Балкан

Рачно изработен експлозивен механизам откриен пред домот на познат грчки новинар во Атина

Според неофицијалните информации, експлозивната направа имала пет прачки динамит и детонатор, а не претходел никаков предупредувачки повик, како што е најчесто случај во Грција.

Рачно изработен експлозивен механизам попладнево беше откриен пред зградата во која живее познат грчки новинар во северниот дел на Атина, а Секторот за деактивирање на експлозивни направи ја пронајде и ја отстрани бомбата, која не експлодирала, за да ја достави за дополнителна истрага, јави дописничката на МИА од Атина.

Според неофицијалните информации, експлозивната направа имала пет прачки динамит и детонатор, а не претходел никаков предупредувачки повик, како што е најчесто случај во Грција.

Бомбата била поставена во дворот пред зградата во која живее новинарот Јанис Претендерис, а ја открил полицаец кој бил на должност во близина.

Полицијата и возило на противпожарната служба целосно ја затворија улицата пред зградата, додека припадници на Секторот за деактивирање на експлозивни направи ја вадеа бомбата.

Инцидентот го осудија владиниот портпарол, како и партиите Нова демократија, ПАСОК и СИРИЗА.

Новинарот Јанис Претендерис е познат и искусен грчки новинар, а моментално е дел од телевизијата Мега.

Тагови: Атина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Четворица под истрага, пукале со три пиштоли и пушка на семејна прослава

Четири лица се осомничени за пукањето на семејната прослава во Добри Дол гостиварско, што се случи на 31 јули.

За време на прославата, осомничените со три пиштоли и една пушка пукале во воздух, со што, ги довеле во опасност животите на поголем број присутни. Постапката е поведена по поднесена кривична пријава од страна на МВР. Од ОЈО Гостивар наведуваат дека поради опасност од бегство на осомничените, меѓу кои еден кој има македонско и словенечко државјанство, доставиле предлог за определување притвор.

Од МВР претходно сопоштија дека привеле шест лица , а едно било повикано на службен разговор во врска со пукањето. За време на претресите на повеќе локации во Добри Дол, полицијата пронашла и одзела оружје и муниција

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се уште трае борбата со огнената стихија во кавадаречко

Се уште трае борбата со огнената стихија во кавадаречко.

Пожарот е активен и гори ниско стеблеста шума , а голем дел е изгаснат ова утринава за Канал 5 го изјави директорот на Дирекцијата за заштита и спасување Стојанче Ангелов кој информираше дека активен пожар има и во Прилепско.

Се вложуваат максимални напори за локализирање и отсекување на огнената линија, со цел да се заштити секој објект и да се спречи понатамошно ширење на пожарот. Се интервенира во два правци кон селото Дреново кон Ќесендре и кон селото Раец.

Во Кавадарци на терен се ангажирани сирте ресурси од општината , а помага и дел од месното население.

Поставено е и амбулантно возило со доктор, стационирано во селото Дреново, како превентивна мерка за здравствена заштита на жителите, информира градоначалникот Митко Јанчев.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес сончево и многу топло

Времето денес ќе биде сончево и многу топло со мала локална облачност.

Ќе дува слаб до умерен променлив ветер. Минималната температура ќе биде во интервал од 10 до 20, а максималната ќе достигне од 33 до 40 степени.

Во Скопје, сончево и многу топло со слаб променлив ветер. Минималната температура ќе се спушти до 17, а максималната ќе достигне до 38 степени.

Во наредните денови продолжува периодот на сончево и многу топло време со дневна температура која во некои места ќе надмине 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончевo УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.