Минатата година околу 100.000 работници на Мерцедес добија бонус од 6.000 евра, со што раководството ги награди работниците за профитабилната 2021 година. Следејќи ја оваа практика, заедно со релативно успешната мината година, Мерцедес одлучи на работниците годинава да им исплати рекорден бонус од 7.300 евра, што е повеќе од сегашниот максимален износ на исплата од 6.465 евра.
Оваа сума ќе ја добијат околу 93.000 работници. Висината и исплатата на бонусот ја договориле менаџментот и работничкиот совет, а ќе се исплати со платата за април. Почнувајќи од деловната 2023 година, ќе се воспостави нов систем за пресметка на бонусот за учество во добивката. Mercedes вели дека новата стратегија ќе биде „усогласена со постоечкиот систем за управување“.
„Заедно, постигнавме многу во 2022 година. И покрај предизвикувачкото опкружување, нашиот тим на Mercedes-Benz направи уште еден голем чекор кон успешна трансформација на нашата компанија. Како признание за оваа изведба, се договоривме со главниот работнички совет дека ќе платиме специјален бонус од 7.300 евра оваа година. Овој број е значително над претходниот максимален износ. Со најголемиот бонус за делење профит во историјата на компанијата, сакаме да ја изразиме нашата благодарност за исклучителната посветеност на нашите колеги“, рече Сабине Колајзен, член на Управниот одбор на Mercedes-Benz Group AG одговорна за човечки ресурси и директорка за работни односи.
Рекордниот бонус доаѓа во време кога Mercedes донесе одлука за рекордни инвестиции во електричната гама. До крајот на деценијата компанијата ќе инвестира над 43 милијарди евра. До 2030 година на повеќето пазари ќе нуди исклучиво електрични модели, а дотогаш планира да изгради осум фабрики за батерии. Од друга страна, инвестициите во развој на мотори со внатрешно согорување ќе се намалат за 80 отсто до 2026 година.