Живот

Работници дневно извлекуваат по 3.000 евра од само една фонтана во Рим (ВИДЕО)

Во еден агол од „Вечниот град“ лежи раскошна барокна бајка каде што водата тече по камењата, а фигури на богови и митски суштества излегуваат од белиот мермер.

Таму илјадници раце секојдневно фрлаат сјајни парички преку рамената, се раѓа надеж - за враќање, за исполнување на желбите, за среќа. Во самото срце на Рим, фонтаната Треви се смета за една од најубавите и најимпресивните фонтани во светот, објави Дневно.

Оваа монументална барокна композиција не е само зачудувачка по својата уметничка и архитектонска убавина, туку и по емоциите, митовите и традициите што се вткаени во неа. Од нејзиното завршување во 1762 година, таа стана симбол на Рим, неопходно место за секој посетител и постојан потсетник на духот на Италија, нејзината убавина и историја. Фрлањето паричка во кристално чистата вода не е само туристички ритуал - тоа е чин на вера, желба и копнеж да се види Рим уште еднаш.

Идејата за оваа фонтана ја зачнал Никола Салви, а ја завршил Џузепе Панини. Во тоа време, за неговата изградба беа издвоени 17.647 скуди - валутата на тогашните Папски држави. Првата голема реконструкција започна во 2014 година и траеше речиси година и пол. Луксузната модна куќа Фенди донираше повеќе од два милиони евра за да го зачува ова чудо на римското наследство. Најновата реконструкција, спроведена минатата година, чинеше уште 327.000 евра.

Денес, Фонтаната Треви привлекува илјадници туристи од целиот свет секој ден, кои се восхитуваат на нејзината убавина, но исто така учествуваат во познатата традиција на фрлање парички. Според легендата, ако фрлите паричка преку левото рамо со десната рака, ви е загарантирано враќање во Рим, а можеби и исполнување на вашата најголема желба. И ова не е само симболично - туристите фрлаат повеќе од 3.000 евра во фонтаната секој ден, што носи помеѓу еден милион и 1,5 милиони евра во монети годишно.

Но, каде завршуваат сите овие пари?

Во раните утрински часови, додека градот сè уште спие, а туристите штотуку пристигнуваат, работниците влегуваат во фонтаната. Водата запира за кратко време, а тие, опремени со метли, лопати и специјални правосмукалки, внимателно ја собираат секоја паричка. После тоа, парите се носат на безбедно место, темелно се мијат, се сортираат и пребројуваат, сè под строг надзор - така што процесот е целосно транспарентен.

Од 2001 година, сите собрани пари не одат во градскиот буџет - тие ги презема католичката хуманитарна организација Каритас. Тие ги користат средствата за да им помогнат на најранливите: обезбедуваат храна, основни потреби и финансираат проекти во Италија и низ целиот свет.

Фонтаната Треви не е само историско и уметничко богатство - тоа е место каде што водата носи не само камен, туку и надеж. Место кое ги враќа луѓето во Рим, но исто така им го враќа достоинството на оние на кои им е одземена.

Оваа фонтана, која ја паметиме од филмови како „Одмор во Рим“, „Слаткиот живот“ и „Скарлетно и црно“, не е само позадина за романтични сцени - тоа е срце кое пулсира секој ден со моќта на соништата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мобилниот тим „Task Force“ пронајде дрога во Љубаништа, лишено од слобода едно лице

При извршениот преглед кај лицето биле пронајдени повеќе пакувања со марихуана, како и една сина таблета.

Вчера (12.09.2026) во 22:20 часот, полициски службеници од мобилниот тим „Task Force“ при Регионалниот центар за гранични работи Запад-Охрид, во рамки на преземените мерки и активности во врска со недозволена трговија со дрога, кај Автокамп „Љубаништа“ извршиле контрола и преглед над А.Ш.(43) од Прилеп.

При извршениот преглед кај лицето биле пронајдени повеќе пакувања со марихуана, како и една сина таблета.

Лицето било лишено од слобода, а за настанот бил известен јавен обвинител од Основното јавно обвинителство Охрид. По целосно документирање на случајот против лицето ќе биде поднесена соодветна пријава.

Тагови: марихуана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Нови улици, училишта, спортски содржини и зголемена поддршка за семејствата, Илинден се развива со дела

За период од една година Општина Илинден со посветена работа и јасна визија продолжува да се сразвива и да создава подобри услови за живот на сите граѓани.

Во изминатиот период во Општина Илинден се реализираа бројни проекти кои директно го подобруваат секојдневието на граѓаните.

Општина Илинден продолжува со силни инвестиции во инфраструктурата. Реконструирани и изградени се повеќе локални улици и патишта во Илинден, Кадино, Мршевци Дељадровци и населбата Јака, а во тек се и нови инфраструктурни проекти.

Посебен фокус е ставен на иднината на децата. Започната е изградбата на новата училишна зграда во ООУ „Гоце Делчев“, со 10 училници и современи услови за настава. Во училиштата низ општината продолжуваат реконструкциите, опремувањето и создавањето подобри услови за учениците.

Грижата за семејствата останува еден од приоритетите. Еднократната финансиска поддршка за новороденчињата е зголемена на 6.000 денари, а од учебната 2026/2027 година е воведена и поддршка од 3.000 денари за секое прваче, покрај бесплатните ранци и прибор.

Се инвестира и во спортот. Се гради нова трибина на фудбалскиот стадион во Илинден со капацитет од околу 1.100 гледачи, додека спортската сала „Гоце Делчев“ се реновира по речиси две децении. Реконструирани се и спортски игралишта во Мралино и Марино.

Инвестициите во животната средина и комуналната инфраструктура продолжуваат. Изградени се повеќе километри канализациска мрежа во Кадино, започнат е голем проект за канализација во Миладиновци, продолжува проширувањето на водоводната мрежа, а во рамките на проектот „Зелена Општина Илинден“ засадени се над 1.000 нови садници.

Ова се само дел од проектите кои се реализирани.

Општина Илинден продолжува со уште посилно темпо, за современа инфраструктура, подобри услови за живот, повеќе можности за младите и сигурна иднина за секое семејство.

Илинден продолжува да се развива и да се менува на подобро.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Автопортет: Има само една банда - ВМРО-ОКГ и нејзиниот шеф арамија Мицкоски

Шефот на организираната криминална група ВМРО, Христијан Мицкоски, вчера изрече една реченицата која ќе остане како автопортрет на оваа власт:

„Нема веќе банди, нема веќе криминал, нема рекетирање, нема веќе марихуана економија, нема веќе провизии од Лотарија… Нема...“

Нема мали банди точно, има само една голема, таа контролира се.

Нема повеќе улични банди- има партиска.

Нема рекет од страна - рекетот сега има печат, кабинет и прес-конференција.

Нема повеќе провизии од Лотарија „на црно“ - има систем во кој државата е плен, 5,5 милиони евра а Лотаријата се води како приватна фирма на ВМРО-ОКГ.

Нема повеќе марихуана економија како изговор - има монопол на лажната приказна дека криминалот исчезнал затоа што сега тие го водат.

Затоа пет тони марихуана поминуваат граница и царина кон сестринската СНС и Вучиќ без задржување, уште и со полициска придружба.

Криминалот и корупцијата сега имаат име и презиме: арамија Христијан Мицкоски.

Мицкоски не објави резултат. Објави капитулација на институциите.

Кога шефот на владата излегува и вели дека криминалот го нема, тоа не е биланс. Тоа е легализација на криминалот и корупцијата.

ВМРО-ОКГ две години ја градеше државата како криминална мрежа: свои луѓе во тендери, свои луѓе во судството и обвинителството, свои луѓе во безбедност - МВР и АНБ, свои луѓе во игри на среќа, свои луѓе во енергетика, свои луѓе поставени низ целиот државен апарат.

Потоа излегува премиерот и вели - нема банди.

Бандата е на власт. Нема конкуренција на улица кога улицата ја држи кабинетот.

И додека Мицкоски ги раскажува своите економски бајки, граѓаните ги плаќаат сметките и гледаат како власта си купува слика на лажен ред, а одговорноста за аферите секогаш завршува кај претходните.

Класичен метод на организирана криминална група: укради го наративот, па укради ги и доказите.

Криминалот не исчезнува со изјава. Исчезнува со истрага која не застанува пред презиме, функција и партиска книшка.

5,5 милиони евра од лотарија, милиони во енергетика, во јавни набавки и безбедносни служби не се ПР-теми. Тоа се канали низ кои ВМРО-ОКГ ја држи државата.

Кој денес тврди дека „нема банди“, утре ќе тврди дека нема ни жртви.

Нема повеќе банди.

Има една. Се вика ВМРО-ОКГ и седи во владата.

СДСМ ќе ја именува. Ќе ја гони политички. И нема да прифати дека Македонија е „чиста од криминал“ само затоа што шефот на бандата така рекол.

Уште малку. Доаѓа време на вистина и правда. Граѓаните ќе ја вратат власта во свои раце, а оваа банда ќе одговара - пред независно судство и пред европско обвинителство.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.