Ракометерите против Грција го потврдуваат пласманот на СП во Катар во 2015 - Канал 5

Ракомет

Ракометерите против Грција го потврдуваат пласманот на СП во Катар во 2015

Македонската ракометна репрезентација вечерва во Спортскиот центар „Борис Трајковски“ го игра реванш натпреварот од баражите за пласман на Светското првенство во Катар 2015 година.

Ракометерите против Грција го потврдуваат пласманот на СП во Катар во 2015
По првиот натпревар, Македонија има предност од два гола во дуелот со Грција (во Атина беше 27:25), а дополнителна предност против ривалот ќе биде и домашниот терен и домашната публика, која покрај тоа што очекува сигурна победа, се надевам и на добра игра.

- По победата во Атина со „една нога“ сме во Катар. Уверен сум дека успешно ќе ја завршиме оваа сезона на македонскиот ракомет, како на клупски, така и на репрезентативен план. Секако ќе се потрудиме да ги израдуваме присутните во салата „Борис Трајковски“ и низ цела Македонија. Позитивна работа од првиот натпревар е и тоа што победивме, а во реваншот се надевам и на поквалитетна игра, изјави селекторот на Македонија, Ивица Обрван.

Во составот нема да има промени и истите 16 играчи ќе се појават на теренот. Во Атина дебитираше Ренато Вугринец.

- Резултатот во Атина на првиот натпревар не дозволи во игра да влезе Филип Талевски. Се надевам дека сега во Скопје и тој ќе има можност да се појави во игра, истакна Обрван.

Почетокот на натпреварот е во 20 часот, а салата во СЦ „Борис Трајковски“ ќе биде исполнета до последното место.

Од европската зона досега четири репрезентации обезбедија пласман на СП во Катар: Австрија, Русија, Чешка и Полска.

Денеска се играат натпреварите: Словенија – Унгарија (22:25 прв натпревар), Шведска – Романија (25:24), Исланд – БиХ (32:33) и Белорусија – Црна Гора (27:28).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: До 30 септември училишен прибор по пониски цени од 10 до 15%

До 30 септември училишен прибор по пониски цени од 10 до 15%,Владата трета година по ред со училишна кошничка на почеток на учебната година

ВМРО-ДПМНЕ: До 30 септември училишен прибор по пониски цени од 10 до 15%

Со почетокот на новата учебна година, Владата предводена од ВМРО-ДПМНЕ донесе одлука за намалување на цените на училишниот прибор. Мерката ќе трае заклучно со 30 септември годинава.

Трговците на големо се задолжуваат да ги намалат цените за најмалку 10%, додека трговците на мало за најмалку 15%. Оваа мерка опфаќа широк спектар производи неопходни за учениците како ранци и ташни, тетратки, блокови, колажи, моливи и пенкала, боици, пластелин, теста за моделирање, фломастери, линијари и дидактички материјали.

Ова е трета година по ред како Владата предводена од ВМРО-ДПМНЕ, воведува училишна кошничка пред почетокот на учебната година, со цел да им го олесни месец септември на родителите, да ги заштеди семејните буџети и да го заштити животниот стандард на граѓаните. Заштедата е од особено значење за семејствата со повеќе од едно дете.

Со оваа мерка, целта е родителите да им го обезбедат потребниот училишен прибор по пониски и попристапни цени, а септември да биде момент на радост и подготовка за новата учебна година.

Со вакви конкретни мерки, Владата предводена од ВМРО-ДПМНЕ продолжува со политики кои носат директна корист за граѓаните и придонесуваат кон заштита на животниот стандард.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Леао во Галатасарај?

Клубовите постигнаа договор за висината на трансферот .

Леао во Галатасарај?

Италијанскиот фудбалски великан Милан и турскиот гигант Галатасарај постигнаа усмен договор за условите за трансфер на португалскиот крилен напаѓач Рафаел Леао во турскиот клуб.

Се очекува договорот да изнесува 45 милиони евра, плус дополнителни бонуси со кои би се зголемила вкупната вредност.

Преговорите продолжуваат денес. Конечната одлука зависи и од самиот играч. Интерес за него покажува и Астон Вила.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Руски државјанин прегази пешаци во Франција,еден загинат, десет повредени

Едно лице загина, а десет други се повредени синоќа во францускиот град Кан, откако возач намерно со автомобил удри во пешаци пред железничката станица. 

Видео: Руски државјанин прегази пешаци во Франција,еден загинат, десет повредени

Локалните власти го потврдија инцидентот во северна Франција, пренесува Ројтерс.

„Последиците се тешки. Имаме еден загинат; седум лица се во критична состојба, а тројца се сериозно повредени, но не им е загрозен животот“, изјави за новинарите Давид Клавиер, префект на департманот Калвадос.

Префектот потврди дека возачот бил уапсен кратко по нападот. Според достапните информации, мажот е роден во Русија и претходно не им бил познат на разузнавачките служби. Мотивите на напаѓачот засега остануваат непознати.

Во тек е полициска истрага која опфаќа детална анализа на снимките од безбедносните камери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер