Расте бројот на жртви во страшниот пожар во висококатниците во Валенсија (ВИДЕО)

Бројот на жртвите во пожарот во Валенсија се искачи на пет, јавуваат шпанските медиуми.

Меѓу оние кои го набљудувале пожарот била и Лорета Калабрезе, која живее на единаесеттиот кат во станбена зграда оддалечена неколку метри. Таа вели дека готвела кога видела црн чад како се дига низ улицата, пренесува Би-би-си.

„Мојот сопруг и јас слеговме да видиме - и за неколку минути целата зграда беше во пламен. Беше толку брзо“, рече таа.

Рекла и дека се плаши нешто да не ѝ се случи на зградата.

„Не можев да спијам минатата ноќ - мислев дека тоа може да биде нашата зграда. И живеам толку високо што ќе останеме заробени“, вели таа.

Жена која била во една од станбените згради кога избувнал пожарот и успеала да побегне, за Би-Би-Си раскажала како успеала да излезе со својот син.

Гала Котова е Украинка, а од војната таму побегнала пред две години.

„Бев на тераса и зборував на телефон кога го забележав чадот. Стануваше се погуст и погуст.“

Таа рече дека го повикала келнерот, кој сè уште не знаел за пожарот, бидејќи нејзиниот шпански не бил доволно добар за да ја повика пожарникарската служба. Додала дека се облекла во што и да најде, го зела синот и нивните пасоши и истрчала на улица.

„Сè брзо гореше, а ветерот помогна огнот брзо да се прошири по зградата“, рече таа.

Да потсетиме, огромен пожар избувна синоќа во 14-катница во Валенсија. Покрај 5-те загинати, 15 лица се водат како исчезнати. Пожарот зафатил две згради во кои живеат околу 450 луѓе. Блокот кој е опустошен од пожар во шпанскиот град Валенсија се наоѓа на северозапад од градот. Комплексот се состои од два соседни блока во населбата Кампанар, опишани од еден локален жител како „убав“ и „тивок“.

Уапсени 17 припадници на затворска полиција во Идризово

Обвинителството за гонење на организиран криминал и корупција информираше утринава дека се уапсени 17 припадници на затворската полиција во КПУ Идризово. 

Акцијата ја спроведе МВР во координација со ОЈОГОКК , а доаѓа по претресите извршени во Идризово пред неколку дена.

Уапсените затворски полициајци веќе се спроведени во Кривичениот суд, а Обвинителството најави повеќе детали во текот на дејнот.

Милијардерот Бил Гејтс со нова девојка на црвениот тепих

Еден од најбогатите луѓе на светот, 68 годишниот милијардер Бил Гејтс се појави на доделувањето на наградите „Breakthrough“ во Лос Анџелес во друштво на својата девојка, 60-годишната Пола Херд . 

Пола е вдовица на поранешниот извршен директор на „Oracle“, Марк Херд.

Гејтс се разведе од сопругата Мелинда во мај 2021 година по 27 години брак, а разводот беше финализиран во август истата година. Бил и Пола само една година по разводотна милијардерот беа видени заедно а врската ја потврдија во 2023 година.

ЦУК: 23 пожари на отворено, два се уште се активни

Изминатото деноноќие евидентирани се 23 пожари на отворен простор, од кои два се уште се активни, соопшти Центарот за управување со кризи (ЦУК).

-Регионалниот ЦУК Тетово, известува дека пожарот кој започна пред неколку дена кај село Ѓермо, Општина Тетово е се уште активен. Пожарот сега се наоѓа над село Селце на оддалечен и тешко пристапен терен, а гори букова шума, ливади и меѓни стебла и ниска вегетација, информираат од ЦУК.

Според последните информации добиени од одговорни лица од НП Шар Планина и ТППЕ Тетово пожарот е се уште активен и има тенденција да се шири. Вчера поради настапување на ноќта екипите во 19:10 часот се повлечени од терен, а со интервенција е продолжeно денеска во раните утрински часови.

-Регионалниот ЦУК Битола, известува дека пожарот кој беше активен над село Велушина на ден 13.04.2024 година во текот на ноќта беше изгаснат, но на ден 14.04.2024 година дошло до негово повторно активирање и во моментот со пожарот е зафатен папрат, смрека и шума над село Остерец на Баба Планина. Во текот на денот во негово гаснење интервенирале четири лица од ЈП Национални шуми-подружница Кајмакчалан од Битола и четворица пожарникари со две противпожарни возила кои поради настапување на ноќ се повлечени од терен. Според последните информации пожарот е на непристапен терен и горат суви лисја и гранки. Нема опасност по населени места и НП Пелистер. За настанот се известени релевантните субјекти од Системот за управување со кризи (СУК), се наведува во соопштението.

Во ЦУК имало вкупно 1 973 повици на Единствениот повикувачки број за итни случаи 112 во последното деноноќие, од коишто „реални“ повици биле 55,45 отсто, а 44,55 проценти биле за други потреби на граѓаните што не биле итни. Кон полиција биле упатени 55,78 отсто, кон итната медицинска помош 30,35 отсто, а кон пожарникарите 10,40 отсто од реалните повици кон 112 во ЦУК.

ЦУК апелира и потсетува, да не се пали вегетација на отворено и да редовно да се чистат локалните одводни канали.

притисни ентер