Расте бројот на жртвите во невремето во Шпанија- порој однесе маж и жена додека оделе на работа - Канал 5

Свет

Расте бројот на жртвите во невремето во Шпанија- порој однесе маж и жена додека оделе на работа

Три лица загинаа во Андалузија откако бурата Лоренс предизвика хаос во Шпанија.

Расте бројот на жртвите во невремето во Шпанија- порој однесе маж и жена додека оделе на работа

Меѓу жртвите имало и брачна двојка кои биле однесени од водата додека оделе на работа. Екстремните временски услови донесоа обилни дождови и излевање на реките од нивните корита. Училиштата се затворени во неколку области, а илјадници луѓе се евакуирани како мерка на претпазливост.

Бројот на загинати од бурата Лоренс, што ја погоди јужна Шпанија на почетокот на оваа недела, се зголеми во средата откако беше пронајдено телото на втората жртва, додека трето лице се води како исчезнато, пренесува АФП.

Во соопштението на Цивилната гарда се вели дека „безживотното тело“ на маж по кој се трагаше 24 часа во Андалузија (јужна Шпанија) е пронајдено во средата наутро, откако неговиот автомобил, во кој била и неговата сопруга, бил однесен од надојдените води.

Властите во вторникот вечерта објавија дека го пронашле телото на жената, но не и телото на нејзиниот сопруг. Според властите, неговото тело било откриено кога автомобилот на парот, кој се превртел во поплавата, бил преместен.

Според спасувачките екипи, возилото било однесено од речна вода која се излеала од нејзините корита во местото Константина, село кое се наоѓа на околу 85 километри североисточно од Севиља.

Во средата, властите трагаа и по уште едно исчезнато лице во провинцијата Малага, исто така во Андалузија. Станува збор за маж „кој се обидел да ја премине реката со мотор и бил однесен од поројот“, изјавил за AFP портпарол на Цивилната гарда.

Бурата Лоренс донесе обилни дождови во Шпанија и Португалија во понеделникот и вторникот, предизвикувајќи големи поплави и принудувајќи ги властите превентивно да ги евакуираат жителите на неколку населби.

Според податоците на Националната метеоролошка агенција на Шпанија (Аемет), од денеска се очекува нова силна бура, наречена Мартинхо, да го погоди Пиринејскиот Полуостров.

Оваа бура, четврта што ја премина земјата за помалку од две недели, ќе донесе „обилни врнежи од дожд и силни ветрови“, според Аемет, кој стави дел од шпанската територија под жолто или портокалово предупредување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Поплави во Кина, евакуирани 54000 жители

Во Кина, околу 54.000 луѓе се евакуирани поради поплави, вклучително и 8.000 преместени во привремени прифатилишта, што е последица на обилните врнежи предизвикани од тајфунот Нара.

Видео: Поплави во Кина, евакуирани 54000 жители

Поплавите особено го погодија регионот Гуангси, а метеоролозите предупредуваат на нови обилни врнежи во наредните денови, јавува CCTV. Водостоите на 15 реки го надминаа прагот за издавање предупредувања.

Снимките емитувани на кинеската телевизија прикажаа поплавени патишта и спасувачи кои газат низ вода длабока до колена, користејќи гумени чамци за да ги евакуираат жителите од поплавените населби.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Романија, веднаш подигнати два авиона Ф-16

 Радарскиот систем за надзор на Министерството за национална одбрана на Романија регистрираше повремени сигнали во воздушниот простор на Република Молдавија, во областа Кахул, утрово околу 6 часот, поради што беа испратени борбени авиони.

Драма во Романија, веднаш подигнати два авиона Ф-16

Како што беше наведено, еден од тие сигнали подоцна се појавил во областа Таргу Бујор, во округот Галац.

Според соопштението на Министерството за национална одбрана, два авиони Ф-16 на романското воено воздухопловство и еден хеликоптер биле подигнати за да ја следат ситуацијата, пренесува Аџерпрес.

Како што беше наведено, Националниот центар за воена команда го извести Генералниот инспекторат за вонредни ситуации за воспоставувањето мерки за предупредување на населението во зафатеното подрачје.

Ова не е првпат Романија да крева борбени авиони поради војната во Украина, бидејќи беспилотните летала, поради попречување на сигналот, често завршуваат во земјите што граничат со Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер