Психијатар открива клучна грешка при воспитување на тинејџерите - Канал 5

Забава

Психијатар открива клучна грешка при воспитување на тинејџерите

Воспитувањето на тинејџер може да биде како одење по јаже

Психијатар открива клучна грешка при воспитување на тинејџерите

. Во еден момент имате слатко дете кое ве обожава, а во следниот се чини дека воопшто не го интересирате. Како и многу други родители на тинејџери, веројатно се справувате со чести караници, промени во расположението и нарушувања на спиењето. Освен тоа, можеби чувствувате како да ви е потребен преведувач за да го дешифрирате начинот на кој разговараат.

Но, според еден детски жена-психијатар, постои една навидум безопасна грешка што ја прават многу родители, а која може да ги спречи нивните тинејџери да им се отворат.

Клучна грешка во комуникацијата

Детскиот психијатар д-р Вилоу Џенкинс посочува нешто што „можеби малку ќе ги повреди“ родителите, но таа смета дека е важно да го знаат следново: „Ако вие водите поголем дел од разговорот, веројатно не разговарате со вашиот тинејџер, туку ова се нарекува предавање“, објаснува таа, а пренесува „HuffPost“.

„Барајте тие да зборуваат повеќе од вас, така учите што навистина мислат, а тие учат дека навистина ги слушате“, додава таа.

Како да поттикнете разговор со вашиот тинејџер?

Нејзиниот совет за охрабрување на поотворени разговори со вашиот тинејџер е едноставен: „Започнете со прашање. Потоа застанете. И вистински слушајте“, вели таа. Овој психијатар честопати споделува совети за родителите во видеата на Тикток, а во еден видеозапис нагласува дека успешен родител е оној кој повеќе слуша отколку што држи предавања.

Таа додава дека „вистинскиот успех“ во воспитувањето ја вклучува и способноста да „останете смирени кога работите ќе тргнат наопаку, да ги поправите работите откако ќе погрешите“ и во поставувањето граници со љубов, а не со страв.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ракомет

Вардар против Мт Мелсунген на домашен терен ја завршува сезоната во ЕХФ Лигата на шампионите

Македонскиот ракометен шампион Вардар вечерва од 18-45 часот во Јане Сандански  ја затвара сезоната на европската сцена. противник на црвено црните е силниот германски преставник Мт Мелсунген.

Вардар против Мт Мелсунген на домашен терен ја завршува сезоната во ЕХФ Лигата на шампионите

Црвено-црните пред домашната публика ја затвораат европската сезона.

РК Вардар 1961 денес, 28 октомври, од 18:45 часот, во СЦ „Јане Сандански“ го пречекува германскиот МТ Мелсунген во натпреварот од шестото, последно коло од групната фаза на ЕХФ Лигата на шампионите.

Црвено-црните ќе се борат за втора победа во европската елита, со желба сезоната да ја заокружат со триумф пред своите навивачи. Поддршката од трибините ќе биде дополнителен мотив за Вардарци да го дадат максимумот и да се обидат да му се реваншираат на германскиот тим за поразот од 33:31 на првиот меѓусебен дуел во Касел, кога Вардар до самиот крај беше во игра за позитивен резултат.

Како горд партнер и силен поддржувач на РК Вардар 1961, Видеолотарија Касинос Австрија е повторно со црвено-црните и во овој нивен европски предизвик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јавните обвинители денеска избираат нов шеф на Обвинителството за организиран криминал и корупција

Јавните обвинители денеска избираат нов шеф на Обвинителството за организиран криминал и корупција.Вкупно 187 обвинители со право на глас ќе избираат меѓу петмина кандидати.

Јавните обвинители денеска избираат нов шеф на Обвинителството за организиран криминал и корупција

Во трката се Фатон Азизи, Трајче Пеливанов, Лидија Раичевиќ, Искра Хаџи Василева и Јован Цветановски.

Гласањето е тајно и ќе трае од 8 до 16 часот. По завршувањето, резултатите ќе бидат сумирани на јавна седница.

Кандидатите во своите програми најавија борба против корупцијата и перењето пари.Меѓу приоритетите се и зајакнување на истражните капацитети и финансиските истраги.

Се најавуваат и поголема ефикасност и независност на Обвинителството. Изборот се спроведува поради истекот на мандатот на актуелниот шеф Ислам Абази.

Тој беше избран на функцијата во октомври 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп му одобрил влез во САД на бразилскиот сенатор Флавио Болсонаро по неговиот пораз на претседателските избори

Американскиот претседател Доналд Трамп му одобрил влез во САД на бразилскиот сенатор Флавио Болсонаро.Одлуката доаѓа по неговиот пораз на претседателските избори во Бразил, пренесува Си-Ен -Ен.

Трамп му одобрил влез во САД на бразилскиот сенатор Флавио Болсонаро по неговиот пораз на претседателските избори

Според американски извори, визи добиле членовите на неговото семејство.Болсонаро, според медиумските извештаи, веќе пристигнал во Соединетите држави.не е познато каде слетал, ниту дали директно разговарал со Трамп.

Во Бразил тој е под истрага за сомневања за корупција и перење пари.Врховниот суд му наредил да ги предаде пасошите во рок од 24 часа.Болсонаро претходно негираше дека има намера да избега од земјата.Трамп изјави дека би го одобрил неговото доаѓање, критикувајќи го изборниот процес.

На изборите Болсонаро загуби од левичарскиот претседател Луис Да Силва кој освои повеќе гласови во вториот круг од гласањето.

Заминувањето на Болсонаро предизвика политички реакции и шпекулации за неговата иднина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер