Манасиевски: СДС ја побара надзорната расправа за Алта банка, па откога излезе вистината на виделина, не го закажуваат продолжетокот
1Манасиевски: СДС ја побара надзорната расправа за Алта банка, па откога излезе вистината на виделина, не го закажуваат продолжетокот
РакометРакометарите на Вардар во четвртфиналето против ирански ГашаранЕвропскиот и македонски ракометен првак Вардар денеска го игра првиот натпревар во рамките на „Супер глоуб“ во Доха, неофицијалното светско клупско првенство.„Црвено-црните“ за противник го имаат тимот од Иран, Гашаран. Оваа екипа е непозната за европскиот ракомет, а на турнирот настапува како преставник на Азија. - Ќе мора многу да се потрудиме за да победиме, особено што сега сите ќе сакаат триумф над Вардар, кој е европски првак. Добро работевме последните денови сите се здрави и во полн состав го очекуваме ова натпреварување, изјави пред заминувањето за Доха тренерот на Вардар Раул Гонзалез. Почетокот на дуелот е во 14 часот, а пред овој натпревар ќе играат Барселона и Есперансе од Тунис. Победниците од овие два натпревара утре ќе играат во полуфиналето. Другите две четвртфинали двојки се Берлин (актуелен шампион) - Пинеирос (Бразил) и Ал Сад (Катар) - Сиднеј (Австралија). Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
ЖивотНаследници ја оспоруваат продажбата на ремек дело на Ван Гог поради нацистички притисок Продажбата на слика од холандскиот сликар Винсент ван Гог, чија вредност се проценува на 180 милиони долари, е доведена во прашање откако наследниците на нејзиниот поранешен еврејски сопственик поднесоа приговор.Продажбата на слика од холандскиот сликар Винсент ван Гог, чија вредност се проценува на 180 милиони долари, е доведена во прашање откако наследниците на нејзиниот поранешен еврејски сопственик поднесоа приговор, тврдејќи дека семејството било принудено да го продаде уметничкото дело под притисок на нацистичкиот режим. Ремек делото „Цветови од костен“, насликана од Ван Гог во 1890 година, ќе биде понудена на аукција во „Сотбис“ во Њујорк во среда навечер, објавува британски „Телеграф“. Доколку се продаде по проценетата цена, би можела да стане најскапото уметничко дело понудено на аукција во текот на есенската сезона оваа година. Наследниците, кои живеат во Соединетите Американски Држави, тврдат дека нивното семејство било принудено да ја продаде сликата во Амстердам во 1936 година поради нацистичкиот прогон на Евреите во Германија. Нивниот адвокат со седиште во Берлин, Гунар Шнабел, побара аукцијата да се одложи освен ако „Сотбис“ не може да докаже дека сликата е продадена по пазарна вредност и дека семејството би се согласило на продажбата доколку немало нацистички режим. Шнабел рече дека неговите клиенти биле подготвени да работат на фер спогодба во согласност со Вашингтонските принципи од 1998 година, меѓународни упатства за решавање на прашањето за уметнички дела конфискувани или продадени под принуда за време на нацистичкиот период. Сликата била купена во 1909 година од Самуел Фишер, основач на германската издавачка куќа S. Fischer Verlag и прадедо на еден од наследниците што ја оспорувале продажбата. По неговата смрт во 1934 година, издавачката куќа ја презел неговиот зет Готфрид Берман Фишер. Како што растел нацистичкиот режим, многу од авторите што ги претставувала издавачката куќа се соочиле со цензура и забрани за објавување, а Берман Фишер бил принуден да се пресели во Виена. Семејството ја доверило сликата, заедно со две дела од Пол Сезан, на трговецот со уметнички дела Валтер Фајхенфелд во галеријата Пол Касирер во Амстердам на почетокот на 1930-тите. Според адвокатот, сликата била продадена три месеци откако семејството го напуштило Берлин, бидејќи нацистичките власти го ограничиле имотот што Евреите можеле да го изнесат од земјата. Семејството, исто така, наводно било принудено да плати посебен данок при напуштање на Рајхот, воведен за да се спречи изнесување пари од Германија за време на емиграцијата. Сотби изјави дека е свесен за жалбите на наследниците и дека е во разговори со нив за историјата на сликата. Од аукциската куќа изјави дека нивното досегашно истражување не потврдило дека уметничкото дело е продадено под принуда, но дека е посветено на наоѓање решение прифатливо за двете страни. Сè уште не е потврдено дали аукцијата ќе се одржи според планот.Тагови: Винсент ван Гог ремек дело Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаМанасиевски: СДС ја побара надзорната расправа за Алта банка, па откога излезе вистината на виделина, не го закажуваат продолжетокотСДС ја побара надзорната расправа за Алта банка, па откога излезе на виделина вистината, не го закажуваат продолжетокот.СДС и Филипче беа гласни за Алта банка, се до моментот кога се дозна во јавноста дека тие биле првите кои му продале акции на Мацура и на самата Алта банка. Со денови молчат и не кажуваат зошто во 2023 година не излегоа на прес-конференција да ги известат граѓаните дека ќе ги продадат државните акции, на тие како што велат, криминалецот Мацура и неговиот сомнително стекнат капитал во Алта банка. Од страв дека може да се дознаат повеќе информации, продолжение на надзорната расправа во Собранието се уште не се закажува. Сега на граѓаните им е јасно зошто СДС и Филипче толку зборат за некаков српски свет во Македонија. Основоположници и негуватели на српскиот свет во Македонија се токму Филипче и СДС. Валентин Манасиевски, портпарол на ВМРО-ДПМНЕТагови: Валентин Манасиевски Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ЕвропаУкраинци урнаа дел од Кримскиот мост по руското бомбардирање на мостовите во Киев (ВИДЕО)Украинските сили погодија и уништија дел од Кримскиот мост, само неколку часа откако Русија започна масивен напад врз Киев, насочен кон два клучни моста над реката Дњепар во украинскиот главен град.Руската акција беше проследена со жесток украински одговор со напади со беспилотни летала врз Кримскиот мост и голема рафинерија во Башкортостан, длабоко на руска територија, објавува Би-Би-Си. Според најновите информации, засновани на фотографии од Крим, централниот сообраќаен дел од мостот се чини дека се срушил по нападот. At least one direct missile impact seen earlier on the archway of the Kerch Strait Bridge, as Ukraine tonight launched its second night of major drone and missile attacks against the key link connecting the Crimean Peninsula to Mainland Russia. For the first time since the start of Russia’s full-scale invasion of Ukraine, the Ukrainian Armed Forces appear intent on destroying the bridge, possibly with the goal of further isolating Crimea and gaining additional leverage over Russia in the upcoming round of peace talks led by the United States. — OSINTdefender (@sentdefender) November 17, 2026 Украинските сили го нападнаа Кримскиот мост, кој го поврзува Крим со руското копно, втора ноќ по ред, предизвикувајќи прекин на сообраќајот. Украинските канали за следење на фронтовската линија објавија снимки од експлозии над мостот, но обемот на штетата сè уште не е официјално потврден. Објавени се неколку видеа на кои наводно се гледа урнатиот главен лак на Кримскиот мост, со тврдења дека бил уништен од украински беспилотни летала или крстосувачки ракети. Ukrainian forces deployed a version of the FP-5 Flamingo cruise missile with a datalink and man-in-the-loop control, using it to hit the Crimean Bridge. https://t.co/UDDHZBsA20 — OSINTtechnical (@Osinttechnical) November 17, 2026 Тагови: Киев Кримскиот мост Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter