Работниците на Фолксваген бесни: Одлуките на менаџерите ќе ни донесат беда и мизерија - Канал 5

Автомобилизам

Работниците на Фолксваген бесни: Одлуките на менаџерите ќе ни донесат беда и мизерија

Во Баунатал вчера имало борбена атмосфера.

Работниците на Фолксваген бесни: Одлуките на менаџерите ќе ни донесат беда и мизерија

Бројни работници на фабриката Фолксваген Касел подготвија говори за најавениот собир на вработените под раководство на работничкиот совет. Еден од нив беше Торстен Донермаер.

Тој работи во контрола на квалитетот и е во Фолксваген речиси четири децении. За него оваа работа е семејна традиција. Таму работел и татко му. Работата во смени на неговиот татко е дел од детството на Донермаер - така е и со другите во фабричката хала, пишува Дојче веле.

Раководството на Фолксваген се уште не ги отфрлило плановите за затворање на фабрики, отпуштање работници и намалување на платите. Затоа атмосферата на средбата беше вжештена. Работниците и покрај гневот и разочарувањето, покажаа подготвеност за борба.

Од 15.000 во салата број два, се појавија околу 8.000, еден ден по предупредувачкиот штрајк што беше организиран низ целата земја. Работничкиот совет ги информираше присутните за моменталната состојба во концернот и во самата фабрика. Средбата траеше повеќе од шест часа. Фабриката во Баунатал е најголемата фабрика за компоненти на Фолксваген во светот, а исто така и најголемиот работодавач на северот на Хесен.

Пред средбата, Донермаер вели дека целата земја гледа во Фолксваген. Во својот краток говор тој се фокусираше на акционерите и менаџментот. Тој рече дека нивните одлуки „може да донесат мизерија и беда на целиот регион“. Тој додаде дека планираните масовни отпуштања не ги засегаат само вработените, туку и работниците на бензинската пумпа или малата пекара на аголот.

И претседателот на работничкиот совет Карстен Бухлинг истакна дека се работи за иднината на сите вработени како и за иднината на регионот. Тој изјави дека на средбата имало незадоволство. Додава дека неизвесност владее за 1.800 работници кои имаат договори со надворешни компании за привремен „пренос“ на работната сила во Фолксваген. Нивните договори истекуваат на крајот на годината.

На состанокот дојдоа и провинцискиот министер за труд во владата на Хесен, Хајке Хофман и нејзиниот колега задолжен за економија, Каве Мансури. И двајцата се социјалдемократи. Сакаа на лице место да видат колку е алармантна ситуацијата.

И Селин Јантут смета дека ситуацијата е критична за неа. 19-годишникот студира да стане специјалист по логистика во магацин. Таа е во својата втора година на обука. Задолжена е за примање и доставување роба - работи на компјутер, но и вози виљушкар низ огромните магацини.

Таа вели дека ставила сѐ на картичката на Фолксваген, поради што моменталната ситуација толку многу ја погодува. Во фабричките хали владее тензија која се чувствува и кај младите кои штотуку го започнуваат својот занает.

Таа смета дека концернот не ја слуша неа и другите млади луѓе. Се слуша што зборуваат постарите, но стравот за иднината е широко распространет и кај младите. Јантут смета дека менаџментот е одговорен за кризата и дека сѐ ќе падне на грбот на работниците, младите кои се на обука и вработените со ограничени договори.

Синдикатот ИГ Метал не прифаќа ваква ситуација и планира дополнителни акции. Оливер Дицел, синдикален комесар за Северен Хесен, истакна дека синдикатот е добро подготвен за сѐ. Тој најави дополнителни предупредувачки штрајкови, но и дваесет и четиричасовни штрајкови како следно ниво на ескалација, доколку следниот понеделник не се најде решение на преговорите со работодавачите. Тој додава дека доколку преговорите не успеат, ќе има гласање на членовите на синдикатот, а потоа и штрајк на неодредено време.

Тогаш во првите редови ќе биде и вработениот во Фолксваген, Донермаер. Својот говор можеше да го одржи само на крајот од маратонскиот митинг. Тој вели дека во особено тешка состојба се работниците привремено „позајмени“ на концернот од надворешни компании, како и лицата со временски ограничени договори. А кога „тој заштитен појас ќе исчезне – тогаш на ред сме ние“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од понеделник почнува примената на „Безбеден град“ во Охрид, Струга, Кичево и во Дебар

Министерството за внатрешни работи ја известува јавноста дека од понеделник, 12 октомври, системот за сообраќаен надзор „Безбеден град“ почнува со работа и на подрачјето на СВР Охрид, односно во Охрид, Струга, Кичево и во Дебар. 

Од понеделник почнува примената на „Безбеден град“ во Охрид, Струга, Кичево и во Дебар

– По извршените технички проверки и финалните тестирања, камерите на системот ќе бидат ставени во функција на сообраќајниците на подрачјето на СВР Охрид – посочуваат од МВР.

Примената на системот „Безбеден град“ на територија на СВР Охрид минатата недела ја најави и министерот за внатрешни работи министерот Панче Тошковски при посетата на СВР Охрид и Регионалниот центар Запад.

Со активирањето на системот, како што нагласуваат од Министерството, ќе се овозможи засилена и континуирана сообраќајна контрола, навремено откривање на сообраќајните прекршоци, зголемување на сообраќајната дисциплина и унапредување на безбедноста на патиштата.

МВР апелира до сите возачи доследно да ги почитуваат сообраќајните правила и прописи и со одговорно однесување да придонесат за поголема безбедност во сообраќајот.

Системот „Безбеден град“ во државата е во функција од 1 февруари годинава. Периодот на адаптација траеше два и пол месеци кога граѓаните беа известувани и контролирани за сообраќајните прекршоци, а системот беше тестиран и унапредуван.

Министерот Тошковски во Охрид изјави дека во споредба со истиот период минатата година бројот на повредени во сообраќајни несреќи годинава е намален за 20 отсто, односно со 34 жртви помалку.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Меч за аналите: 11 гола за едно полувреме и победнички гол во 90+9. минута

Најлудиот натпревар во годината – 11 гола за едно полувреме и победнички гол во 90+9. минута .

Видео: Меч за аналите: 11 гола за едно полувреме и победнички гол во 90+9. минута

Ролеркостер од емоции и возбудување во Солна , Шведска.Спектакуларен натпревар со 11 постигнати голови одиграа АИК и Бромапојкарна во 23-тото коло од шведското првенство, мечот заврши со победа на гостите од 6:5.

Највозбудливиот момент на мечот кој без сомнение е најдраматичниот оваа година се случи во деветтата минута од судиското надополнување, кога фудбалерите на Бромапојкарна го постигнаа победничкиот гол.

Би било преблаго да се каже дека коментаторот на натпреварот, како и гостинските фудбалери, се разбира, паднаа во делириум.

Не се знае што беше поневеројатно во овој крајно луд натпревар: фактот што сите голови беа постигнати во второто полувреме или тоа што гостите водеа со 5:1, ја испуштија предноста, а потоа го постигнаа победничкиот гол длабоко во судиското надополнување. А можеби врвот на лудилото беа последните две минути од судиското надополнување – АИК постигна гол за 5:5 во 90+8. минута, а Бромапојкарна дојде до победа во 90+9. минута!

Па така, ако навивачите на двата клуба го гледале натпреварот на телевизија и се откажале од следење на второто полувреме по првиот дел без голови – зажалиле.

Следеше вистински фудбалски спектакл. АИК, по резултатот 1:5 што стоеше на семафорот во 73. минута, се опушти, уверен во лесен триумф, и му дозволи на ривалот да се разбуди, да возврати и да се врати во натпреварот. Играчите на АИК редеа гол по гол, навивачите се „запалија“, а трибините „експлодираа“ во моментот кога на семафорот стоеше – 5:5. А потоа – шок, вистинска шлаканица.

Буквално во следната акција по израмнувањето, гостинскиот играч Хансен ја стивна еуфоријата на трибините и ја разгоре радоста на својот тим – погоди за 6:5 и стави крај на најлудиот натпревар одигран оваа година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Честитка од претседателката Сиљановска-Давкова по повод 11 Октомври – Денот на народното востание

На 11 Октомври 1941 година, македонските востаници му се придружија на антифашистичкиот демократски фронт, решени да го продолжат патот на илинденците до конечната победа и слобода, формирајќи македонска држава. 

Честитка од претседателката Сиљановска-Давкова по повод 11 Октомври – Денот на народното востание

На 11 Октомври 1941 година, македонските синови и ќерки тргнаа во решителен бој против фашистичките окупатори, бранејќи ја татковината.

Во време кога фашистичките сили маршираа низ европските држави, македонскиот мирољубив народ не беше тивок набљудувач на злото, туку патриотски ја прифати обврската за ослободување.

Идеја водилка на востанието како народен отпор беше вековниот стремеж за слободна македонска држава. Востанието прерасна во Народноослободителна борба, низ која, со крв, саможртва и непоколебливост на знајни и незнајни јунаци, се трасираше патот кон АСНОМ.

11 Октомври не е само важен историски датум. Тој е незаборавна и небришлива меморија и вечен завет за чување и развој на татковината. Заветот пак, не значи евоцирање спомени, имиња и настани, туку водење државен и општествен живот, достоен на нивната жртва.

Прилепските и кумановските востаници, но и сите други, не ни оставија само славна страница од минатото, туку аманет дека слободата се добива со храброст, дека правдината бара стаменост и пожртвуваност, дека држава се гради со труд, чест и одговорност. Нивниот херојски подвиг нè задолжува да бидеме не само нивни благодарни потомци, туку и достојни чувари и бранители на нивното непроценливо дело.

Се разбира, денешново време наметнува други приоритети, но секогаш остануваат човековата жед за правда, достоинство и слободен живот како насушна потреба.

Современиот бурен, сложен и конфликтен историски миг, од нас бара сплотеност, зрелост и мудрост, како неопходни доблести во справувањето со новите предизвици и проблеми со коишто сме соочени не само ние, туку и Европската Унија, Европа и светот.

Време е да се однесуваме кон државата како кон заеднички дом, во кој различностите не се повод за делби, туку причина за учење едни од други, за разбирање едни други, за градење свест за заедничко добро.

Мора да градиме правна и демократска држава, но и граѓанско општесто во кое законите ќе важат за сите, институциите ќе им служат на сите, а сечие човеково достоинство ќе биде неприкосновена вредност.

Секое поколение има свој испит пред историјата. Нашиот испит не е да раскажуваме, а уште помалку да ги повторуваме битките на претходниците, туку, да ги оживотвориме нивните подвизи: со знаење, наместо со незнаење; со право, етика и морал, наместо со самоволие; со единство, наместо со раздор; со заслуги, наместо со политички, партиски и статусни привилегии.

На крајот, на востаниците и на партизаните им должиме заслужена почит што се избориле и ни оставиле држава!

Ние пак, имаме политичка, економска и граѓанска обврска да градиме демократска, правна и просперитетна европска држава.

Нека ни е честит 11 Октомври – Денот на народното востание!

д-р Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер