Путин му ветил на Вучиќ дека цените на гасот нема да се менуваат - Канал 5

Балкан

Путин му ветил на Вучиќ дека цените на гасот нема да се менуваат

Српскиот претседател Александар Вучиќ изјави дека со рускиот претседател Владимир Путин се договорил цената на гасот за Србија да не се менува во следните шест месеци и дека ќе остане на 270 долари за 1.000 кубни метри, пренесоа белградските медиуми.

Путин му ветил на Вучиќ дека цените на гасот нема да се менуваат

Вучиќ за ТВ Пинк во Сочи, каде што се сретна со шефот на руската држава, изјави дека во следните шест месеци ќе се зголемат количините на гас за Србија, оценувајќи дека е обезбедена и „флексибилност“ во снабдувањето.

Тој, исто така, разговарал за долгорочен договор со Путин, но рече дека не може да зборува за неговите елементи додека не биде објавен.

Вучиќ рече дека „поставени се некои рамковни елементи“, врз основа на кои Србија ќе има посебна цена и зголемување на обемот на испораките на гас и по истекот на шесте месеци.

Од 270 долари, истакна Вучиќ, Србија заштедила повеќе од 300 милиони евра за шест месеци, во споредба со она што би го платила доколку би купила гас по сегашните берзански цени. Како што нагласи, Србија нема да има проблеми со снабдувањето со гас, а со тоа ниту со струја, ниту со парно греење.

„Ова е спас за нас“, рече Вучиќ, тврдејќи дека во тричасовниот разговор Путин му поставил 90 прашања од различни области и дека „нема тема што не е допрена“.

Тој изјави дека разговарале за ситуацијата во Косово и регионот и дека го информирал шефот на руската држава за „надворешните“ притисоци со кои се соочува Србија и за ситуацијата на северот на Косово.

Станало збор и за соработка во железничката инфраструктура и воено-техничка соработка. „Го информирав и за различни промени во односите во регионот и се молев некои работи побрзо да стигнат во Србија“, рече Вучиќ, наведувајќи дека тоа се ракетниот систем Корнет, лансирните рампи и ракетите.

Тоа не се стратешки работи, туку тактички и во иднина ќе има работи од стратешки интерес за Србија, а тоа, како што најави Вучиќ, „не во далечна иднина“.

Според Вучиќ, Путин „со задоволство“ ја прифатил неговата покана да ја посети Србија, која се очекува меѓу мај и септември 2022 година.

Тој ја пренел и пораката на Путин дека Србија нема да биде оставена на „цедило“ во работите каде Русија може да помогне.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија, Грција и Албанија ќе се здружат во иницијатива за впишување на Преспанското езеро на листата на УНЕСКО

Грција, Албанија и Македонија заеднички ќе работат на кандидатурата на Преспанското езеро за вклучување на листата на светско наследство на УНЕСКО.

Македонија, Грција и Албанија ќе се здружат во иницијатива за впишување на Преспанското езеро на листата на УНЕСКО

Иницијативата првично беше покрената од грција во 2014 година, но сега во неа се вклучуваат и Албанија и Македонија, кои го делат езерото со Грција. Процесот ќе биде поддржан и од Европската унија.

Министрите за култура на трите земји — Лина Мендони од Грција, Бленди Гонџа од Албанија и Седат Сулејмани од Македонија — следниот петок ќе се сретнат во грчката општина Преспа, каде што ќе разговараат за следните чекори.

На средбата ќе присуствува и Михалис Рокас, шеф на дипломатската мисија на европската комисија во Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Што сега ќе каже „патриотот“ Мицкоски кога и Фон дер Лајен го кажа истото за јазикот и идентитетот?

На заедничка прес конференција во Скопје, во Владата, Претседателката на Европската комисија кажа: местото е во Унијата. Останува еден чекор - да се отвори првиот кластер, Основи. 

СДСМ: Што сега ќе каже „патриотот“ Мицкоски кога и Фон дер Лајен го кажа истото за јазикот и идентитетот?

И рече јасно: Европа ја пречекува С.Македонија со нејзиниот идентитет и со нејзиниот јазик.

Културата и јазикот ја прават Унијата побогата.

Мотото е различност и обединетост.

Тоа е реченицата што Мицкоски во кампањата ја продаваше како предадена. Никогаш Северна. Укинување на Преспански договор. Враќање на името.

Па дојдоа на власт.

Е откако дојдоа Преспа ја нанарече ремек-дело на дипломатијата. Силјановска рече: јазикот, културата и национален идентитет се заштитени. Тимчо рече: НАТО никогаш подобра работа за бизнисот.

Сега и Фон дер Лајен, пред камери, пред арамијата: ве чекаме со вашиот идентитет и ваш јазик.

Што остана од патриотизмот? Бугарските пасоши во редовите на ВМРО. Фирмите во Бугарија. И

обвинението дека другиот работи по налог на Радев. Латас - Гебелс.

Чекорот што го бара ЕУ не е предавање. Основите се: судство, обвинителство, борба против корупција. Истиот чекор што Мицкоски го запира две и пол години.

Второт рок истече. 1 јуни беше ветување. Ниту глас. А пред членство - Лаура Ковеши.

Затоа вели „не по секоја цена“. Не поради јазикот, не поради идентитетот. Поради истрага и страв од одговорност.

Патриотот нема што да каже. Идентитетот го потврди Брисел. Вратата ја држи тој.

СДСМ го кажа ова уште пред избори. Денеска го рече и Фон дер Лајен.

Лагата остана кај бандата.

Скопје, 02.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Серафимовски: Органското производство го развиваме како дејност што создава повисока вредност и поголеми приходи

Го поддржуваме органското производство да се развива како современа економска дејност што создава повисока додадена вредност и поголеми приходи за производителите, порача министерот за земјоделство, шумарство и водостопанство, Борче Серафимовски.

Серафимовски: Органското производство го развиваме како дејност што создава повисока вредност и поголеми приходи

Го поддржуваме органското производство да се развива како современа економска дејност што создава повисока додадена вредност и поголеми приходи за производителите, порача министерот за земјоделство, шумарство и водостопанство, Борче Серафимовски, кој денес во Куманово ги отвори деветтиот Меѓународен саем на органски и традиционални производи „Органска трпеза 2026“ и петтиот Меѓународен саем за земјоделство, технологии, храна и преработки „АгроМак 2026“.

„Органското земјоделство е современ, прецизен и контролиран начин на производство што бара знаење, следливост и одговорност кон животната средина и здравјето на луѓето. Органскиот производител заслужува систем што ќе го препознае неговиот дополнителен труд и ќе го заштити од погрешно декларирани производи и нелојална конкуренција“, истакна министерот Серафимовски.

Тој нагласи дека политиките на Министерството за земјоделство, шумарство и водостопанство се насочуваат кон засилена контрола, сигурна сертификација, потврден квалитет и поголема видливост на домашните органски производи.

„Добриот производ се создава на нива или на фарма, но неговата вредност се потврдува на пазарот. Новата механизација, дигиталните решенија, прецизното наводнување и современата опрема за преработка им овозможуваат на производителите порационално да ги користат ресурсите, да ги намалат загубите и да создаваат повисок квалитет“, порача министерот Серафимовски.

Организатори на „Органска трпеза 2026“ и „АгроМак 2026“ се здружението „Живот“, Комората на органски производители на Македонија и Општина Куманово, а на манифестациите учествуваат производители, изложувачи и гости од земјата и од странство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер