Ракомет

Ракометарите на Вардар против Барселона во полуфиналето на ЛШ

Македонскиот ракометен првак Вардар денеска со почеток во 18 часот во Келн, Германија ќе го има својот историски настап на завршниот „фајнал фор“ турнир од Лигата на шампионите.

Вардар е првиот македонски турнир што успеал да се пласира на Ф4 турнирот. „Црвено-црните“ во својата 11 сезона во елитното натпреварување имаат 12 победи на 16 натпревари и очекуваат продолжување на добрите игри и резултати.

Алекс Душебаев кој дел од најдобрата постава на сезоната за Вардар ќе ги одигра последните два натпревара па посакува со победа да се прости од своите соиграчи.

- Работевме напорно. Дојдовме до завршницата, и тука треба да го покажеме најдоброто од Вардар. Барселона е искусен тим, и знаат како е да се игра на Ф4 во Келн, и го имаат освоено и трофејот. Ние сме максимално мотивирани за успех, и ќе треба да дадеме 120% од своите можности за да ја совладаме Барселона. Мислам дека одбраната ќе решава, тие имаат еден од најдобрите светски голмани, Гонзало, а нападот мора да биде на високо ниво ако сакаме да постигнуваме лесни голови. Гладни сме за титула и ќе дадеме се од себе, вели Душебаев.

Македонија покрај својот првак Вардар, во Келн ќе ги има и капитенот на националниот тим Кирил Лазаров и голманот Борко Ристовски кои попладнево ќе бидат во спротивниот табор, тимот на Барселона.

Во првото полуфинале од 15:15 часот ќе играат Веспрем и ПСЖ. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Дисонантни тонови во ЕУ околу обидот на Кошта да отвори дипломатски канали кон Москва

Неусогласени тонови во Европската Унија околу Москва.

Обидот на претседателот на Европскиот совет Антонио Кошта, да отвори дипломатски канали, во контекст на можни мировни преговори, предизвикал серија различни реакциии меѓу лидерите на ЕУ на самиот во Брисел.

Според извори од германската влада потегот на Кошта вил оценет како навреда, и како некоординиран непрофеслионален. Дел од лидерите инаку, предупредиле дека се уште не е време за разговори со Москва, други ја поздравиле иницијативата. Роб Јетен премиерот на Холандија изјави дека не ја виделе вистинската подготвеност на Путин да се вклучи во сериозни преговори. Шпанскиот премиер Санчез пак изјави дека Мардид бил подготвен да даде поддршка на сите иницијативи кои би довеле до мир и крај на војната во Украина. Канцлеарот на Австрија Кристијан Штокер ја нагласил важноста на дијалогот. Сепак, функционер на ЕУ потврдил дека во последните недели имало контакти на дипломатско ниво за воспоставување комуникација со Москва, но дека вистински преговори не се случиле.

Тагови: Антонио Кошта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Две девојчиња се удавија во летувалиште во Албанија

Голема трагедија се случи на плажата Тале, во близина на Лежа во Албанија, каде што две малолетни девојчиња го загубија животот откако се удавија во морето.

Според прелиминарните информации, жртвите, на возраст од 11 и 13 години, биле во ненадгледуван дел од плажата, без присуство на обезбедување или спасувачи.

Се сомнева дека девојчињата влегле во водата и не можеле да излезат.

Нивните тела биле извлечени од морето и испратени во мртовечницата на Регионалната болница во Лежа за понатамошна обработка.

Во меѓувреме, полицијата пристигнала на местото на настанот за целосно да ги разјасни причините и околностите на овој трагичен настан, објавува Indexonline.

Тагови: Албанија девојчиња

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Мадона откри како ги избирала момчињата- нејзиниот критериум е тотален хит

Мадона наводно ги оценувала своите момчиња според еден, малку необичен критериум - распоредот во бањата.

Кралицата на поп-музиката признала дека во текот на 80-тите, кога била дел од њујоршката клупска сцена, ги прашувала потенцијалните момчиња дали имаат када и туш што може да ги користи.

„Излегував со момци во зависност од тоа дали имаат када и туш што може да ги користам“, се смееше 67-годишната Мадона како гостин во емисијата Rent Free. „Јас велев: „Добро, каде живееш?“, а тие велеа: „На Горен Вест Сајд“. И јас прашував: „Дали имаш када?“ Тоа беше голем плус за мене.“

Но, тоа не беше единствената „погодност“ што поп-ѕвездата ја бараше кај мажите со кои се гледаше. „Одев кај тоа момче или потенцијално момче и само се бањав или се туширав“, објасни Мадона со смеа. „И јадев храна од неговата мајка!“

Таа има 29-годишно момче

Добитничката на седум Греми награди има импресивен список на партнери зад себе, вклучувајќи ги Тупак Шакур, Ворен Бити и поранешниот сопруг Гај Ричи, со кого ги има синовите Роко (25) и Дејвид Банда (20). Пејачката е исто така мајка на ќерката Лурд (29), која ја има со Карлос Леон, и Мерси (20) и близнаците Стела и Естера (13). Денес, се чини дека ги оставила тие навики зад себе и е во стабилна врска со Акем Морис.

Иако врската со својот 29-годишен партнер ја држи претежно приватна, повремено споделува детали од нивниот секојдневен живот. „Со години сакав да ја гледам коњската трка Палио во Сиена, која се одржува на мојот роденден од 1482 година!“, напиша таа покрај видео со Морис за време на прославата на роденденот во 2025 година во Италија. „Не можам да опишам колку е возбудливо и посебно ова искуство!“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.