Првите депортирани мигранти од САД пристигнаа во Косово - Канал 5

Балкан

Првите депортирани мигранти од САД пристигнаа во Косово

Косово ги прими првите депортирани мигранти од САД.

Првите депортирани мигранти од САД пристигнаа во Косово

Косовскиот премиер Албин Курти во телевизиско гостување, откри дека неколкумина од вкупно педесетина кои се предвидени, веќе се пристигнати во земјата, во рамки на договорот постигнат со администрацијата на американскиот претседател Доналд Трамп. Според договореното од јуни годинава, властите во Приштина се согласиле мигрантите да бидат на косовска територија во период од една година. Целта како што образложи Курти е да се искаже благодарност на САД за како што кажа, поддршката да се одвојат од Србија.

-Кога САД не повикаа да прифатиме бегалци од Авганистан, веднаш рековме да. Ние исто така ги прифаќаме тие што САД не ги сака на својата територија, ако не се лажам, еден или двајца веќе се тука. Договоривме да прифатиме 50 од нив,- - Албин Курти – Премиер на Косово.

Покрај Косово, изминатиот период во фокусот е и Албанија каде веќе има изградено два центри, управувани од италијанските власти за регистрација, проверка на идентитет и обработка на барања за азил. Сепак, иако тие официјално постојат во нив според проценките на албанските власти има само десетина мигрантианти.

Нивната работа е практично блокирана поради одлука на судот во Рим и на Европскиот суд на правдата поради сомнежи околу тоа како се применува италијанското и европското право надвор од Унијата. Италијанската влада пак, најави дека веќе работи на нови правни решенија и очекува тие да бидат функционални кога ќе стапи на сила новиот европски пакет за миграција и азил.

Албанската влада во меѓувреме, најавува и изградба на 20 мигрантски кампови за лица од Иран, Пакистан, Авганистан и блискиот исток. Камповите се дел од националниот план на владата за миграциски текови за периодот од 2026 до 2028 година кој како што е наведено има за цел да ги подготви албанските институции да се справат со зголемените миграциски текови кои се очекува да се зголемат на границите и на територијата на Албанија.

Ваквата најава дојде речиси истовремено со конференцијата во Брисел на земјите од глобалната алијанса против криумчарењето мигранти каде учесниците, меѓу нив и Македонија, се обврзаа на засилена соработка со трети земји, размена на информации, како и поддршка за враќање и реинтеграција во земјите на потекло.

YouTube video

Тагови: Косово

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. Ќе дува слаб до умерен ветер од северен правец. 

Утре сончево и топло со мала до умерена облачност

Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 10 до 21, а максималната ќе достигне од 32 до 39 степени.

Во Скопје, сончево со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи. Минималната температура ќе се спушти до 18, а максималната ќе достигне до 37 степени.

Во следните денови времето ќе биде сончево и топло со мала до умерена облачност. Во попладневните часови ќе има услови за локална појава на нестабилност со пороен дожд, грмежи и засилен ветер. Особено топло ќе биде во петок и за време на викендот кога температурите секаде ќе бидат над 32 степена.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ ја менува долгогодишната традиција: Новиот „iPhone“ добива промена што никој не ја сака

„Apple“ со години избегнуваше да се натпреварува со конкурентите на „Android“ во капацитетот на батеријата, но со доаѓањето на серијата „iPhone 18“, работите драстично се менуваат.

„Apple“ ја менува долгогодишната традиција: Новиот „iPhone“ добива промена што никој не ја сака

Иако неколку месеци не делат од официјалната премиера на новата генерација телефони на „Apple“, веќе циркулираат инсајдерски информации. Според податоците од кинеската регулаторна база на податоци „3C“, објавени од познатиот типстер „Digital Chat Station“, „iPhone 18 Pro Max“ ќе има значително поголема батерија, но затоа ќе биде значително подебел и потежок.

Поради зголемените барања за вештачка интелигенција (Apple Intelligence), компанијата е принудена да ја промени својата филозофија за тенок дизајн. Новиот „iPhone 18 Pro Max“ наводно доаѓа со масивна батерија со капацитет од дури 5.567 mAh (во eSIM верзијата). За споредба, претходниот „iPhone 17 Pro Max“ имаше батерија од 5.088 mAh. Помалиот „iPhone 18 Pro“ исто така ќе добие сериозно подобрување, чиј капацитет се зголемува на 4.288 mAh.

Отстранувањето на слотот за физичка SIM картичка ослободува вреден простор во куќиштето за дополнителни милиампер-часови. Кога овој хардверски скок ќе се комбинира со новата генерација енергетски ефикасни чипови „A20 Pro“ (направени на 2nm процес), аналитичарите предвидуваат дека „iPhone 18 Pro Max“ би можел да понуди најдобра автономија во историјата на паметните телефони, што би можело да им конкурира на „Android“ телефоните со батерии од дури 7.000 mAh.

Фото: ВИ

Извор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер