Разбојници упаднале во куќата на позната раперка, полицајците ја уапсиле - Канал 5

Шоу биз

Разбојници упаднале во куќата на позната раперка, полицајците ја уапсиле

Раперката ГлоРила била уапсена откако полицијата одговори на повик за провала во нејзиниот дом вчера околу 1:30 часот наутро.

Разбојници упаднале во куќата на позната раперка, полицајците ја уапсиле

Раперката ГлоРила, чие вистинско име е Глорија Халелуја Вудс, е обвинета за поседување дрога откако полицијата пронајде марихуана во нејзиниот дом во Џорџија. Полицијата истражуваше провала во нејзиниот дом, а ГлоРила сега се жали дека ја уапсиле неа наместо провалникот.

Пејачката на хитови како „Yeah Glo“, „TGIF“ и „Whatchu Kno About Me“ беше обвинета за поседување марихуана и контролирани супстанции откако доброволно се предаде на полицијата, соопшти канцеларијата на шерифот на округот Форсајт.

ГлоРила беше уапсена откако полицијата одговори на повик за провала во нејзиниот дом околу 1:30 часот наутро во недела. Инцидентот се случил неколку часа откако таа настапила на полувремето од WNBA All-Star натпреварот во Индијанаполис. Полицијата потврди дека три лица, кои сè уште се во бегство, провалиле во нејзиниот дом.

Разбојниците биле среде кражба кога „вооружен човек“ почнал да пука кон нив, принудувајќи ги крадците да избегаат. За време на истрагата, полицајците откриле „силен мирис“ и пронашле „значајна количина марихуана“ на видно место во спалната соба.

Раперката била приведена и ослободена со кауција од 22.260 долари. Таа се огласила на социјалните мрежи по инцидентот.

- Провалиле во мојата куќа во саботата додека бев во Индијанаполис, каде што настапував на натпреварот на WNBA All-Star, и наместо да се фокусираат на пронаоѓање на осомничените, се фокусирале на малку канабис. Накратко, тие провалија во мојата куќа, а јас бев единствената уапсена“, напиша таа на X.

Според „Њујорк пост“, семејството на познатата раперка било во куќата кога крадците провалиле во неа. Тие наводно избегале со „накит со висока вредност“, рекоа адвокатите. Правниот тим, исто така, рече дека апсењето на нивниот клиент е „вознемирувачка демонстрација за тоа како приоритетите на спроведувањето на законот се искривени“.

- Кога нејзиното семејство постапи правилно и ја повика полицијата, наместо да истражува насилна провала и кражба во домот на г-ѓа Вудс, тие побараа налог за претрес. Не беа издадени налози за апсење за насилните крадци. Г-ѓа Вудс е жртвата, а не осомничена, рекоа адвокатите.

Полицијата, која не успеа да ги пронајде крадците по „обемна истрага“, се согласи дека раперката е жртва, но нагласи дека сè уште имаат должност да го спроведуваат законот. „Сопственичката на куќата е жртва на сериозно кривично дело и ние сме посветени на тоа осомничените да се изведат пред лицето на правдата. Во исто време, мора да продолжиме да го поддржуваме и спроведуваме законот во сите аспекти на овој случај“, рекоа тие.

Истрагата за провалата е во тек.

Тагови: разбојници раперка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Фото: Ревија на костими за капење на „Sports Illustrated Swimsuit“

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Фото: Секси русокосата не препушта ништо на случајноста

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу? 

Веќе 21 фудбалер се платени повеќе од 100 милиони евра за трансфер

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер