Раскошните тоалети на церемонијата на БАФТА наградите останаа во сенка на Кејт Мидлтон - Канал 5

Шоу биз

Раскошните тоалети на церемонијата на БАФТА наградите останаа во сенка на Кејт Мидлтон

Кејт го удри Вилијам по задникот 

Раскошните тоалети на церемонијата на БАФТА наградите останаа во сенка на Кејт Мидлтон

Во неделата вечерта, бројни актерски ѕвезди се собраа во Кралската сала на 76-тото доделување на БАФТА наградите - настан познат и како Британски оскари. За разлика од претходните слични настани, на овој имаше многу помалку застапници на сè попопуларниот тренд – изроди на црвениот тепих, кои очајно сакаат да привлечат внимание со необичните костими.

Со својата елеганција, стил и гламур особено пленеа дамите од средната и постарата генерација актери, кои покажаа достоинство и харизма, и по којзнае кој пат потврдија зошто го носат епитетот холивудски легенди.

Познатата глумица Џулијан Мур на лондонскиот црвен тепих го донесе стариот холивудски гламур со едноставен црн фустан кој ја следеше нејзината совршена фигура, додека на голите рамена имаше пердувеста бела наметка. Таа неофицијално ја понесе титулата најдобро облечена актерка на овогодинешното доделување на наградите БАФТА.

Истите модни правила ги следела и Кејт Бланшет, која носеше оригинален кадифен, црн фустан и ѓердан од вечно елегантните бели бисери. Закопчана до грло, русокосата ѕвезда пленеше со харизма и шарм, па беше невозможно да не ја забележите на црвениот тепих.

Што се однесува до стилот и елеганцијата, модна лекција одржа и познатата актерка Џејми Ли Кертис, која носеше црно плишано сако и елегантно бело долго здолниште, како и Мишел Јео која носеше елегантен костум со боја на пудра.

Според британските новинари и модни критичари, една од најдобро стилизираните актерки била Лили Џејмс, која носеше необична, долга бела тоалета со детаљ во облик на машна на грбот од дизајнерката Тамара Ралф. Предниот дел од нејзиниот фустан имаше длабоко деколте во форма на решетка украсена со бисери. Овој ефектен фустан актерката го искомбинирала со едноставна ниска пунџа и дискретни обетки.

Флоренс Пју се појави во екстравагантна портокалова тоалета на модната куќа „Нина Ричи“. Со оглед на тоа што проѕирниот фустан го откриваше секој дел од нејзиното тело, постоеше расправа дали таа воопшто носи долна облека во боја на кожа или е целосно гола.

И Џоди Тарнер Смит го украде вниманието на црвениот тепих, таа носеше виолетов фустан украсен со светки. Комбинацијата ја надополнила со совршена шминка, очите ѝ беа нагласени додека на лицето имаше мали кристали.

Во сосема необично модно издание се појави и Хејли Атвел, која носеше шик фустан во црно-бела комбинација. Горниот фанки дел беше направен од реси и откриваше добар дел од нејзината кожа, а долниот дел беше во вид на црно елегантно здолниште кое се влечеше зад неа.

Кога станува збор за мажите, сите се согласија дека Еди Редмејн, кој се појави со неговата сопруга Хана Багшо, е најдобро стилизираниот маж на црвениот тепих. Носеше елегантен црн комбинезон и сите ги воодушеви со својот стил. Како што истакнуваат британските модни критичари, тој наскоро ќе го засени и Бред Пит.

За да не биде здодевно на црвениот тепих се погрижија Андреа Кристеа, која носеше откачен златен фустан, во кој повеќе личеше на дрво отколку на жена, Волис Деј со необичниот сребрен фустан и проѕирните потпетици, како и Ели Гулдинг, која носеше проѕирен сив фустан со предолги ракави што се влечеа по подот.

Инаку, едни од најголемите ѕвезди на овогодинешните БАФТА награди секако беа војводата и војвотката од Велс, принцот Вилијам и неговата сопруга Кејт Мидлтон. Имено, покрај тоа што Кејт блескаше во бел долг фустан надополнет со црни ракавици, на сите им го привлече вниманието со своето ноншалантно однесување, откако во еден момент го плесна по задникот својот сопруг, идниот крал на Британија.

@voguemagazine #KateMiddleton’s butt tap (grab?) of #PrinceWilliam is everything you need to see to know that royals are just like us and every married couple out there. As seen on the #BAFTAs ♬ original sound - Vogue

Многубројните обожаватели на кралското семејство не можеа да останат рамнодушни на ова невообичаено однесување на принцезата, па под снимата се редеа стотици коментари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во сообраќајка во Скопје во Радишани загина возач на мотоцикл

Во сообраќајна несреќа на улица Радишанска загина возач на мотоцикл.

Во сообраќајка во Скопје во Радишани загина возач на мотоцикл

-Денеска (07.08.2026) во 12:12 часот во СВР Скопје е пријавено дека на ул. „Радишанска“ во Скопје се случила сообраќајна несреќа помеѓу патничко возило „алфа ромео“ со италијански регистарски ознаки, управувано од С.Б. (46) и мотоцикл без регистарски ознаки, управуван од Н.М. (19) од скопско, при што возачот на мотоциклот починал на местото на настанот. Во тек е увид, информираат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: 40.000 навивачи на Трабзонспор го пречекаа Салах

40.000 навивачи го пречекаа Салах во неговиот нов клуб .

Видео: 40.000 навивачи на Трабзонспор го пречекаа Салах

Египетскиот фудбалер Мохамед Салах (34) официјално е претставен како нов играч на турскиот клуб Трабзонспор.

Досегашниот член на Ливерпул, беше пречекан на стадионот „Папара Парк“ од повеќе од 40.000 навивачи , кои му приредија спектакуларен пречек.

Салах потпиша двегодишен договор со турскиот клуб, кој му гарантира плата од 17 милиони евра по сезона. Покрај фиксната плата, договорот вклучува и бонуси врз основа на учинокот, како и 20 проценти од приходите од продажбата на клупски производи со неговото име.

Салах излезе на теренот носејќи бордо-син дрес со бројот 10. Тој ја поздрави публиката, која возврати со гласно навивање. На екраните низ стадионот беа прикажани пораки за добредојде на турски и на англиски јазик.

Египетскиот напаѓач им се обрати на присутните, истакнувајќи дека му се приклучил на клубот со цел да освојува трофеи. Неговото доаѓање се смета за еден од најзначајните трансфери во историјата на турската Суперлига и ги нагласува високите амбиции на Трабзонспор да се натпреварува во самиот врв на турскиот фудбал.

За Трабзонспор Трабзонспор се смета за четвртиот најголем турски клуб, покрај истанбулските гиганти Фенербахче, Галатасарај и Бешикташ.

YouTube video

Тагови: Мохамед Салах

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛДП: Потпишувањето на договорите за третата фаза од железничкиот Коридор 8 е важен чекор во поврзувањето со Европа

Либерално-демократската партија (ЛДП) го поздравува потпишувањето на договорите со Европската Унија, Европската инвестициска банка и Европската банка за обнова и развој за финансирање на третата фаза од железничкиот Коридор 8.

ЛДП: Потпишувањето на договорите за третата фаза од железничкиот Коридор 8 е важен чекор во поврзувањето со Европа

Ова е важен чекор за подобра регионална поврзаност, економски развој и поблиска интеграција на Македонија во европската транспортна мрежа.

Истовремено, потсетуваме дека државата веќе изгуби околу 60 милиони евра европски грант за овој проект поради неисполнување на роковите и слабата реализација на проектот. Таквите пропусти не смеат никогаш повеќе да се повторат.

ЛДП со години укажува дека инфраструктурните проекти што ја поврзуваат Македонија со Европа се национален интерес кој треба да има поддршка без разлика која политичка гарнитура е на власт

Затоа, за ЛДП ваквите проекти не смеат да бидат предмет на дневнополитички пресметки.

Очекуваме по потпишувањето на договорите да следува навремена, ефикасна и транспарентна реализација на проектот, затоа што на Македонија ѝ се потребни резултати, а не само свечени потпишувања.

ЛДП ќе продолжи да поддржува секој проект што ја доближува Македонија до Европската Унија, ја подобрува регионалната поврзаност и создава услови за економски развој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер