Расте бројот на заразени меѓу присутните на тенискиот турнир Адрија тур во Задар - Канал 5

Расте бројот на заразени меѓу присутните на тенискиот турнир Адрија тур во Задар

Трофеите останаа не подигнати, а задарчани не се израдуваа да го проследат финалниот меч каде што требаше да истрча првиот светски рекет Новак Ѓоковиќ. 

Расте бројот на заразени меѓу присутните на тенискиот турнир Адрија тур во Задар

Последниот меч во Задар од егзибициониот Адриа Тур се откажа откако бугарскиот тенисер Григор Димитров доби позитивен тест на ковид-19.

Ваквата одлука предизвика незадовлоство проследено со свирежи од трибините, а неа ја соопшти Горан Иванишевиќ

-Мораме да го откажеме ова финале за сигурност на сите тенисери и на сите останати.

Сепак гренд слем освојувачот и миленикот на домашната публика кој е тренер на Новак Ѓоковиќ, успеа да ја смири ситуацијата.

„Ова ни беше единствената исправна одлука. Јас ви се заблагодарувам на овие прекрасни три дена во Задар, стварно ги угостивте сите врвни светски звезди. Нема да ризикуваме ничиво здравје, доста е што е Григор Димитров позитивен, не сакаме повеќе луѓе да се заразат.“

Сепак вирусот трансмитирал и понатака. По информацијата за позитивниот тест на бугарот, беа тестирани и останатите учесници и нивните табори. Хрватскиот тенисер Борна Ќориќ доби потврда дека е носител на вирусот, како и уште двајца тренери од стручните штабови на играчите од кои еден е на Марко Паники, кондициониот тренер на Новак Ѓоковиќ.

Сите учесници беа тестирани во Задар, освен рекетот број еден кој одлучи тоа да го стори тоа денес во Белград.

Иако турнирот започна одлично и заинтересираноста беше голема сепак накрајот се соочи со фијаско, а светската спортска јавност не се воздржа од коментари за истото.

-Колку глупава одлука да се одржи оваа егзибиција. Во посакувам побрзо да оздравите другари, но еве што се случува кога ќе ги занемарите сите протоколи. Ова не е шала.. Очекувано се огласи австралискиот тенисер Ник Кирјос.

Адриа тур е во организација на Новак Ѓоковиќ, кој покрај Хрватска и Србија требаше да ги забавува и граѓаните на Босна и Црна Гора. Турнирот се соочи со строги критики за почитувањето на здравствените мерки. Дозволена беше целосна посетеност на трибините, а во времето помеѓу мечевите се одржуваа концерти. Сепак од организацијата соопштија дека биле во чекор со сите препораки.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Хаос поради нозете на Џеј Ло

Светската музичка ѕвезда Џенифер Лопез покажа дека дури и на 57-годишна возраст може да се пофали со завидна фигура, а нејзиното последно телевизиско појавување повторно привлече внимание поради нејзиниот изглед.

Фото: Хаос поради нозете на Џеј Ло

Извајаните нозе на „жешката“ латиноамериканка Џеј Ло предизвикаа хаос, напорните тренинзи вродија со плод.

Латино дивата Џенифер Лопез гостуваше во емисијата „The Tonight Show Starring Jimmy Fallon“, каде што се појави во краток фустан што ги истакна нејзините затегнати и мускулести нозе.

За оваа пригода, таа одбра впечатлив мини-фустан во маслинеста боја, чиј крој дополнително ја нагласи фигурата по која таа е препознатлива со години.

Токму мини-должината ги стави нејзините извајани нозе во центарот на вниманието, особено додека таа седеше на каучот во студиото.

Стајлингот го заокружи со чевли со шпиц во кафеава нијанса, златни алки, часовник, прстени и обетки.

Косата ја зачешла наназад и ја врза во високо опавче, додека очите ги истакна со шминка, а усните ги остави во неутрални тонови.

Сепак, фотографиите од студиото брзо привлекоа внимание, а нејзиниот избор на облека уште еднаш покажа дека пејачката радо избира парчиња што ја истакнуваат нејзината фигура и дека не се плаши од кратки и провокативни кроеви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Ретко кој го забележа шеширот покрај бујното деколтет!

Од шеширот едвај се гледа, но градите сепак „штрчат“, дали знае некој која е оваа убавица?

Фото: Ретко кој го забележа шеширот покрај бујното деколтет!

Раперката Карди Б не пропушти прилика повторно да ги покаже своите прекрасни бујни облини – но и својот префинет вкус за мода и модни трендови.

Синоќа во Лос Анџелес се одржа 17-тото доделување на наградите „Гувернерс“ (Governors Awards), настан на кој присуствуваа бројни ѕвезди.

Американската раперка Карди Би не ја пропушти можноста да заблеска на овој настан, воодушевувајќи ги сите присутни со своето модно издание.

За хуманитарниот настан, таа му ја довери довербата на модниот дизајнер Тамара Ралф и облече нејзин фустан од висока мода. Како што може да се види, белиот фустан, кој е кроен со нагласен струк, ја истакна нејзината витка фигура, но истовремено ги нагласи и нејзините бујни гради.

Интересен беше и делот на стомакот – златниот елемент во стил на корсет, кој на целата креација ѝ даде нота на модерен гламур.

Сепак, главниот акцент во стајлингот беше преголемата шапка, која совршено се вклопи во оваа комбинација и го претвори целокупниот изглед на раперот во уметничко доживување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА инвестира милијарди во европската кошарка !

Најсилното светско кошаркарско првенство, НБА планира да инвестира милијарди долари во создавањето на нова европска кошаркарска лига, во која сака да ги вклучи најголемите фудбалски клубови од Стариот континент.

НБА инвестира милијарди во европската кошарка !

НБА не се откажува од идејата за започнување ново кошаркарско натпреварување на Стариот континент, а амбициите на американската организација стануваат сè поголеми.

Според информациите на британскиот „Скај њуз“ (Sky News), планот е да се формира огромен инвестициски фонд кој би располагал со милијарди долари. Средствата првенствено би биле наменети за изградба на модерни спортски сали, развој на инфраструктурата и привлекување на големи европски клубови.

Целта на НБА е да создаде натпреварување кое ќе ги обедини најпознатите спортски брендови во Европа и ќе стане сериозен конкурент на Евролигата.

Посебно внимание привлекува списокот на клубови што американската организација сака да ги вклучи во проектот. Меѓу нив се Реал Мадрид, Барселона, Милан и Пари Сен Жермен. Идејата е овие фудбалски гиганти да добијат свои кошаркарски франшизи и да ја искористат својата постоечка популарност за развој на нов спортски производ.

НБА особено смета на британскиот пазар, па Лондон и Манчестер веќе се споменуваат како потенцијални градови домаќини за нови тимови. Ова би му дало дополнителна комерцијална вредност на европскиот проект и би ја отворило вратата кон пазар каде што кошарката сè уште ја нема популарноста што ја ужива фудбалот.

Сепак, реализацијата на еден ваков голем потфат нема да биде едноставна. Дел од потенцијалните инвеститори се загрижени поради огромните трошоци за започнување на натпреварувањето, но и поради неизвесноста во однос на неговата долгорочна профитабилност.

Инаку, НБА претходно се обиде да најде заеднички јазик со Евролигата, но договор меѓу двете страни не беше постигнат. По неуспешните преговори, американската организација продолжи да ја развива идејата за посебно европско натпреварување, со поддршка од ФИБА.

Доколку планот се реализира, европската клупска кошарка би можела да влезе во сосема нова ера, со огромни финансиски вложувања и доаѓање на некои од најголемите спортски имиња.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер