Путин и Арагчи седнаа на иста маса во Санкт Петерсбург: Цената на нафтата расте поради застојот во мировните преговори - Канал 5

Свет

Путин и Арагчи седнаа на иста маса во Санкт Петерсбург: Цената на нафтата расте поради застојот во мировните преговори

Путин и Арагчи и официјално седнаа на иста маса во Санкт Петерсбург. 

Путин и Арагчи седнаа на иста маса во Санкт Петерсбург: Цената на нафтата расте поради застојот во мировните преговори

Уште на самиот почеток, шефот на иранската дипломатија оцени дека степенот на ескалација со Соединетите Држава се зголемува од ден на ден, а иранската блокада на Ормускиот теснец ја оцени како легитимна одбрана на суверенитетот на неговата земја. На иста линија и Путин кој порача дека Русија прави се во нејзина можност за да му помогне на иранскиот народ. Откри дека за ставање крај на војната телефонски разговарал американскиот претседател Трамп, но и со израелскиот премиер Нетанјаху. Пред почетокот на средбата пак, Арагкчи упати порака дека преговорите во Исламабад пропаднале поради како што кажа, „претераните барања од САД“.

-Степенот на ескалација од ден на ден се зголемува за жал и поради фактот што тие (Израел и САД) одлучија да напаѓаат објекти од цивилната инфраструктура. Овие агресивни дејствија од страна на Израел и САД се прават на нелегитимен начин и ги кршат меѓународните правила и норми. Ние го браниме нашиот суверенитет и земја. Нашата одбрана има легитимен карактер.- Абас Аракчи – Министер за надворешни работи на Иран

-Апсолутно неиспоровцирана е агресијата против Иран и истата нема никакви оправдувања за неа. Ние од своја страна правиме напори да обезбедиме помош на иранскиот народ. Оваа средба ќе ни даде можност да разговараме за сите теми и да разгледаме како да излеземе од оваа ситуација. - Владимир Путин – Претседател на Русија

Средбата Арагчи-Путин доаѓа откако американскиот претседател Трамп ја откажа планираната посета на неговите пратеници Витков и Кушнер кои во Исламабад требаше да се сретнат со иранските претставници. Трамп потоа ја бранеше неговата одлука, изјавувајќи дека иранските власти можат да се јават доколку сакаат да продолжат со разговорите, повторувајќи дека конфликтот би можел брзо да заврши.

-Ќе преговараме преку телефон и тие (Иран) можат да ни се јават било кога. Ние ги имаме сите карти, тие практично немаат повеќе војска, немаат останато лидери, не знаеме кои им се лидерите. Никој не знае кои им се лидерите, не знам ни тие дали знаат кои им се лидери.- Доналд Трамп – Претседател на САД

Американскиот портал „Аксиос“ во меѓувреме, повикувајќи се на извори вклучени во преговорите пренесува дека Техеран испратил нов предлог до Вашингтон за деблокирање на Ормускиот теснец и ставање крај на војната. Според предлогот, примирјето меѓу двете страни би продолжило за подолг период, а преговорите за нуклеарното оружје би почнале во подоцнежна фаза. Неизвесноста околу примирјето пак, повторно влијае врз цените на нафтата на светските берзи кои за прв пат од почетокот на месецот се искачија на над 107 долари за барел.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Бесплатни униформи за 7.500 ученици во Општина Аеродром

Општина Аеродром и оваа учебна година обезбеди 7.500 бесплатни училишни униформи за учениците од основните училишта на територијата на општината. Униформите до 20 септември ќе бидат поделени во сите основни училишта.

Бесплатни униформи за 7.500 ученици во Општина Аеродром

Со обезбедувањето на бесплатните униформи, Општина Аеродром продолжува да создава еднакви услови за сите ученици, а воедно им овозможува и значителна поддршка на семејствата при почетокот на новата учебна година.

Градоначалникот на Општина Аеродром, Дејан Митески, денеска го посети ООУ „Ѓорѓија Пулевски“, каде што на учениците им ги додели бесплатните училишни униформи.

Униформите за секој ученик се состојат од две поло-маички, две блузи со долги ракави и еден дуксер, со што се обезбедува комплетна гардероба за потребите на учениците во текот на учебната година.

Проектот е дел од континуираните активности на Општина Аеродром насочени кон унапредување на условите во основните училишта и создавање современа, уредна и еднаква училишна средина за сите деца.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Секој петти адолесцент бил сексулано вознемиран во дигиталнииот простор

Секој петти адолесцент во светот бил изложен на сексуално вознемирување и злоупотреба во дигиталниот простор во текот на изминатата година, потврдува новиот глобален извештај на УНИЦЕФ спроведен во 21 земја.

Секој петти адолесцент бил сексулано вознемиран во дигиталнииот простор

Овие загрижувачки наоди покажуваат дека интернетот сè повеќе станува небезбедна средина за најмладите, а посебно предупредување упатува фактот што сторителите на ваквите дела во голем број случаи не се непознати профили, туку лица од нивното непосредно или пошироко опкружување. За родителите и семејствата ваквите податоци значат итен повик за будност и преиспитување на дигиталните навики во домот. Експертите укажуваат дека алгоритмите на популарните социјални мрежи системски го задржуваат вниманието на малолетниците, вовлекувајќи ги во појавата позната како „думскролинг“, односно непрекинато следење на вознемирувачки содржини што директно го зголемува ризикот од тешки психолошки состојби, анксиозност и депресија.

Тагови: адолесцент

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Задолжување како никогаш досега - Мицкоски ја носи Македонија кон 12 милијарди евра долг

Се потврди сè што СДСМ предупредуваше во изминатите месеци – пари во буџетот нема, касата е празна, а Владата повторно посегнува по нови долгови.

СДСМ: Задолжување како никогаш досега - Мицкоски ја носи Македонија кон 12 милијарди евра долг

Владата на Мицкоски усвои ново задолжување од 1,3 милијарди евра.

Задолжување како никогаш досега. Со ова, за само две години, власта ја задолжува државата со околу 4 милијарди евра нов долг.

Тоа е огромно задолжување кое ќе го плаќаат граѓаните, нивните деца и идните генерации.

Со ова, 2026 година ќе заврши со околу 12 милијарди евра долг, односно над 65% од БДП.

Наместо кај граѓаните парите завршуваат во криминални тендери.

Минималните трошоци за едно четиричлено семејство за две години пораснаа за околу 9.000 денари, а минималната плата само за околу 3.500 денари.

Работниците со минимална плата реално живеат полошо а Мицкоски одбива минималната плата да се зголеми на 600 евра.

Буџетот денес е околу 7 милијарди евра.

Од повеќе пари народот не добива ништо.

Нема пари за повисоки плати, нема пари за повисоки пензии, дури и парите од вториот столб сакаат да им ги украдат на пензионерите.

Нема мерки за помош на граѓаните. Нема мерки кои ќе го запрат растот на цените.

Ништо нема за народот, само нови долгови.

Во последниот ребаланс на Буџетот не е предвидено ова ново задолжување од 1,3 милијарди евра.

Кочоска како извршител на Мицкоски треба да знае дека за незаконско постапување спротивно на Законот за Буџет следува и кривична одговорност и затворска казна.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер