Раководството на ЕП одлучува по иницијативите за изгласување недоверба на Еврокомисијата - Канал 5

Свет

Раководството на ЕП одлучува по иницијативите за изгласување недоверба на Еврокомисијата

Конференцијата на претседатели на Европскиот парламент се очекува денеска да донесе одлука двете иницијативи за изгласување недоверба на Европската комисија на Урсула фон дер Лајен да се најадат на пленарната парламентарна сесија .

Раководството на ЕП одлучува по иницијативите за изгласување недоверба на Еврокомисијата

Конференцијата на претседатели на Европскиот парламент се очекува денеска да донесе одлука двете иницијативи за изгласување недоверба на Европската комисија на Урсула фон дер Лајен да се најадат на пленарната парламентарна сесија предвидена за следната недела во Стразбур.

Конференцијата на претседатели, која ја сочинуваат претседателката на Европскиот парламент, Роберта Мецола и првите луѓе на пратеничките групи, ќе заседава попладнево со задача за подготовка на следното пленарно заседание и утврдување на неговиот дневниот ред.

Според најавите од ЕП, по двете иницијативи за изгласување недоверба на ЕК поднесени од пратеничките групи Патриоти за Европа (ПФЕ) и Левица, најверојатно ќе се расправа на заедничка дебата в понеделник вечер, додека одвоените изјаснувања на европратениците по нив би се одржале во термините за гласање в среда или четврток на пладне.

Согласно процедурата, понеделничката дебата би почнала со обраќање на по еден претставник на предлагачите на двете иницијативи, кои би ги образложиле своите предлози, по што на европратениците би требало да им се обрати и самата Фон дер Лајен, доколку реши да интервенира и да одговори на изнесените наводи. По ова претставници на пратеничките групи ќе ги изнесат нивните ставови по иницијативата, а на крајот право на збор ќе имаат и други заинтересирани европратеници.

Иницијативите на ПФЕ и Левицата беа поднесени кон средината на минатиот месец, по годишното обраќање на Фон дер Лајен пред Европскиот парламент, познато како за „Состојбата на Европската Унија“.

За поднесување на ваква иницијатива потребна е поддршка од најмалку 72 европратеници, кои би требало да се потпишат на предлогот.

Најавувајќи ја иницијативата на нејзината пратеничка група, потпретседателката на десничарската ПФЕ, унгарската европратеничка Кинга Гал од партијата Фидес, изјави дека Еврокомисијата и нејзината претседателка доживеале неуспех по прашањата за мирот, трговијата, конкурентноста, и миграцијата.

Претседателот на ПФЕ и лидер на францускиот Национален собир (РН), Жордан Баредла, пак, оцени дека Комисијата покажала оти е немоќна да се справи со предизвиците со кои се соочува на ЕУ на меѓународната сцена.

Главните забелешки на Патриотите на работата на Еврокомисијата се однесуваат на двата трговски договори – со земјите од Меркосур и со САД. Според Бардела, трговскиот договор со латиноамериканските земји членки на организацијата Меркосур претставува „предавство“ за земјоделците и животната средина во ЕУ, а договорот со САД - капитулација на „разоружената и дискредитирана“ Европска Унија.

Во предлогот на Левицата, на кој според извори во групата, покрај нејзини и независни, потписи ставиле и пратеници на Прогресивната алијанса на социјалистите и демократите (СД) и на Зелените, исто така, се критикува трговската политика на ЕУ и договорите со САД и Меркосур, но и „неуспехот на Комисијата“ да реагира на „прекршувањата на меѓународното и хуманитарното право во Газа“.

Во предлогот на оваа екстремно левичарска група се наведува дека Комисијата без добиен мандат прифатила Договор меѓу ЕУ и САД кој е „штетен за европските интереси“ и го покажува нејзиниот „демократски дефицит“, а дека со Договорот со Меркосур се ризикува „европските земјоделци и работници да бидат изложени на нелојална конкуренција и да бидат поткопани климатските цели на ЕУ“.

Според Левицата, ЕК го игнорира и израелското кршење на меѓународното право во Газа и не презема ништо против Израел, за разлика од мерките преземени против Русија.

За да бидат усвоени иницијативите треба да добијат поддршка од најмалку две третини од пратениците што ќе учествуваат во гласањето, при што бројот на оние што гласале „за“ треба да е поголем од половина од вкупниот број европратеници. Во сегашниот состав на Европарламентот има 720 пратеници.

Иако, Бардела најави дека пратениците на ПФЕ би можеле да ја поддржат иницијативата на Левицата, сепак шансите некој од двата предлози да го обезбеди потребното мнозинство за усвојување се сметаат само за теоретски и речиси невозможни.

Овие иницијативи за недоверба, следуваат по неуспешниот обид за соборување на Еврокомисијата предложен од романскиот десничарски европратеник Георге Пипереа, чиј предлог во јули во Европскиот парламент доби поддршка од 175 пратеници.

Тагови: ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Поради кавга за мобилен- татко и син паѓаат во бездна, загина и мајката (Вознемирувачко видео)

Потресно видео кое го прикажува моментот кога татко и син паѓаат од карпа во индиската држава Махараштра кружи на социјалните мрежи.

Поради кавга за мобилен- татко и син паѓаат во бездна, загина и мајката (Вознемирувачко видео)

18-годишното момче и неговите татко и мајка починаа во петок, 21 август, откако скокнаа од карпа еден по друг. На трагедијата ѝ претходела расправија за мобилен телефон што момчето го купило на рати, но не можело да го исплати, објави НДТВ.

Според медиумските извештаи, Кунал Чандгуде излегол од дома по расправија со својот татко и се искачил на рид во областа Тисгаон околу 10 часот наутро. Неговите родители го следеле, а за време на речиси тричасовниот разговор, им се придружиле бројни селани, и го слушнале Кунал како се заканува дека ќе скокне од карпата.

Селаните се обиделе да го разубедат.

„Тој живее за мајка си“, се обидел да го убеди еден човек.

„Не, морам да умрам. Тоа е единствениот начин“, одговорил Кунал.

Поранешниот старешина на селото, Санџај Јадав, исто така, се обидел да разговара со младиот човек.

„Го молевме да ја погледне мајка му, да не скока, му рековме дека е образован и дека има иднина пред себе. Пробавме сè“, рече Јадав.

Други дури понудија да му купат iPhone 15 Pro, но Кунал сепак инсистираше дека смртта му е единствениот излез.

Според полицијата, младиот човек го купил iPhone-от на рати и барал пари од семејството за да го отплати. По расправија со татко му за последната рата, тој излегол од дома во бес и се искачил на карпата. Околу 13 часот, неговиот татко, Мурлидар, му се приближил на својот син кој стоел на работ на карпата и се обидел физички да го извлече од работ. За жал, двајцата ја изгубиле рамнотежата и паднале во бездната, што исто така било снимено со камера.

Мајката на Кунал, Сангита, која ги видела сопругот и синот како паѓаат, отишла до работ на карпата неколку моменти подоцна и скокнала. Сите тројца починале на местото на настанот.

Полицијата сè уште не објавила дополнителни детали за семејниот спор, ниту ги потврдила претходните извештаи дека Кунал можеби се борел со депресија.

Тагови: Мајката мобилен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Девојче се капело во езеро во САД, кога ја нападнала „амеба што јаде мозок“- почина

Осумгодишно девојче од Луизијана почина од ретка амеба што го напаѓа мозокот, за која се верува дека ја добила додека пливала во езеро во близина на нејзиниот дом.

Девојче се капело во езеро во САД, кога ја нападнала „амеба што јаде мозок“- почина

Веста ја потврдија нејзиното семејство и здравствените власти, пишува CNN.

Лилијан Смарт, од Растон, северна Луизијана, починала во болница за време на викендот, не долго по прославата на својот осми роденден. Нејзините родители претходно објавија дека девојчето имало тежок оток на мозокот предизвикан од паразитот. „Синоќа Лилијан помина од нашите раце во рацете на Исус“, напиша вчера семејството на Фејсбук. „Оштетувањето на мозокот беше премногу сериозно и нејзиното мало тело не можеше да се опорави.“

Смртоносна инфекција

Одделот за здравство на Луизијана минатата недела објави дека едно лице можеби ја добило амебата Naegleria fowleri додека пливало во езерото Клејборн, на околу 50 милји од Растон. Иако властите официјално не го објавија идентитетот, семејството и пријателите потврдија за локалните медиуми дека станува збор за Лилијан.

Овој микроскопски организам живее во топли свежи води, а инфекцијата се јавува кога контаминираната вода влегува во носот и стигнува до мозокот. Министерството објаснува дека болеста не може да се добие со голтање вода, ниту пак се пренесува меѓу луѓето. „Инфекцијата е исклучително ретка, но речиси секогаш фатална“, објавија здравствените власти.

Исклучително ретки случаи

Инфекциите со амебата Naegleria fowleri се ретки. Според Министерството за здравство на Луизијана, од 1937 до 2025 година, потврдени се само 180 случаи, од кои три биле во Луизијана.

Повеќето случаи се пријавени во јужните и централните американски држави поради потоплите клими. Сепак, неодамнешните истражувања покажуваат дека климатските промени ги загреваат водите и во северните и среднозападните држави, проширувајќи ја областа каде што амебата може да се колонизира.

Според Центрите за контрола и превенција на болести (CDC), раните симптоми вклучуваат главоболка, треска, гадење и повраќање. Инфекцијата е тешко да се дијагностицира и брзо напредува. Подоцнежните фази на болеста може да вклучуваат вкочанетост на вратот, конфузија, халуцинации и губење на рамнотежа.

Збогување на семејството

Лилијан е на интензивна нега од минатата недела. Нејзината мајка напиша на Фејсбук дека девојчето било примено во болница поради висока температура, а подоцна почнало да гледа двојно.

Пред нејзината смрт, неколку локални бизниси во Растон организирале собирање средства за семејството на нејзиниот роденден, објави KNOE. Жителите велат дека Лилијан била позната во заедницата по својата веселост. „Таа секогаш беше среќно дете“, изјавил еден сопственик на локален бизнис за KNOE. „Секогаш кога ќе ја видевте, таа имаше насмевка на лицето.“

„Сите правеа сè што можеа за да ја задржат со нас“, напишаа родителите на Лилијан на Фејсбук. „Срцата ни се скршени и искрено не знаеме што да правиме следно.“

CNN претходно објави слични случаи. Во 2023 година, жител на Џорџија починал од истата амеба, додека во 2022 година, првата смрт на дете поврзано со истиот патоген е регистрирана во Небраска. Во двата случаи, здравствените власти потврдија дека пациентите се заразиле откако пливале во свежа вода.

Тагови: девојче езеро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Драма во Грција: Албанец ѝ дал 1.000 евра на сопругата „за трошок“, па отишол да ја убие љубовницата

Албанец (48), осомничен дека убил жена (45), која наводно му била љубовница, вчера наутро во Грција, а потоа извршил самоубиство, ѝ оставил на сопругата 1.000 евра „за трошок“ пред да се впушти во крвавото дивеење.

Драма во Грција: Албанец ѝ дал 1.000 евра на сопругата „за трошок“, па отишол да ја убие љубовницата

Според информациите од грчките и албанските медиуми, Албанецот ѝ ги оставил парите на сопругата пред да излезе од дома, велејќи ѝ да „продолжи да штеди“. Потоа отишол во Неа Смирни, каде што ја убил 45-годишната жена, а веднаш потоа извршил самоубиство.

Сопругата на сторителот, која била повикана да даде исказ, наводно изјавила дека забележала значителна промена во неговото однесување во текот на околу 18 месеци.

Според неа, 48-годишникот често бил отсутен од дома, а имало и ноќи кога спиел на друго место, без таа да знае каде е или дали е во врска со друга жена.

Според истите информации, неговата сопруга ѝ рекла на полицијата дека се плашела од него.

„Раскинав со него затоа што беше љубоморен“

Во исто време, се очекува изјавите на луѓе од околината на 45-годишната да фрлат дополнителна светлина врз нејзиниот однос со 48-годишникот, а особено што му претходело на злосторството.

Според информациите, жртвата ѝ се доверила на својата сестра дека е во врска со маж, но дека одлучила да раскине поради неговата љубомора. Таа наводно ѝ рекла дека ќе продолжи да инсистира и дека се плаши од него.

Ноќта на убиството, 45-годишната била сама во куќата. Нејзината ќерка не била во Атина, туку отишла во Агринио со нејзиниот чичко.

Камерите го снимиле злосторството

Во исто време, природата на врската помеѓу 48-годишникот и 45-годишната жена е под лупа на полицијата, додека неговите електронски уреди се анализираат за да се утврди комуникацијата или други докази што би можеле да ја комплетираат сликата за тоа што му претходело на злосторството.

Одлучен елемент е и снимката од безбедносните камери во областа, кои го снимиле злосторството. Според досегашните информации, 48-годишниот маж изгледал како да ја чекал 45-годишната жена пред нејзината куќа. Кога таа ја отворила вратата и излегла, тој ја застрелал, а потоа го насочил револверот кон себе и извршил самоубиство.

Оружјето што го користел 48-годишникот наводно било во негова нелегална сопственост.

Се истражува и неговото минато во Албанија.

Властите го истражуваат и минатото на сторителот во Албанија. Според информациите од protothema.gr, 48-годишникот бил предмет на интерес на албанските власти во 2016 година, кога бил уапсен во Тирана под обвинение за силување на неговата сопруга.

Албанските медиуми, исто така, објавија дека тој бил гонет за следење.

Тагови: Албанец љубовница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер