Ракописот на „Малиот принц“ прв пат ќе биде изложен во Франција - Канал 5

Култура

Ракописот на „Малиот принц“ прв пат ќе биде изложен во Франција

Ракописот на „Малиот принц“ од Антоан де Сент Егзипери, кој досега не бил изложен во Франција, посетителите ќе можат да го видат на изложба во Париз од февруари до јуни 2022 година, соопшти Музејот на декоративни уметности.

Ракописот на „Малиот принц“ прв пат ќе биде изложен во Франција

Познатиот француски писател, поет, аристократ, новинар и авијатичар ја напишал оваа приказна во Њујорк и Лонг Ајленд, каде што бил во егзил помеѓу јуни и ноември 1942 година. Оттогаш, ракописот не ги „напуштил“ САД.

Пред да се приклучи на слободните француски воздухопловни сили во Северна Африка во пролетта 1943 година, авторот ѝ го доверил ракописот на својата пријателка Силвија Хамилтон, која во 1968 година го продал на библиотеката и музејот Морган.

Оваа приватна установа ракописот ќе го позајми на Музејот на декоративни уметности, кој од 17 февруари до 26 јуни во палатата Лувр е домаќин на изложбата „Средба со Малиот принц“.

На изложбата ќе бидат изложени и „повеќе од 600 дела“ кои му припаѓаат на авторот, меѓу кои и бројни, „главно необјавени и неизложени акварели, скици и цртежи, како и бројни фотографии, песни, исечоци од весници и делови од кореспонденцијата на Сент-Егзипери“. стои во соопштението од Музејот.

По објавувањето на книгата во 1943 година на француски и англиски јазик во Њујорк, Сен-Егзипери мистериозно исчезнал откако во јули 1944 година полетал од Корзика во воена извидничка мисија до францускиот брег, кој тогаш бил под германска окупација, и никогаш не дознал ништо за чудесната судбина на ова дело, кое беше објавено во неговата родна Франција дури во 1946 година.

Преведен е на триста светски јазици. Во „Малиот принц“, авторот на едноставен начин пишува за толеранцијата, разбирањето и односите во светот, изразувајќи силна верба во можноста за човечка трансформација. Тоа е кратка книга напишана како бајка за реалниот свет, за гревовите и заблудите, за верноста, љубовта, почитта и разбирањето.

Ракописот првично имал повеќе од 30.000 зборови, кои тешко се дешифрирале. Го уредувал самиот автор, кој секогаш се стремел кон наједноставниот стил.

Во 2014 година, ракописот бил изложен во библиотеката и музејот Морган.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Фараж се врати во британскиот парламент — победи на изборите што самиот ги предизвика

Најџел Фараж, лидерот на британската десничарска партија за независност на Обединетото Кралство, повторно освои пратеничко место на изборите што самиот ги предизвика минатиот месец, поднесувајќи оставка поради контроверзиите околу неговите финансии.

Фараж се врати во британскиот парламент — победи на изборите што самиот ги предизвика

Традиционалните партии ги бојкотира дополнителните избори, откако Фараж се обиде гласањето да го претстави како референдум за неговата борба против „естаблишментот“. Поради тоа, негов главен противкандидат беше комедијантот Џонатан Харви преправен во сатиричниот лик „Гроф Бинфејс“, кој успеа да освои повеќе од четвртина од гласовите.

Костимираниот кандидат познат како „Гроф Бинфејс“, кој редовно учествува на избори и овојпат го освои второто место.

Фараж е предмет на парламентарна истрага поради тоа што не пријавил донација од пет милиони фунти, односно 6,7 милиони долари, од инвеститор во криптовалути со седиште во Тајланд, пред изборите во 2024 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Загина 19-годишна девојка откако пијан струмичанец со возило удрил во мотоцикл

Деветнаесетгодишна девојка загина, а возач на мотоциклот е повреден во сообраќајна несреќа што се случила синоќа на магистралниот пат Струмица – Граничен премин „Ново Село“, во атарот на селото Турново.

Загина 19-годишна девојка откако пијан струмичанец со возило удрил во мотоцикл

Несреќата била пријавена околу 23:30 часот, а во неа учествувале патничко возило „сеат леон“ со струмички регистарски ознаки, управувано од 29 годишниот С.Б. од струмица, и мотоцикл без регистарски ознаки, управуван од 19-годишниот А.Д. од селото Иловица.

Од здобиените повреди на самото место починала 19-годишната К.Ј., која била сопатничка на мотоциклот, а возачот на мотоциклот бил пренесен во медицинскиот центар во Струмица.

При извршеното алкотестирање, кај 29-годишниот возач на автомобилот било утврдено присуство на 1,75 промили алкохол во крвта, по што тој веднаш бил лишен од слобода.

Полициската истрага, исто така, утврдила дека 19-годишниот возач го управувал мотоциклот без тој да биде регистриран, како и пред да се стекне со право за управување со моторно возило.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американскиот носач на авиони „Џорџ Вашингтон“ ќе го замени „Абрахам Линколн“, чии морнари се обиделе да скокнат во морето

Американскиот носач на авиони „Џорџ Вашингтон“, кој е стациониран во Пацификот, се упатил кон Блискиот Исток по извештаите за проблеми на носачот „Абрахам Линколн“.

Американскиот носач на авиони „Џорџ Вашингтон“ ќе го замени „Абрахам Линколн“, чии морнари се обиделе да скокнат во морето

Ова се случува во период кога се појавија извештаи за проблеми со менталното здравје и со снабдувањето на носачот „Линколн“, кој веќе подолг период е на Блискиот Исток како дел од американските воени операции поврзани со војната со иран. Носачот има поминато повеќе од 240 дена непрекинато на море, што е рекорд.

Претходно оваа недела се појавија наводи дека некои морнари имале самоубиствени мисли и се обиделе да скокнат од бродот. Според весникот, причината е продолжувањето на мисијата, која требаше да заврши во мај, но била продолжена без утврден датум за нејзино завршување.

„Џорџ Вашингтон“ минатата недела го напуштил пристаништето во Дананг, Виетнам, соопшти американската морнарица. Носачот, заедно со крстосувач и со разурнувач, потоа бил забележан како минува низ Сингапурскиот теснец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер