„Уште од синоќа започнаа проверките во Националната служба за обезбедување, ги чекам првите резултати и во секој момент извештај од началникот. Јас лично гледам пропусти и очекувам оставки. Ќе ја побарам оставката на началникот на Националната служба за обезбедување, Емил Тонев.“

Инцидентот се случува во чувствителен политички момент, непосредно пред претседателските избори во Бугарија, закажани за в недела на 25 октомври. Главни фаворити се актуелната претседателка Илијана Јотова, поддржана од „Прогресивна Бугарија“ и Социјалистичката партија, проевропскиот кандидат Андреј Ѓуров, поддржан од „Продолжуваме со промената – Демократска Бугарија“, и Костадин Костадинов од националистичката „Преродба“, со новинарот Петар Волгин како кандидат за потпретседател.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ИПАРД фондовите за македонските земјоделци се целосно одблокирани

Европскиот фонд за развој на земјоделството- ИПАРД по блокадата заради скандалот со екс директорот се враќа во функција.

Ипард фондовите за мекедонските земјоделци се целосно одблокирани. По застој од околу 5 месеци, платежната агенција најавува дека во декември ќе се објават огласи за мерките 1,3 и 7 за што земјоделците и преработувачките компании можат да почнат со подготовките на потребните документи за алицирање. Палтежната заради корупцискиот скандал на екс директорот Стоиле нарави измени на процедурите кои се веќе поминати и одобрени од страна на Еврпската Унија и сега се чека само уште финалното одобрение од Министерствот за финансии од националниот координатор за ИПАРД 3 прграмата

Инаку Ипард 3 е европската програма за поддршка на земјоделството и руралниот развој, која за периодот 2021–2027 за мекедонските земјдоелци и компаниите на располагање им става вкупно 128 милиони евра, од кои 97 милиони се европски средства, а нешто повеќе од 31 милион евра се национално кофинансирање. Платежната агенција исто така објави дека до крајот на годинава ќе ги расчисти сите долгови за заостанатите субвенции

Паралелно со исплатите на субвенциите веќе почнува процесот на подготовка на новата програма со која треба да се предвидат по колку пари ќе има за субвенциите во 2027 година за што дел од земјоделските здруженија бараат наместо 100 милиони евра вкупниот фонд за субвенциите да се золеми најмалку на 200 милиони евра. Како аргумент се посочува дека земјите од регионот веќе имаат драстичпно поголеми суми за субвенции од нашите и дека тоа влијае на конурентноста на земјделците и губење на пазарите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.