Фудбал

Пукотница и тројца убиени го засени почетокот на Светското фудбалско првенство за жени

Деветото Светско првенство за жени беше отворено во Окленд со прослава на традиционалната култура на Маорите на Нов Зеланд.

Деветото Светско првенство за жени беше отворено во Окленд со прослава на традиционалната култура на Маорите на Нов Зеланд пред средбата меѓу Нов Зеланд и Норвешка, само неколку часа по пукањето во центарот на градот во кое загинаа три лица, а шест беа повредени.

Пукањето се случило на едно од градилиштата во најголемиот град во Нов Зеланд, Окленд. Според полициското соопштение, напаѓачот е мртов и повеќе нема ризик од нов инцидент.

„Пукањето во една од прометните улици во центарот на градот е задушено и тоа е изолиран инцидент“, соопшти новозеландската полиција, додавајќи дека нема ризик за националната безбедност. Инцидентот се случил само неколку часа пред првиот натпревар на Светското првенство за жени, во близина на хотелот на норвешката репрезентација.

„Нѐ разбуди хеликоптер и голем број амбулантни возила. Отпрвин не знаевме што се случува, но на крајот веста се појави на телевизија и на локалните медиуми“, изјави норвешкиот капетан Марен Мјелде за весникот „Верденс ганг“.

Норвешките фудбалери се живи и здрави, соопшти федерацијата на Нов Зеланд, „шокирана“ од пукањето. Премиерот Крис Хипкинс рече дека фудбалскиот турнир ќе се одржи според планираното, истакнувајќи дека пукањето е дело на поединец и дека полицијата не бара никој друг во врска со инцидентот.

„Не е утврдена политичка или идеолошка мотивација за пукањето, така што нема ризик за националната безбедност“, рече Хипкинс за време на прес-конференција. Се огласи и ФИФА. „ФИФА е информирана дека ова е изолиран инцидент кој не е поврзан со фудбалските операции и дека вечерашниот воведен натпревар на Еден Парк ќе се одржи според планираното“, се вели во соопштението.

Сепак, властите распоредија дополнителна полиција и обезбедување надвор од стадионот по овој инцидент. Покрај Нов Зеланд, домаќин на Светското првенство за жени е и Австралија, која нешто подоцна во Сиднеј ја очекува тест против Ирска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда, Џенифер Лопез во исхраната и рутината за вежбање за да изгледа вака супер на 57 години.

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“.

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.