Расте јазот меѓу богатите и сиромашните во Европа: Шведска е најнеправедна според распределбата - Канал 5

Живот

Расте јазот меѓу богатите и сиромашните во Европа: Шведска е најнеправедна според распределбата

-Шведска е најнеправедна според распределбата на богатството

Расте јазот меѓу богатите и сиромашните во Европа: Шведска е најнеправедна според распределбата

Промената во нееднаквоста во богатството низ Европа од 2008 до 2023 година варираше од земја до земја, според најновиот Извештај за глобалното богатство 2024 објавен од швајцарската банка UBS.

Додека во некои земји јазот меѓу богатите и сиромашните значително се зголеми, во други е забележано благо намалување.

Според податоците од Европската централна банка (ЕЦБ), најбогатите 10% од населението во Еврозоната поседувале 57,3% од вкупното нето богатство на домаќинствата во последниот квартал од 2024 година - што е за 2,8 процентни поени повеќе отколку во 2009 година, кога поседувале 54,5%.

UBS истакнува дека нееднаквоста се зголемила во повеќето земји од Источна Европа, додека податоците за Западна Европа се „екстремно мешани“.

Кои земји предничат по растот, а кои по падот на нееднаквоста?

Извештајот опфаќа 12 европски земји, користејќи го индексот Џини како основен индикатор. Колку е повисок индексот Џини, толку е понееднаква распределбата на богатството (вредноста од 0 означува совршена еднаквост).

Во 2023 година, индексот Џини на богатство се движеше од 46 во Белгија до 75 во Шведска.

Шведска забележа највисока нееднаквост во богатството, по што следуваат Германија (68), Швајцарија (67) и Австрија (65).

Белгија беше екстремен исклучок со најнизок индекс (46), што укажува на наједнаква распределба на богатството. Следни беа Италија и Шпанија, обете со индекс од 57.

Големите економии како што се Франција (59) и Обединетото Кралство (61) беа под просекот од 62,1 за 12-те проучувани земји. Данска (62), Финска (64) и Холандија (64) беа околу просекот.

Најголемо зголемување на нееднаквоста: Финска и Шпанија

Гледајќи ги промените во индексот Џини од 2008 до 2023 година, се донесуваат следните заклучоци:

Финска забележа најголемо зголемување – 21% (од 53 на 64)

Шпанија веднаш по неа – 20% (од 47 на 57)

Италија забележа зголемување за 15% (од 50 на 57)

Данска за 11% (од 56 на 62)

Велика Британија за 8%

Франција за 5%

Шведска, иако сè уште најнееднаква, забележа мало зголемување од само 1%.

Белгија најмногу ја намали нееднаквоста

Од 12-те анализирани земји, пет забележаа пад на нееднаквоста:

Белгија најмногу – намалување од 11% (од 51 на 46)

Германија, Австрија и Швајцарија – намалување од околу 5%

Холандија – намалување од 4%

Сепак, истражувачот на Универзитетот во Гент, Артур Апостел, истакнува дека податоците од ЕЦБ покажуваат само мало намалување во Белгија (од 0,71 на 0,69 според индексот Гини), додека УБС користи поширок опсег на податоци, па затоа споредбите треба да се толкуваат со претпазливост.

Што ја влошува нееднаквоста во Финска?

Вели-Мати Тормалехто од Статистика Финска вели дека промените во структурата на средствата се главната причина. Сè повеќе домаќинства се префрлаат од недвижнини на финансиска актива, која е концентрирана во рацете на богатите. Покрај тоа, цените на недвижностите стагнираат или паѓаат, а во опаќање е и стапката на сопственост на недвижнини.

Според нивните податоци, најбогатите 10% од финските домаќинства го зголемиле својот удел во вкупното богатство од 43,9% (2009) на 51,8% (2023).

Индексот Џини наспроти уделот во богатството на топ 10%

Иако индексот Џини дава општа слика, тој не ги опфаќа екстремните разлики - па затоа уделот во богатството што го поседуваат најбогатите 10% нуди појасна слика.

Според извештајот на UBS од 2023 година (за податоци од 2022 година):

Во Шведска, најбогатите 10% поседуваат 74,4% од вкупното богатство

Во Белгија - 43,5%

Во Германија - 63%

Во Швајцарија - 62,5%

Трендовите се конзистентни дури и кога се гледаат топ 5% или 1%.

Нееднаквоста сама по себе не е доволна слика

Во извештајот на UBS се нагласува дека промените во нееднаквоста сами по себе не се доволни за да се објасни колку се всушност „богати или сиромашни“ граѓаните. Апсолутното ниво на богатство е подеднакво важно - па затоа не е само прашање колку е нееднакво распределено богатството, туку колку воопшто го има.

Тагови: еврата Шведска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

„Светот црта – Велес изложува“: Рекорден број на дела на Меѓународниот стрип конкурс

Велес уште еднаш докажува дека е значаен фактор  на меѓународниот  стрип. 

„Светот црта – Велес изложува“: Рекорден број на дела на Меѓународниот стрип конкурс

Најновото издание на Меѓународниот стрип салон и традиционалната Стрип колонија, организирани од Стрип центарот на Македонија (СЦМ-Велес), започнува во знак на историски успеси – голем бран на пријавени дела на меѓународниот конкурс. Притоа, велешкиот стрип Салон јасно го истакнува чистиот стрип како култура по себе, (без никакви дополнителни општествени и креативни додатоци ) впрочем и самата стрип култура во себе состои повеќе култури, социјални пораки и уметнички светови. Овие манифестации се финансирани од страна на Министерството за култура на Република Македонија, како и Општина Велес.

Традиционалниот меѓународен конкурс „Златен стрип“ привлече огромен број на уметнички трудови, соборувајќи ги сите досегашни рекорди. Како што извести Томе Трајков од организацискиот тим, наместо ланскиот рекорден број на примени стрипови од 396 автори, годинава нивните пријави се многукратно надминети,(497) со што конкурсот го достигнува својот историски врв по масовност на пријавени уметници од целиот свет.

Во пристигнатите трудови доминираат стрипови од македонски автори од разни генерации и градови, што ја потврдува домашната уметничка сила и силниот континуитет на сцената. Сепак, конкурсот има силен глобален карактер — на него масовно учествуваат автори од балканските држави, но и од далечната Азија, Полска, па сè до Нигерија, со што Велес се зацврстува како светска престолнина на деветтата уметност.

Централниот настан и свеченото отварање на Меѓународниот стрип салон, придружено со прогласувањето на најдобрите трудови, ќе се одржи на 19 август 2026 година, со почеток во 20:00 часот, во просториите на Европската куќа (Europe House) во Велес.

Тагови: стрип

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Хипокритот Филипче да не глуми како во политиката да е од вчера

 Филипче да не се однесува како народот да има колективна амнезија и да каже зошто не реагирал за водата во Гостивар кога бил министер.

ВМРО-ДПМНЕ: Хипокритот Филипче да не глуми како во политиката да е од вчера

Хипокритот Филипче да не глуми како во политиката да е од вчера и да дава лицемерни изјави и да се однесува како јавноста да страда од колективна амнезија.

Постојат документи од кога Филипче беше дел од владата на Зоран Заев и министер за здравство, документи кои укажуваат на сериозни проблеми и нерегуларности. Тие проблеми денес излегуваат на површина.

Наместо да се однесува очајнички, за да присобрери некој поен оти партијата на која е лидер му е во слободен пад, сега е должен да одговори на јавноста зошто кога бил министер молчел и не делел лелции, а сепак постоеле индиции дека водата за пиење во Гостивар не ги задоволувала законските стандарди.

Инаку не е ова одлика само на Филипче туку и на целата СДС, затоа што

проблемот продолжил и откако Филипче веќе не бил министер.

Во документте стои дека на 11.11.2020 година, микробиолошката анализа покажала зголемен број на колиформни бактерии и констатирала дека водата не треба да се користи за пиење.

15.02.2021 и 01.03.2021, повторно било констатирано дека водата не ги задоволува критериумите согласно правилниците за безбедност и квалитет на водата за пиење.

11.07.2022, водата за пиење доставена од ЈП „Комуналец“ – Гостивар, не одговарала за употреба поради зголемен број на аеробни мезофилни бактерии.

29.06.2023 повторно била констатирана неисправност поради бактериски колонии.

04.08.2023 година повторно било утврдено дека водата за пиење не одговара поради зголемен број на аеробни мезофилни бактерии.

Ама на ова, ни Филипче ни СДС, како тогашна владејачка партија не реагирале соодветно. А и сега не реагираат соодветно, туку само се обидуваат да продадат своја верзија на случајот со намера дека тоа ќе им донесе политички поени.

Одговорност од градоначалникот на Гостивар, Валбон Лимани, не бараат оти коалицијата СДС-ДУИ-Тарабари не може да се раздели, па и во опозиција делува заеднички, против народот.

Филипче да даде јасен одговор и недвосмислен на јавноста зошто молчел за време на неговиот мандат како министер за здравство.

Ова не е времето на Зоран Заев и криминалната СДС кога се игнорираа вакви случаи. Во тек е официјална постапка за утврдување на сите околности поврзани со случајот. Надлежните институции детално ја разгледуваат целокупната документација и ги проверуваат сите релевантни факти. Лицата за кои постои сомневање за најголема одговорност веќе се лишени од слобода, а истрагата продолжува, се преземаат сите неопходни активности за целосно расветлување на случајот, а јавноста ќе биде навремено информирана и добива соодветни препораки и насоки врз основа на резултатите од анализите.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Обвинителството да отвори истрага за Мицкоски и Клековски - го загрозија здравјето на граѓаните на Гостивар

Владата сѐ уште не достави официјален документ со кој се потврдува дека водата што граѓаните на Гостивар ја користат повеќе од една недела е технички исправна.

СДСМ: Обвинителството да отвори истрага за Мицкоски и Клековски - го загрозија здравјето на граѓаните на Гостивар

Повторно ново ветување.

Повторно неисполнето.

Повторно водата не е чиста, ниту техничка.

Владата сѐ уште не достави официјален документ со кој се потврдува дека водата што граѓаните на Гостивар ја користат повеќе од една недела е технички исправна.

Единствена „потврда“ беше изјавата на Мицкоски.

Ништо повеќе.

Денес повторно се врши хиперхлорирање.

Кога се прави хиперхлорирање - капењето не е дозволено.

Но никој не смее тоа јавно да им го каже на граѓаните, затоа што тогаш ќе се открие дека Мицкоски лажеше.

А лажењето и навредите се единствениот начин на комуникација што тој го познава.

Министерот Клековски најави дека од оваа недела водата ќе може да се пие.

Мицкоски рече дека има бактерија.

Денес официјално е потврдено: присутна е опасната бактерија Pseudomonas aeruginosa, која има сериозни последици по здравјето на човекот.

Тоа значи дека капењето не било дозволено, а граѓаните се капеа.

Ова е страшна информација што власта се обидува да ја прикрие.

За ова мораат кривично да одговараат:

• Христијан Мицкоски

• министерот Клековски

• и сите одговорни лица од институциите што молчеа додека се загрозуваше здравјето на граѓаните на Гостивар.

Ова сѐ уште трае.

Одговорноста не може и не смее да се избегне.

Го повикуваме Савевски барем еднаш да постапи согласно законот и да застане во одбрана на граѓаните. Знаеме дека е под команда на Мицкоски, но овојпат се во прашање животите на граѓаните и нивното здравје.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер