Разрешен шефот на руската вселенска агенција „Роскосмос“, Јуриј Борисов, на негово место доаѓа - Канал 5

Живот

Разрешен шефот на руската вселенска агенција „Роскосмос“, Јуриј Борисов, на негово место доаѓа

 Кремљ денеска го разреши шефот на руската вселенска агенција, Јуриј Борисов, кој беше на оваа позиција помалку од три години, а неговиот мандат беше обележан со спектакуларниот неуспех на првата руска мисија на Месечината по 47 години.

Разрешен шефот на руската вселенска агенција „Роскосмос“, Јуриј Борисов, на негово место доаѓа

Во соопштението на Кремљ се наведува дека Борисов, кој беше на чело на агенцијата Роскосмос од јули 2022 година, е заменет од Дмитриј Баканов, заменик-министер за транспорт којпред да влезе во владата раководел со сателитската компанија „Гонец“.

Портпаролот на Кремљ, Дмитриј Песков, денеска изјави дека Кремљ нема поплаки против Борисов и дека неговото разрешување е „ротација“.

-Оваа корпорација мора динамично да се развива, затоа има ротација, рече Песков.

Откако советскиот космонаут Јуриј Гагарин стана првиот човек во вселената во 1961 година, Русија е позната како водечка сила во истражувањето на вселената.

Но, нејзините амбиции претрпеа голем удар во август 2023 година кога руската мисија без екипаж „Луна-23“ се удри од површината на Месечината додека се обидуваше да слета.

И покрај неуспехот, Борисов претстави амбициозни планови за наредните години додека Русија се подготвува да лансира сопствена вселенска станица.

Новиот проект треба да ја замени старата Меѓународна вселенска станица (МВС), каде Русија тесно соработува со САД, дури и откако нивните односи се критично влошени поради војната во Украина.

Минатата година Борисов одобри временска рамка според која првите два модула на новата руска станица ќе бидат лансирани во 2027 година.

Русија соопшти дека има намера да одржи постојано присуство на екипажот во вселената и да спроведе научни, економски и безбедносни проекти кои не се можни во рускиот дел на МВС.

Светските сили се натпреваруваат не само за истражување на вселената, туку и за потенцијално распоредување оружје во неа.

Како што се приближува 2026 година, кога истекува последниот договор меѓу Русија и САД за ограничување на бројот на нивните нуклеарни оружја, двете земји меѓусебно се обвинуваат за планови за трка во вселенско вооружување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

Мелони повикува на нормализација на односите со САД по конфликтот со Трамп

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Политико: Унгарија го блокира забрзувањето на преговорите на ЕУ со Украина и Молдавија

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор. 

ЦУК: Активни три пожари низ Македонија, во Куманово и Илинден- горат бандери, дрвја и отпад

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер