Радев поднесе оставката во уставниот суд – ја почнува битката за победа на парламентарните избори? - Канал 5

Балкан

Радев поднесе оставката во уставниот суд – ја почнува битката за победа на парламентарните избори?

Румен Радев и официјално ја достави оставката од претседателската функција до бугарскиот Уставен суд. Конкретен рок до кога тамошниот суд треба да ја констатира неговата оставка нема – но очекувањата се дека тоа ќе се случи во наредните неколку дена.

Радев поднесе оставката во уставниот суд – ја почнува битката за победа на парламентарните избори?

Функцијата претседател на државата до крајот на мандатот - јануари догодина ќе ја извршува потпретседателката Илијана Јотова. Одлуката дека се повлекува од шеф на државата Радев ја соопшти уште вчера, а ваквиот чекор доаѓа на точно една година пред истекот на неговиот мандат и се случува за прв пат во историјата на Бугарија. Иако се повлекува од претседателската функција Радев сепак останува во политиката, а тоа го најави и во неговото последно обраќање до нацијата.

„Верата дека заедно можеме да успееме е една од главните причини за мојата одлука да поднесам оставка. Нè очекува битка за иднината на татковината, и верувам дека ќе ја водиме заедно со вас – достоинствените, инспиративните и истрајните.“ – Румен Радев, претседател на Бугарија во оставка

Според голем дел од бугарските аналитичари прашање на време е кога Радев и официјално ќе ја соопшти информацијата дека проактивно се вклучува во политиката, но засега неизвесно е дали ќе формира сосема нова партија, дали тоа ќе биде политичко движење или ќе се приклучи кон некоја од постоечките партија. Најизвесната опција е формирање нов политики субјект, а во бугарската јавност веќе се споменува и можното име на партијата на Радев – „Наша Бугарија“.

„Ќе влезе ли Румен Радев во политичкото соочување – Да, ќе влезе. најверојатно во наредните денови или седмици ќе добиеме одговор што ќе претставува неговата политичка партија, дел од кадрите и така натаму. Има уште прашања на кои очекуваме одговори, но најважното прашање веќе доби одговор“– Ивелина Славова, политиколог

„Радев може да собере најголем број гласачи независно дали се леви или десни, сите оние кои според мене би гласале за партија на Румен Радев се луѓе кои не гледаат лево или десно во политиката, туку тоа се луѓе разочарани од политичкиот процес во Бугарија пред се. Основната политичка линија на Радев во внатрешно политички план ќе биде Борисов и Пеевски надвор од игра засегогаш“– Слави Василев, политички аналитичар

Три од парламентарните партии во Бугарија Меч, Величие и апртијата на Ахмет Доган веќе најавија најавија поддршка за Радев и неговиот евентуален новоформиран политички субјект. Од пратеничката група на партијата на Борисв пак му порачаа на Радев дека ќе го остават да се соочи со реалноста.

„ГЕРБ нема да се бори со господинот Радев и со неговиот политички субјект. ГЕРБ ќе му остави на Радев да се бори со реалноста“-Деница Сачева, пратеничка од ГЕРБ

Радев е претседател на Бугарија девет години во продолжение на два мандати, а останува запаметен по острите пораки кон Македонија во однос на условите за членство во ЕУ. Негоавта оставка следува по оставката на целата бугарска влада пред еден месец, по што следуваат нови предверемени избори во Бугарија напролет, а во ноември треба да се одржат и редовни претседатеслки избори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 25. јуни 2026 година

Дневен хороскоп за четврток 25. јуни 2026 година. 

Дневен хороскоп за 25. јуни 2026 година

Рак 22.6-22.7.

Љубов

Навиката е работа што може да биде добра или лоша. Немојте да се навикнувате на осаменоста , зашто овој период набргу ќе помине.

Кариера

Денеска би можело да се случи оној ,,клик” , кога сите работи си доаѓаат на своето место.

Здравје и совет

Во одлична форма сте.

Лав 23.7-22.8.

Љубов

Ќе верувате дека сте на добар пат , но вашите реакции ќе бидат нагли и непромислени. Контролирајте се и се ќе биде добро.

Кариера

По прашање на стручноста ќе нема никакви колебања и вие ќе делуварте професионално според вашите знаења.

Здравје и совет

Понекогаш сте премногу сигурни во себе.

Девица 23.8.-23.9.

Љубов

Ако се обидете да најдете една стара тема во односот со саканата личност, таа малку ќе ве вознемири , но врската и натаму ви е добра.

Кариера

Цело време нешто ве принудува да одите некаде , но од својата кожа не се може. Истото важи и за работните задачи кои ви се дадени.

Здравје и совет

Продолжете.

Вага 24.9.-23.10

Љубов

Можна е заедничка вечера , на која по кој знае кој пат ќе почуствувате дека љубовта оди низ желудникот. Ќе ви биде убаво.

Кариера

Се што ќе работите денеска , ќе содржи јасна порака дека вашето влијание е неприкосновено. Со задоволство ќе соработуваат.

Здравје и совет

Со сите сили почнете да штедите.

Шкорпија 24.10-22.11.

Љубов

И натаму ќе работите на зацврстување на својата врска и во уживање во неа. Другата страна ќе ви враќа со љубов и тука е среќата.

Кариера

Меѓу работата и љубовта , ќе ги изберете и двете. Денеска е таков ден што ќе споите едно со друго. Можно е доаѓање на партнерот на вашето работно место.

Здравје и совет

Свртете се кон интроспекција.

Стрелец 23.11.-21.12.

Љубов

Денеска веројатно ќе ве окупира пријател или пријателка , која ќе ве поттикне на нова фаза на личните односи.

Кариера

Оние кои имаат таква работа , на која се во движење , денеска ќе уживаат во секој момент. Другите ќе имаат потреба за движење и за зајакнување на контактите.

Здравје и совет

Поинтересни сте од повеќето. Искористете го тоа.

Јарец 22.12.-20.1.

Љубов

Некои би можеле да склопат познанство со личност која е постара од нив. Ќе ви упати конструктивна критика.

Кариера

Чувствувате дека во вас расте плима од амбиции и дека можете се повеќе и подобро. Затоа знаете дека резултатите нема да изостанат.

Здравје и совет

Бидете трпеливи.

Водолија 21.1.-19.2.

Љубов

Непобитен факт е дека сте голем заводник/заводничка и денеска повторно ќес е покажете на дело. Ќе бидете задоволни.

Кариера

Она поради што неодамна се расправавте , денеска ќе биде ставено во втор план. Ќе продолжите да работите како да не било ништо.

Здравје и совет

Ќе бидете заплеткани во големо друштво.

Риби 20.2.- 20.3.

Љубов

Доколку не сте задоволни од состојбата , денот е добар за привремено повлекување во самотија.

Кариера

Можни се мали проблеми со младите лица на работното место. Тие ќе очекуваат нешто друго од реалноста , а некои ќе покажуваат размазеност.

Здравје и совет

Ќе дојдат вашите пет минути.

Овен 21.3-20.4.

Љубов

Се што ќе се случува денеска , ќе ви носи само немир , фрустрации и нови прашања. Обидете се да останете мирни и трпеливи.

Кариера

Веројатен е трошок , на кој не сте сметале ни вие ниту вашите соработници. Ќе се снаоѓате некако со моментално решение.

Здравје и совет

Бидете горди на своите дела.

Бик 21.4- 20.5.

Љубов

Скриено или отворено , вие ќе настојувате да дојдете до љубов. Во тоа ќе ви помогнат блиски луѓе , на кои секогаш може да сметате.

Кариера

Кога станува збор за деловни контакти и договори ,. ќе бидете многу успешни на сосема неочекуван начин.

Здравје и совет

Проширете си ги хоризонтите.

Близнаци 21.5.-21.6.

Љубов

Пријатни сте за околината , ве ценат и сакаат , зрачите со самодоверба. Сите тие се добитни комбинации за љубов.

Кариера

Пари и комуникации ќе бидат главно обележје на денот. Главно добро ќе се снаоѓате.

Здравје и совет

Чувајте се од провев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тимчо Муцунски вечерва во „Само Интервју“

Почитувани, вечерва во Само Интервју ќе гостува министерот за надворешни работи, Тимчо Муцунски.

Тимчо Муцунски вечерва во „Само Интервју“

Влегува ли Македонија во нова фаза на меѓусоседски политички премрежија?

Случаен или намерен е инцидентот со протекувањето информации за семејството на Премиерот од Софија? Кој и зошто сега одлучи да го крши меѓународното право?

Mоже ли да бидеме реални оптимисти или се подготвуваме за долг престој во чекалната?

На повидок ли е решение за редиците на граничните премини?

Кој ќе ја „преживее“ владината реконструкција, а кои ресори ќе се ротираат?

Кој посакува предвремени избори, а кој има ноќна мора?

Вечерва кај Гоце Михајлоски во Само Интервју, гостува министерот за надворешни, Тимчо Муцунски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Татко монструм бил во врска со својата 18 – годишна ќерка, таа си пресудила, тој доби минимална казна

Татко-монструм од Калифорнија е осуден на само една година затвор откако призна дека имал сексуален однос со својата 18-годишна ќерка, која си го одзеде животот неколку месеци подоцна!

Татко монструм бил во врска со својата 18 – годишна ќерка, таа си пресудила, тој доби минимална казна

Стивен Винсент Чавез, 41, се изјасни за виновен во мај за инцест и обезбедување алкохол на малолетник, а оваа недела беше осуден, соопшти канцеларијата на окружниот обвинител на округот Вентура, објави Дејли Меил.

Пресудата предизвика јавен бес откако се дозна дека Чавез ќе избегне да оди во државен затвор и ќе отслужи само една година во окружен затвор, по што ќе следат три години условна казна.

Чавез призна дека ѝ дал алкохол на својата ќерка, Макајла Сетлс, 18, по семејно собирање во јули 2025 година, пред да има сексуален однос со неа во нивниот дом.

Според обвинителите, инцидентот се случил само два дена откако Макајла се преселила во домот на нејзиниот татко. Тоа следело по „ден на пиење“ на семејно собирање, по што Чавез купил дополнителен алкохол за себе и за својата ќерка.

„Потоа Чавез имал сексуален однос со неа“, се вели во соопштението на обвинителите.

Макаила изврши самоубиство пет месеци подоцна, во декември 2025 година.

Благата казна предизвика критики, бидејќи обвинителите бараа тригодишна казна во државен затвор, максималната казна за инцест според законот на Калифорнија.

Обвинителите ја критикуваа пресудата, велејќи дека спогодбата за признавање на вина му била презентирана директно на судијата на Вишиот суд на округот Вентура, Дасти Каваи, заобиколувајќи ја препораката за казна предложена од обвинителството.

Каваи тврдеше дека не може законски да ја изрече максималната казна бидејќи Чавез немал претходно криминално досие, објави „Њујорк пост“.

Трагичните настани што доведоа до самоубиството на Макаила ги наведоа обвинителите да размислат за поднесување дополнителни обвиненија, вклучително и силување, но тие рекоа дека немаат доволно докази за да го поткрепат таквото обвинение и дека можат да го обвинат Чавез само за инцест.

Во кампањата GoFundMe што ја започнаа роднините на Макаила, семејството го изрази своето незадоволство од одлуката, велејќи дека Чавез требало да се соочи со многу посериозни обвиненија.

„И покрај јасните докази, вклучувајќи комплет за силување, изјава до полицијата и снимен разговор во безбедна куќа, окружниот обвинител на округот Вентура ни кажа дека ништо од ова не може да се искористи бидејќи Макајла повеќе не е тука да зборува за себе“, напишаа тие.

„Ова нè остави беспомошни и скршени од срце, но одбиваме да дозволиме нејзината приказна да заврши без борба.“

Нејзините најблиски рекоа дека сега бараат средства за да ангажираат адвокат за граѓански права, „кој може да го преземе случајот на Макајла и да ни помогне да постигнеме правда, не само за неа, туку и за другите кои може да се соочат со слични околности.“

Во соопштение за медиумите, канцеларијата на окружниот обвинител истакна дека на рочиштето за изрекување на пресудата на Чавез, неколку членови на семејството на Макајла дале потресни изјави за влијанието врз жртвата, „опишувајќи ја трајната траума предизвикана од постапките на обвинетиот и разорната загуба на Макајла.“

Заменик-окружниот обвинител Теса Мекарти, исто така, го осуди Чавез по изрекувањето на пресудата, велејќи дека ја искористил својата мала ќерка и ја издал нејзината доверба на ужасен начин.

„Чавез ја злоупотребил својата татковска позиција, ја изневери довербата на својата ќерка, ја снабдувал со алкохол и се впуштил во криминално однесување кое засекогаш го променило текот на нејзиниот живот“, рече таа.

„Иако ја почитуваме одлуката на судот, продолжуваме да веруваме дека затворската казна на државата била оправдана врз основа на фактите од овој случај“, додаде таа.

Реакциите за благата казна на Каваи доаѓаат само неколку недели откако судијата го привлече вниманието и за кршење на упатствата на обвинителството во случајот на маж од округот Вентура кој уби две лица во сообраќајна несреќа додека возел со брзина од над 160 км/ч.

Во тој случај, Каваи ја намали казната на осомничениот, Шарбел Тума, на две години и му изрече само три години и четири месеци затвор - помалку отколку што се надеваа обвинителите.

Тагови: ќерка монструм

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер