Радев пред новоизбраните пратеници: Да го заштитиме нашиот идентитет и правата на Бугарите

Тоа што вчера им го предочи на францускиот и германскиот колега, Макрон и Штајнмаер во Стразбур, Румен Радев го резимираше и на првата седница на новоизбраното Народно Собрание. 

Македонија директно не ја спомена, иако од говорот лесно се читаше кому се адресирани пораките. Радев ги повика 240-те нови пратеници да опстојат на националните интереси.

-Неопходен е консензус за сите важни надворешно-политички теми, особено кога влогот е нашиот бугарски идентитет, нашата историја и култура и правата на нашите сонародници од другата страна на границата. , изјави Румен Радев, претседател на Бугарија

Радев за во понеделник закажа консултации со политичките партии, кога се очекува и да му го додели и мандатот на лидерот на „Продолжуваме со промените“, Кирил Петков, кој ќе има седум дена да формира влада. Денеска соопшти дека за две недели веројатно ќе се сколпи конечниот лик на новиот кабинет, заедно со бугарските социјалисти, „Има таков народ“ и „Демократска Бугарија“. Петков кој неодамна најави нов пристап кон Македонија, во денешното обраќање рече дека дека ќе ја направи Бугарија земја од доверба.

-Време е Бугарија да биде лидер во регионот и пример за добрососедство. Време е Бугарија да има углед на држава партнер, во која може да се има доверба., изјави Кирил Петков, копретседател на „Продолжуваме со промените“

Ако се суди според најавите на Петков, има само теоретски шанси Бугарија да има нова Влада до 14 декември, кога ќе се одржи Советот на ЕУ на кој ќе се носи одлука за македонските приговори. Сепак, сите пораки кои деновиве стигнаа од Софија не навестуваат кревање на бугарското вето. На денешната седница младиот адвокат, 34-годишниот Никола Минчев од партијата на Петков беше избран за нов претседател на Бугарското Собрание.

Северна Кореја истрела неидентификуван проектил во Јапонското Море

Северна Кореја истрела неидентификуван проектил во Јапонското Море, соопшти Заедничкиот комитет на началници на Генералштабот на Јужна Кореја.

Пентагон соопшти дека САД сакаат да разговараат за спорните прашања со Северна Кореја.

Ова е четврто истрелување ракета од страна на Пјонгјанг оваа година. Претходните се извршени на 5, 11 и 14 јануари. Во првите два случаја, Северна Кореја соопшти дека успешно тестирала хиперсонични ракети. На 14 јануари, две балистички ракети со краток дострел беа истрелани од железнички ракетен комплекс.

Средба на претседателот Пендаровски со Ана Лирман, германска државна министерка за Европа

Претседателот Стево Пендаровски денеска ја прими Ана Лирман, државна министерка за Европа во Министерството за надворешни работи на Сојузна Република Германија.

Честитајќи ѝ за преземањето на функцијата, претседателот Пендаровски оцени дека посетата на министерката Лирман набрзо по нејзиното именување, ја демонстрира јасната посветеност на германските власти за аспирациите на државите од Западен Балкан за членство во Европската Унија. Претседателот Пендаровски се заблагодари што проширувањето на Европската Унија и Западниот Балкан се меѓу клучните приоритети на новата Влада на канцеларот Олаф Шолц.

Претседателот Пендаровски истакна дека Република Македонија останува посветена на европската агенда и го реафимираше очекувањето за скорешен почеток на пристапните преговори за членство во Европската Унија. Во таа насока, претседателот Пендаровски посочи на подготвеноста на нашата држава за продолжување на дијалогот со Република Бугарија, во духот на добрососедските односи, со цел надминување на блокадата во однос на европските интеграции.

Во контекст на билатералните односи, претседателот Пендаровски оцени дека Германија е клучен политички и економски партнер на земјава и еден од најзначајните трговски партнери во годините наназад. Претседателот Пендаровски изрази очекување за натамошно јакнење на пријателството и партнерството меѓу двете држави, вклучувајќи го сојузништвото во НАТО, како и очекување за натамошно зголемување на трговската размена.

Водата во Скопје безбедна и квалитетна за пиење

Водата во Скопје изминатата недела била безбедна и квалитетна за пиење, покажуваат примероците за физичко-хемиска и микробиолошка анализа земени од 47 мерни места во Град Скопје, информираат од ЈП „Водовод и канализација – Скопје".

Ова го покажува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, во кој земените 196 примероци за физичко-хемиска и 196 примероци за микробиолошка анализа на вода за пиење, од 47 мерни места во град Скопје, во периодот од 10 до14 јануари 2022 покажува дека сите примероци одговараат на Правилникот за барања за безбедност и квалитет на водата за пиење.

притисни ентер