Работата на Комисијата за историски прашања далеку од очите на македонската јавност - Канал 5

Македонија

Работата на Комисијата за историски прашања далеку од очите на македонската јавност

По 8 години работа и 38 средби се уште сме заглавени во 11-тиот век, вели првиот човек на бугарскиот тим историчари, Ангел Димитров, сумирајќи ја работата на Комисијата за историски и образовни прашања.

Работата на Комисијата за историски прашања далеку од очите на македонската јавност

По 8 години работа и 38 средби се уште сме заглавени во 11-тиот век, вели првиот човек на бугарскиот тим историчари, Ангел Димитров, сумирајќи ја работата на Комисијата за историски и образовни прашања, чија последен состанок се одржа минатата недела. Во интервју за БНТ, Димитров Комисијата ја оцени како еден вид алиби за како што вели, комплицираните односи меѓу Скопје и Софија. Причината за тапкањето во место ја лоцира кај македонските колеги, кои не сакале да го прифатат терминот „заедничка историја“. Како пример ја наведе темата Охридска архиепископија, за која посочува, македонската страна не сакала да чуе дека е континуитет за Бугарската патријаршија.

-До каде стигна Комисијата, г-не Димитров? –Најкраткиот одговор е до никаде. Ќе употребам еден повнимателен израз, ќе кажам стагнација, односно застој, и го користам тоа, затоа што тоа е и целокупната состојба на државата таму. Тоа е нашто што е констатирано во извештајот таму и нешто кое воопшто не го мачи државното раководство таму. Причината за блокирање на работата на комисијата е неподготвеноста на нашите колеги, во овој случај, тие целосно ја следат политичката линија на државата и доктрината за Македонизмот, а да не се зборува дека постои заедничка историја. , изјави Ангел Димитров, претседател на бугарскиот тим историчари.

На последниот состанок меѓу историчарите се одржа минатата недела во Скопје, македонскиот тим им ги доставила на бугарската страна новите учебници за историја и општество за V и VI одделение. Прашан дали и бугарската страна ги доставила своите учебници на македонските колеги, претседателот на македонскиот тим, Ванчо Ѓорѓиев за Канал 5 само рече дека тие располагале со сите бугарски учебници. Во однос на обвинувањата на Димитров, за причините за застој во работата вели тие како Комисија ќе останат доследни на досегашните принципи.

-Ставот на македонскиот тим историчари е дека ниту досега, ниту во иднина нема да коментира политички ставови од тимот историчари на источниот сосед за да не се претвори работата на комисијата во риалити шоу. вели Ванчо Ѓорѓиев, претседател на македонскиот тим историчари.

Следната средба на Комисијата е закажана за средината на декември. Една година таа работи со нов состав во македонскиот тим, обновен по промената на власта.

Претходниот состав усвои препораки за заедничко чествување на пет историски ликови – Светите браќа Кирил и Методиј, Св. Наум Охридски, Св. Климент Охридски и Цар Самоил и по пет препораки за измени во учебниците по историја за шесто оделение во Македонија и за пети клас во Бугарија.

Тагови: Историска комисија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Поранешниот претседател на Јужна Кореја е осуден за лажење во изборната кампања

Јужнокорејскиот суд денеска го осуди поранешниот претседател Јун Сук Јеол на 18 месеци затвор,условно на три години, откако го прогласи за виновен за кршење на изборниот закон со давање лажни изјави за време на претседателската кампања во 2022 година.

Поранешниот претседател на Јужна Кореја е осуден за лажење во изборната кампања

Доколку пресудата биде потврдена по жалба, може да ја принуди партијата на Јун да врати околу 27 милиони долари, или 39,7 милијарди јужнокорејски вони, што ги доби од Националната изборна комисија по неговата претседателска победа.

Лажни изјави во кампањата

Централниот окружен суд во Сеул утврди дека Јун дал лажни информации двапати за време на кампањата, помеѓу декември 2021 и јануари 2022 година.

„Кога кандидатот лично објавува лажни информации на јавни настани со големо влијание, како што се дебати и интервјуа, влијанието врз донесувањето одлуки на гласачите е многу значајно“, рече судот во својата пресуда.

Обвинителите побараа двегодишна затворска казна, додека Јун, кој негираше какво било кривично дело, планира да поднесе жалба на пресудата, рече неговиот правен советник.

Партијата би можела да изгуби милиони

Според изборниот закон на Јужна Кореја, политичките партии добиваат државна компензација за трошоците за кампањата ако нивниот претседателски кандидат победи или добие најмалку 15 проценти од гласовите.

Доколку кандидатот последователно добие затворска казна или парична казна од најмалку еден милион јужнокорејски вони, партијата мора да ги врати примените средства.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Коњаниците тргнаа кон Крушево- почна 48. Илинденски коњички марш

Околу 40 коњаници, меѓу кои и пет девојки, попладнево, од дворот на црквата „Св. Петар и Павле“ во Горно Лисиче, тргнаа кон Крушево.

Коњаниците тргнаа кон Крушево- почна 48. Илинденски коњички марш

Околу 40 коњаници, меѓу кои и пет девојки, од дворот на црквата „Св. Петар и Павле“ во Горно Лисиче, тргнаа кон Крушево, продолжувајќи ја речиси петдецениската традиција посветена на чествувањето на Илинден и на македонските херои.

– На 31 јули, коњаниците од Горно Лисиче ќе се обединат со учесниците од Свети Николе, Кичево и Битола, испраќајќи силна порака за единство, почитување на традицијата и зачувување на македонското историско наследство – информира прес-службата на Општина Аеродром.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Коментарот на Халанд на сопствената статуа е хит на мрежите (ВИДЕО)

Уметник познат како Џеј Клејот создаде глинена скулптура на Ерлинг Халанд, а видеото брзо стана вирално на социјалните мрежи. 

Коментарот на Халанд на сопствената статуа е хит на мрежите (ВИДЕО)

Видеото го забележа самиот норвешки фудбалер и тој реагираше со коментар од еден збор.

Коментар на Халанд од еден збор

Откако видеото се прошири на социјалните мрежи, Халанд го забележа и остави кратка порака во коментарите: „Убаво“. Тој краток одговор го воодушеви и авторот на скулптурата и илјадниците фудбалски фанови. Се чини дека уметникот очекувал токму тоа, шегувајќи се напиша покрај видеото: „Поминуваш часови правејќи фигура, а потоа еден човек по име Ерлинг само коментира „убаво“. На крајот, токму тоа се случи.

Интернет феномен на коментарите на Халанд

Реакцијата на Халанд е дел од самосоздаден интернет феномен во последниве години. Напаѓачот на Манчестер Сити е познат по тоа што остава многу кратки коментари на социјалните мрежи, обично само „Убаво“ и повремено „Не е убаво“. Неговите одговори се појавуваат на сè, од фудбалски резимеа до вирални видеа кои немаат никаква врска со спортот.

Овој начин на коментирање стана многу популарен на Инстаграм и ТикТок, па корисниците сега намерно го тагираат Халанд во своите објави со надеж дека ќе го привлечат неговото внимание. Она што започна како серија обични коментари на крајот се претвори во интернет шега што самиот Халанд ја прифати.

Неговото „Убаво“ можеше да се види под преработки на навивачки песни, спортски мемиња, но и на објавата за роденденот на неговата девојка. Така, тој збор стана негов препознатлив интернет потпис.

Тагови: Халанд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер