Свет

Путин: Русија може да помогне во посредувањето за договор меѓу Израел и Иран

Путин им рече на новинарите на маргините на Меѓународниот економски форум во Санкт Петербург дека прашањето е „деликатно“. „Мислам дека може да се најде решение“, рече рускиот лидер.

Рускиот претседател Владимир Путин понуди да посредува во конфликтот меѓу Израел и Иран, велејќи дека Москва би можела да помогне во посредувањето за примирје што би му овозможило на Техеран да продолжи со мирна нуклеарна програма, а воедно да го увери Израел, кој се плаши за својата безбедноста.

Путин им рече на новинарите на маргините на Меѓународниот економски форум во Санкт Петербург дека прашањето е „деликатно“. „Мислам дека може да се најде решение“, рече рускиот лидер.

Тој одби да одговори на прашањето како би реагирала Русија ако Израел го убие врховниот лидер на Иран, ајатолахот Али Хамнеи. „Не сакам ни да разговарам за таква можност“, рече Путин.

Хамнеи ги отфрли повиците на САД за предавање и предупреди дека секоја воена интервенција на САД би предизвикала „непоправлива штета“.

Путин рече дека ги презентирал предлозите на Москва на Иран, Израел и САД.

-Ние не наметнуваме ништо на никого; ние едноставно зборуваме за тоа како гледаме можен излез од ситуацијата. Но, одлуката, секако, зависи од политичкото раководство на сите овие земји, првенствено Иран и Израел“, додаде рускиот претседател.

Тој истакна дека Русија му помогнала на Иран да ја заврши изградбата на нуклеарна централа и дека во моментов гради уште два реактори. „Работата е во тек и нашите специјалисти се на лице место. Зборуваме за повеќе од 200 луѓе. И се согласивме со израелското раководство дека нивната безбедност ќе биде загарантирана“, рече Путин.

Рускиот претседател коментираше за ситуацијата на Блискиот Исток откако разговараше по телефон со својот американски колега Доналд Трамп кон крајот на минатата недела.

Вчера, Трамп изјави дека му рекол на Путин да се фокусира на наоѓање излез од сопствениот конфликт со Украина.

-Реков: направи ми услуга, биди твој посредник“, рече Трамп за својот разговор со рускиот лидер. „Владимир, дозволи Русија прво да посредува (во конфликтот со Украина). Можеш да се грижиш за тоа (конфликтот на Блискиот Исток) подоцна“, додаде Трамп.

Изјавата покажа промена во ставот на американскиот претседател, кој претходно оваа недела изјави дека е „отворен“ за можноста Путин да посредува за решавање на ситуацијата на Блискиот Исток.

За време на состанокот со раководителите на светските новински агенции, Путин нагласи дека Русија одржува доверливи односи со Иран и дека ја изградила првата нуклеарна централа во Бушер.

Путин, исто така, го пофали стремежот на Трамп кон мир во Украина, поддржувајќи ги повторените тврдења на американскиот лидер дека тригодишниот конфликт немаше да започне ако тој беше во Белата куќа во 2022 година. „Доколку Трамп беше претседател, конфликтот навистина можеби немаше да избувне“, рече Путин.

Путин истакна дека е отворен за разговори со украинскиот претседател Володимир Зеленски, но го повтори својот став дека го изгубил легитимитетот откако му истече мандатот минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп објави мапа на која Ормутскиот теснец е преименуван во „Трампов теснец“, Иран им нуди договор на САД

Претседателот на САД, Доналд Трамп, објави мапа на која Ормутскиот теснец е означен како „Трампов теснец“..

Мапата е објавена на „Трут Соушл“. Трамп претходно предложи теснeцот да биде преименуван по него, а исто така постојано ја изразуваше идејата тој воден пат да се прогласи за територија на САД.

Во меѓувреме, Иран им нуди договор на САД за повторно отворање на Ормускиот теснец во рок од седум дена. Иранскиот министер за надворешни работи, Абас Арагчи, изјави дека неговата земја им предложила договор на САД со кој би се овозможило повторно отворање на теснецот во рок од една недела.

Иако САД сè уште немаат дадено официјален одговор, весникот „Волстрит журнал“, повикувајќи се на американски функционери, објави дека американскиот претседател Доналд Трамп го отфрлил предлогот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лига на нации: Македонија вечерва против првиот фаворит Швајцарија

Македонија и Швајцарија вечерва од 20:45 часот на Националната арена „Тодор Проески“ во Скопје го отвораат новиот циклус во Лигата на нации.

За првпат Македонија е дел од Б-сегментот, а во првиот напревар ќе се соочи со фаворитот во групата, во која се наоѓаат уште и Шкотска и Словенија.

Селекторот Гоце Седлоски очекува во овие натпревари репрезентацијата да покаже поголем карактер, отколку на последните четири натпревари, на кои немаше постигнато гол.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

На Косово уапсен убиецот што застрела 26-годишик во Дуќанџик

Во Косово вчера бил уапсен Рами Кучи, првоосомничениот за убиството на 26-годишниот А.М., кое се случи на 6 септември во скопската населба Дуќанџик.

Според информациите, тој бил уапсен од косовската полиција, во меѓународна акција за недозволена трговија со дрога на територија на Република Косово. За Кучи беше распишано централна и меѓународна потерница, а по вториот осомничен сè уште се трага.

Тешкиот инцидент се случи вечерта на 6 септември во Дуќанџик. Кучи заедно со И.С. се сомничи дека пукал кон група лица од мотоцикл во движење. Во престрелката животот го загуби 26-годишниот А.М., додека уште неколку лица беа повредени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.