Ова беше истакнато денес од Сојузот на стопански комори, Здружението на бизнис жени и Сојузот на синдикати на Македонија, по повод одбележувањето на првиот Меѓународен ден за родова еднаквост на платите – 18 септември.

Родовата еднаквост е основно човеково право и е камен-темелник на просперитетна и модерна економија што генерира одржлив инклузивен раст. Родовата еднаквост е од суштинско значење за да се обезбеди еднаков придонес за мажите и жените во домот, на работното место, во општествениот живот и економијата.

„Глобално жените заработуваат 23% помалку од мажите, а јазот на национално ниво е 19%. Ова е причината зошто создадовме национална коалиција со повеќе засегнати страни за да постигнеме еднаква родова плата за работа со еднаква вредност. Со формирање на коалицијата го одбележуваме Меѓународниот ден на родовата еднаквост во плати. И покрај децениските придобивки во образованието на жените и учеството во вработувањето, законодавството, политичкото дејствување и активизмот, жените ширум светот и понатаму земаат пониски плати од мажите за вршење на исти или слични работни задачи. Според анализата на УСАИД објавена во јули минатата година проценетиот сооднос на приходите на жените во однос на мажите во нашата земја е 0,49 проценти што претставува најголем јаз во регионот“, изјави Габриела Кулебанова, потпретседател на Сојузот на стопански комори.

Валентина Дисоска, претседател на Здружението на бизнис жени вели дека во државата постои широка правна рамка со која се регулираат прашањата за еднаквите можности, недискриминацијата и учеството на жените на пазарот на трудот.

„Постојат одредби во повеќе закони со кои се забранува дискриминацијата и се промовира еднаквоста на жените и мажите. Постои посебен Закон со кој се регулираат еднаквите можности на жените и мажите, како и Закон за заштита и спречување од дискриминација. Меѓутоа и покрај постоењето на солидна законска регулатива и стратешки документи, евидентна е повеќекратната дискриминација на жените и нивна неможност во претприемништвото и корпоративниот свет да напредуваат подеднакво и покрај квалитетот и соодветните квалификации. За изедначувањето на платите и за пробивање на стаклениот плафон, неопходна е поголема посветеност на сите релевантни субјекти, родово водени статистики, подигнување на свеста за проблемот и за обезбедување еднакви можности за поддршка и финансирање на жените во приватниот сектор“, вели Дисоска.

Меѓународниот ден за родова еднаквост годинава се одбележува за прв пат, во услови кога светот се бори со пандемијата, која уште повеќе ја зголемува нееднаквоста. Жените сочинуваат две третини од здравствената работна сила ширум светот, вклучително и 85 отсто од медицинските сестри и 90 отсто од здравствените работници кои се вклучени во долготрајната нега на болните. Жените се соочија и со товарот од дополнителната неплатена работа предизвикана од затворање на училишни и установи за згрижување деца. Жените исто така во поголем број останаа без своите работни места, бидејќи работат во секторите кои се најпогодени од кризата.

Катерина Поповска од Сојузот на синдикати на Македонија вели дека колективното договарање помеѓу синдикатите и организациите на работодавачи како членови на Економско социјалниот совет има потенцијал значително да ги намали родовите разлики во платите, преку четири инструменти што оваа коалиција на организации силно ќе ја поддржи и промовира.

„Првиот инструмент е таргетирани покачувања на плати со цел компензација на концентрацијата на жени во ниско платените индустрии. Потоа важно е да се воспостави специфичен план на класификација на родово неутрални професии за да се корегира потценувањето на професиите во кои доминираат жените. Трет инструмент е воведување на мерки за промовирање на транспарентност на платите, за постигнување напредок во заложбите против дискриминација на платите. И четврто, поставување на родово неутрални критериуми за оценување за напредок во кариерата“, изјави Поповска.

Одбележувањето на Меѓународниот ден за родова еднаквост во платите е поддржано од Обединетите нации, ОЕЦД и Меѓународната организација на трудот.

Мајами со 106-101 го победи Бостон за водство во големото финале на Источната конференција од 2-0.

Во Орландо повторно словенечкиот бек Горан Драгиќ одигра уште еден маестрален меч . Искусниоит плеј со 25 поени и 5 асистенции беше најзаслужен за вториот триумф на „Жешките“ над Селтикси.

Кошаркарите на Бостон подобро го отворија дуелот и на полувреме заминаа со убедлива предност од 13 поени (60-47).

Но стартот на второто полувреме мина во знакот на кошаркарите на Мајами кој ја добија третата делница со плус 20 кошеви и го најавија резулатскиот пресврт.

Покрај одличниот Драгиќ кај Мајами солиден меч одигра и Бем Адебајо со 21 поен.

Во редовите на поразениот Бостон Кемба Вокер заврши со 23,а Џејсон Тејтум и Џејлен Браун уфрлија по 21 кош.

Владата предводена од СДСМ, во наредните четири години ќе се посвети на високо ниво на реализација на капиталните инвестиции како услов за заздравување на домашната економијата.

Инвестициите во инфраструктурата ќе се реализираат преку изградба и рехабилитација на над 2.000 километри патишта и тоа 250 километри автопатна мрежа, изградба на 300 километри експресни патишта, над 1.000 километри рехабилитација на регионални патишта и рехабилитација на околу 450 километри локални патишта.

Ќе се инвестира и во комуналната инфраструктура преку изградба на нови 500 километри водоводни и канализациони линии, а истовремено утврдена е динамиката на изградба на преку 700 социјални станови.

Фокус на Владата и понатаму останува изградбата на пругата на Коридор 8, со започнување на втората и третата фаза од железничкото поврзување со Република Бугарија, како и пуштањето во сообраќај на новата пруга од Битола до Кременица.

Приоритети се изградба на автопатот Кичево-Охрид, целосна реконструкција на патниот правец од Струга до граничниот премин Ќафасан, започнување со постапка за проширување на автопатот Тетово-Гостивар. Истовремено се врши проектирање за изградба на нов автопат од Гостивар до Кичево како и со изградба на автопатот Скопје-Блаце.

Во овој мандат ќе започне изградба на нови два експресни патишта: Смоквица-Струмица-Ново Село и Битола-граничен премин Меџитлија со обиколница Битола, а продолжува втората фаза на изградба на експресните патишта Штип-Радовиш, Штип-Кочани, Ранковце-Крива Паланка и Градско-Прилеп.

Со подобрување на урбанистичкото планирање ќе се обезбеди вистински развој на урбаните средини преку рационално и хумано планирање на просторот, каде нема повеќе да се дозволува узурпација на просторот.

Градиме по план, инвестираме во иднината на граѓаните.

СДСМ