Организацијата на Обединетите нации во Скопје ќе го поддржи Министерството за односи меѓу заедниците во спроведувањето на неговата Стратегија, со фокус на зајакнувањето на социјалната кохезија, инклузијата и креирањето јавни политики засновани на конкретни податоци и докази.

Ова беше во фокусот на состанокот за соработка и размена на идеи, кој се одржа во канцелариите на ОН во Скопје, на кој учествуваа претставничките Лаура Фиорото и Ардита Зекири, како и Шпенд Мурати, шеф на Кабинетот на министерот за односи меѓу заедниците, Агoн Ферати, заедно со претставниците на Министерството, Суеда Бајрами и Џелал Чајани.

За време на состанокот беа разгледани можностите за поддршка на Министерството во спроведувањето на неговата Стратегија, преку користење на истражувањата, податоците и анализите како основа за креирање и спроведување на поефективни политики. Во таа насока, акцентот беше ставен на зајакнувањето на социјалната кохезија и создавањето посилни, по инклузивни и поотпорни заедници.

Една од главните теми на разговорот беше SCORE Social Cohesion Survey, кој обезбедува значајни податоци и сознанија за факторите кои влијаат врз социјалната кохезија, односите меѓу заедниците и предизвиците со кои се соочува општеството.

На состанокот беше истакнато дека податоците и резултатите од истражувањата треба да служат како основа за конкретни активности и јавни политики. Таквиот пристап овозможува спроведувањето на Стратегијата на Министерството да биде повеќе насочено кон реалните потреби на граѓаните, да се темели на докази и да обезбедува мерливи резултати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Лилија Чолакова Дервишова претседател на здружението објаснува дека и матичните лекари во фондот кажале дека се соочуваат со големи притисоци за давање на боледување.

„Има често бараат боледување за патување да се видат постарите со децата од странство. Не им даваме и одма не отпишуваат од кај тој матичен доктор. И фондот треба да провеи зошто некои пациенти често менуваат матични доктори. Ние даваме поддршка и секако има луѓе кои се болни им треба боледување и испитување на здравјето. Но треба и работодавачите да им ги исполнуваат правата на работнците со денови од одмор, со цел да не прават злоупотреби“, изјави д-р Лилија Чолакова Дервишова- Здружение на приватни матични лекари.

Таа објаснува дека ги разбира пациентите кои бараат боледување до седум дена за да закажат прегледи и да отидат на преглед пред се за здравственити осигуреници од вантрешноста. Каде многу често мора да заминат до болниците во Скпоје бидејќи во останатите градови или има доктори има апарати, или има апарати нема доктори. Потребно е и повеќе термини во МОЈ ТЕРМИН за прегледи.

„Мора да има регионални центри. Не може за некои испитувања само во Скопје да се оди. Луѓето навистина не може да отидат на преглед. И мора доктори специјалсти да има во регонални центри“, потенцира д-р Лилија Чолакова Дервишова -Здружение на приватни матични лекари.

Во 2025 година вкупниот број на издадени права за боледување изнесува 33.184, што претставува зголемување во однос на минатата година. Вчера директорот на Фондот посочи дека ќе се зголемат контролите кај оние што се на долги боледување и барањата се најчесто од работадавачите. Само за август исплатени се 623 милиони денари, од кои 414 милиони се за трудничко боледување, посочи првиот човек на фонодот Златко Перински.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Новата стратегија за проширување на Европската унија која за две недели треба да биде претставена во Брисел, не нуди олеснување на евроинтегративниот процес, туку негово забрзување за да се реализира во текот на следните 2 години, изјави министерот за европски прашања Беким Сали. Во меѓувреме, државава чека и одобрување од Европската комисија за дополнителен пакет реформски чекори додека пак за реформскиот Изборен законик повторно се водат преговори за негово усвојување - посочи ресорниот министер.

-Во новиот пакет во кој што ние сме „топ-ап„ држава и се очекува да имаме дополнителни чекори во реформската агенда, тука веќе имаме предложено околу 25 точки во кои што државата е спремна да ги реализира тие реформи. Се очекува од Европската комисија, да ги потврдат дали се согласуваат за тие чекори или пак имаат некакви други или дополнителни барања. // Нема олеснувања во процесот од аспект на реализација на сите очекувања кои се дел од реформската агенда или пак процесот на интегрирање,- изјави министерот за европски прашања Беким Сали.

Побрзото проширување на Унијата но и постепената интеграција на земјите кандидатки на патот кон полноправно членство беа едни од главните теми на денешниот собир во Скопје на главните преговарачи од сите девет земји аспирантки.

-Прво, моментумот за проширување мора да се претвори во веродостојни реформи и реализација и обратно. Второ, постепената интеграција ќе им донесе придобивки од ЕУ на граѓаните и бизнисите попатно,- -Бен Нупнау, заменик евроамбасадор.

-Кредибилниот процес на проширување мора да остане цврсто заснован на заслуги, демократски вредности, владеење на правото и ефикасно спроведување на реформите,- -Петра Дрекслер, Амбасадор на Германија во Македонија .

По презентирањето на новата стратегија за проширување, во посета на земјава се очекува и претседателката на Европската комисија – Урсула фон дер Лајен.

Вчера, евроамбасадорот во земјава – Михалис Рокас, посочи дека токму оваа посета може да биде како што рече, одлучувачки чекор во однос на отворањето на пристапните преговори за државава, притоа не откри повеќе детали за потенцијалните решенија кои што се дискутираат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.