Фудбал

ПСЖ подготвува договор за Мбапе, каков што не е виден во фудбалскиот свет

Килијан Мбапе би можел да добие договор во ПСЖ каков што фудбалот не памети.

„Defensa Central“ пишува, а „Марса“ пренесува дека богатите сопственици на францускиот шампион подготвиле „доживотен договор“ вреден една милијарда евра за Мбапе. Станува збор за договор од една милијарда евра за следните десет години или 100 милиони евра по сезона.

Французинот досега одбиваше нов договор, но ваквата понуда би можела да го натера да се премисли. Доколку не се предомисли и ако реши да остане во клубот до следното лето без да потпише нов договор, каталонски Спорт наведува дека ќе седи на трибините. ПСЖ нема да го пушти да игра додека не го продолжи.

Да потсетиме, францускиот напаѓач се уште не го продолжил договорот што му истекува следното лето, но не го комплетираше трансферот во Реал Мадрид како што се очекуваше. Дојде време да се појави на подготовките за следната сезона, а впечаток е дека никој не сака да го види таму. Така барем пишува шпанскиот весник Марка кој наведува дека во Париз се бесни на него.

Имено, Мбапе ги известил челниците на францускиот шампион дека нема намера да потпише нов договор, но и дека има намера да го заврши тој што го има и потоа да го напушти клубот како слободен играч. Секако, тоа не им се допаѓа на сопствениците на ПСЖ бидејќи следното лето би го загубиле без да заработат ниту едно евро од него.

Затоа му поставија ултиматум - или нов договор или ќе биде продаден. Единствениот проблем со таа приказна е што ПСЖ не прашува дали Мбапе ќе биде продаден. Французинот има договор и никој не може да го принуди на трансфер. Само тој одлучува кога ќе го напушти клубот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда, Џенифер Лопез во исхраната и рутината за вежбање за да изгледа вака супер на 57 години.

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“.

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.