Балкан

Расте бројот на жртвите во пожарот во фрабрика за бисквити во Грција- експлозијата се слушнала и во околните градови (ВИДЕО)

Телата на четири жртви од експлозијата и последователниот пожар што се случија рано утрово во фабриката за бисквити „Виоланта“ во близина на грчкиот град Трикала се пронајдени на местото на настанот, соопштија официјални лица.

Според последните информации, околу 4:00 часот наутро во просториите на фабриката се случила силна експлозија, по што избувнал пожар, при што се повредени седум лица, вклучувајќи и еден пожарникар, а едно лице сè уште се води како исчезнато, објавува „Катимерини“, пренесе Би-Би-Си.

Во моментот на експлозијата, во фабриката имало 13 работници, бидејќи фабриката работела 24 часа.

Телата на три жени се пронајдени околу 9:00 часот наутро, четвртата жртва е пронајдена малку подоцна, а потрагата е во тек по уште еден работник, за кој се верува дека бил во фабриката во моментот на експлозијата, соопштија локалните власти.

Сите повредени се во добра здравствена состојба.

Според соопштението од противпожарната служба, во гаснењето на пожарот во фабриката учествувале 53 пожарникари со 16 возила, едно специјално возило со рампа, екипа беспилотни летала и девет возила за поддршка.

Фабриката на компанијата каде што се случи експлозијата се наоѓа на националниот пат Трикала-Кардица, а на местото на настанот се наоѓаат и членови на Дирекцијата за борба против палеж.

Според работниците, експлозијата се слушнала од дел од фабриката каде што нема боци со течен нафтен гас, кои се наоѓаат во подрумот, и сè уште не е познато што ја предизвикало.

Ударниот бран од експлозијата предизвикал уривање на ѕидовите и покривот на фабриката, а експлозијата била толку силна што се слушнала дури и во соседните села, според жителите.

Компанијата „Виоланта“ објави дека утрово „за време на ноќната смена се случил сериозен инцидент, од причина што засега е непозната“.

„Во овој момент, нашата единствена грижа се нашите луѓе. Ние стоиме покрај нив и нивните семејства и правиме сè што е можно за да ги поддржиме. Во исто време, целосно соработуваме со властите и им ја обезбедуваме целата достапна помош“, се вели во соопштението на компанијата.

Грчкиот премиер Киријакос Мицотакис изрази сочувство до семејствата на жртвите, во обраќање за време на состанокот на кабинетот.

„За жал, денот започна под сенката на трагичната несреќа во Трикала, во модерен објект за храна. Нашите мисли се со семејствата на жртвите. Би сакал да им изразам, во име на целиот кабинет, најдлабоко сочувство“, рече Мицотакис.

Мицотакис рече дека екипа на противпожарната служба ги истражува причините за трагедијата, „за да открие што точно се случило“ и да утврди кој е одговорен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Економскиот напредок на Македонија во фокусот на соработката со Фондацијата Конрад Аденауер

Би сакал да се заблагодарам на Фондацијата "Конрад Аденауер", за овој прекрасен настан којшто го имаме овие три дена со извршниот комитет на ВМРО-ДПМНЕ , членовите на Владата, министрите и замениците министри кои што се предложени од ВМРО-ДПМНЕ.

Ефективната комуникација е најзначајна за едно добро владеење, она што се наши политики да можеме добро да ги презентираме пред граѓаните, но истовремено да имаме една добра синергија и една добра комуникација помеѓу нас, помеѓу различните структури во партијата, Извршниот комитет, општинските комитети, Унијата на млади сили, Унијата на жени, и секако пратеничката група и Владата, како би можеле заеднички да ги креираме овие политики.

Би сакал да се заблагодарам на Кристијан Серак, којшто специјално дојде за овој настан, и за тоа што прави една прекрасна обука за сите нас, има доста да се научи и доста работи кои се иновативни.

Ова е начин на којшто ВМРО-ДПМНЕ се обидува да остане во една добра форма, во кондиција, ова покажува дека и тоа што сега сме на власт, ја водиме државата, не не одлепува од партијата, напротив посветуваме доста време и енергија на организација на партијата и ќе продолжиме тоа да го правиме во следниот период, а со цел економски напредок на Македонија, ефективно владеење на правото и повеќе успеси за државата.- објави вицепремиерот и министер за транспорт Александар Николоски.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски е подготвен да се сретне со Путин на самит во Мајами

Украинскиот претседател Володимир Зеленски изјави дека е подготвен да се сретне со рускиот претседател Владимир Путин на самитот на Г20 во Мајами, доколку биде поканет.

„Да, секако. мораме да дојдеме. Мораме да се сретнеме, да разговараме и да донесеме одлука“, рече Зеленски во интервју за „Дојче Веле“ во канадската воена база во Норт Беј.

Според украинскиот лидер, она што ќе му го каже на рускиот претседател нема да биде најважната работа.

Во меѓувреме, најмалку 23-ца луѓе се повредени, а меѓу нив има и петмесечно бебе, кога руски ракети утрово погодиле станбена зграда во украинскиот град одес, соопшти претседателот на одеската обласна воена администрација Олексиј Кипер.

Шестмина од повредените, меѓу кои е и бебето, се во болница.

„Како резултат на нападот, горните катови на повеќекатна станбена зграда се целосно разрушени. Експлозивниот бран оштети и соседни станбени згради и гасовод со низок притисок“, се вели во соопштението на гувернерот.

На уште три станбени згради им е нанесена штета, а оштетен е гасоводниот систем.

Тагови: Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ со свои претставници на шведските избори

Пратеникот и заменик генерален секретар на ВМРО-ДПМНЕ, Бране Петрушевски, викендов е во дводневна посета на Стокхолм како меѓународен гостин на шведскиот изборен процес.

Петрушевски во Шведска е на покана на Moderaterna и Jarl Hjalmarson Foundation, со кои ВМРО-ДПМНЕ има долгогодишна соработка и партнерски односи како дел од европското семејство на сестрински и партнерски партии.

Во рамки на работната посета, Петрушевски учествува во програмата посветена на шведскиот изборен процес, на средби и брифинзи со претставници на шведската политика, како и со гости и претставници на политички партии од повеќе европски земји.

ВМРО-ДПМНЕ останува посветена на градењето силни партнерства со европските сестрински партии и на размената на позитивни искуства и практики кои можат да придонесат за унапредување на демократските процеси и политичкото делување во Македонија.

Од ВМРО-ДПМНЕ изразуваме благодарност до Jarl Hjalmarson Foundation за поканата и поддршката на престојот на Петрушевски во Стокхолм.

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.