Свет

Путин нема да присуствува на мировните разговори со Украина во Истанбул

Рускиот претседател Владимир Путин не е меѓу имињата наведени од Кремљ во списокот на лица кои треба да присуствуваат на мировните преговори за војната во Украина во Истанбул денеска.

Рускиот претседател Владимир Путин не е меѓу имињата наведени од Кремљ во списокот на лица кои треба да присуствуваат на мировните преговори за војната во Украина во Истанбул денеска, и покрај повиците од украинскиот претседател Володимир Зеленски тој да присуствува. Составот на руската делегација што ќе отпатува во Турција на преговори со Украина е објавен на официјалната веб-страница за правни информации на Русија.

Делегацијата ќе ја предводи помошникот на Путин, Владимир Медински. Во делегацијата се и заменик-министерот за надворешни работи Михаил Галузин, началникот на Главната дирекција на Генералштабот Игор Костјуков и заменик-министерот за одбрана Александар Фомин.

На списокот на експерти што учествуваат во руската делегација се заменик-началникот на информатичката служба на Генералштабот Александар Зорин, заменик-началникот на претседателската администрација за државна политика и хуманитарни прашања Елена Подобреевска, директорот на Вториот оддел за земјите од ЗНД при руското Министерство за надворешни работи Алексеј Полшчук и заменик-началникот на Главната дирекција за меѓународна воена соработка на Министерството за одбрана Виктор Шевцов.

Владимир Медински ја предводеше и руската делегација на претходните преговори со Украина во Истанбул во март 2022 година.

Американскиот претседател Доналд Трамп нема да патува во Турција за да учествува на претстојните разговори меѓу Русија и Украина, изјави американски функционер.

Функционерот го објави ова откако рускиот претседател Владимир Путин го објави списокот на учесници во руската делегација за преговорите, во кој не е вклучен самиот руски лидер. Трамп ја разгледуваше идејата да патува во Турција доколку Путин пристигне на разговорите, но рускиот претседател одлучи да не учествува во денешните дискусии во Истанбул.

Тагови: русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Филипче рече дека Македонија не е на продажба откако со Заев ја распродадоа за стан, зграда и златна виза за Дубаи

Филипче рече дека Македонија не е на продажба откако со Заев ја распродадоа за стан, зграда и златна виза за Дубаи.

Филипче со Заев го променија името на државата и ветуваа членство во ЕУ, а добивме само слика од авион.

Филипче и Заев ветуваа бесплатно здравство, а добивме провизии за вакцини, провизии за модуларни болници и провизии за тендери и набавки.

Филипче вели дека Македонија не била за продажба, а има потпишан бланко лист за барањата на Бугарите.

Со ова Филипче е директно против Македонија.

На Филипче му смета успехот на Македонија. Затоа е против дата центри, рудници и фабрики. Ама не е против бугарски фирми, златни визи и акции во индиски авиокомпани.

Исто така, на Филипче му пречи Дејвид Гета, ама не му пречи Харис Џиновиќ.

Тоа се двојните стандарди на Филипче и СДС. Затоа и ќе бидат вечна маргинална опозиција.

Бране Петрушевски, пратеник на ВМРО-ДПМНЕ.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Стоматолог од Тетово пријавен за сексуално вознемирување од млада пациентка

23-годишна девојка од Тетово пријавила во полиција дека била сексуално вознемирувана од стоматолог во приватна ординација во градот.

Според пријавата, на 14 и 18 септември 2026 година, додека пациентката престојувала во ординацијата за медицинска интервенција, стоматологот наводно ја вознемирувал.

Случајот, според пријавеното, продолжил и надвор од ординацијата. Девојката навела дека стоматологот подоцна преку мобилна апликација ѝ испраќал пораки со несоодветна содржина.

Настанот бил пријавен синоќа во 22:40 часот во СВР Тетово.

Од полицијата информираат дека се преземаат мерки за целосно расчистување и документирање на случајот.

Тагови: Полиција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Јамал за односот со Бускетс: „Ме фати и ми одржа лекција“

Бисерот на светскиот фудбал, тинејџерот на Барселона, Ламин Јамал раскажа што му се случило во Барселона кога легендарниот Серхио Бускетс го фатил и му одржал лекција што ќе ја памети.

Еден од најдобрите светски фудбалери во моментов, 19 годишниот ас на Барселона, Ламин Јамал призна дека се исплашил додека ги слушал зборовите на своите соиграчи.

Ламин Јамал денес е еден од најдобрите фудбалери во светот и еден од кандидатите за освојување на „Златната топка“.

Неговиот талент е неспорен, тој игра одлично и за Барселона и за шпанската репрезентација. Бележи големи успеси и со клубот и со националниот тим, но и самиот е свесен дека можеби тоа немаше да се случи доколку Серхио Бускетс не му одржал лекција на почетокот од неговата кариера.

„Бев суспендиран од репрезентацијата на три недели бидејќи, како и сите деца, направив нешто многу глупаво. Денот кога отидов на првиот тренинг со сениорскиот тим, Бускетс ме фати и ме праша: 'Што направи во репрезентацијата?'. Имаше многу сериозен израз на лицето“, ја започна приказната Јамал.

Тој и двајца соиграчи предизвикаа хаос во националниот тим кога имаа 15 години.

Официјалната причина никогаш не е соопштена; тогаш беше објавено само дека „биле исфрлени поради недисциплина и дека таквото однесување нема да се толерира во националниот тим, без разлика за кого станува збор“.

„Бев само дете и признавам дека се исплашив. Му кажав што се случило. Тој ми рече: 'Сега си во Барселона, сите знаат кој си и без разлика колку добар играч си, мораш да знаеш како да се однесуваш'.“

Ламин Јамал призна дека тој разговор со легендарниот фудбалер на Барселона многу му помогнал во кариерата. „Од тој момент, променив сè во мојот живот и целосно му се посветив на фудбалот. Престанав да излегувам. Одам на тренинг, одмарам, ја посетувам мајка ми и потоа почнувам одново. Целосно се посветив само на фудбалот. Фудбал, фудбал и фудбал“, заклучи Ламин Јамал.

Тагови: БАРСЕЛОНА Ламин Јамал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.