Првите Американци би можеле да ја примат вакцината до средината на декември

Соединетите држави се надеваат дека ќе започнат кампања за вакцинација против ковид-19 пред средината на декември, штом ќе добијат одобрение од Управата за храна и лекови (ФДА), изјави денеска Монсеф Слауи, главен научен советник са вакцини.

„Во рок од 24 часа по одобрувањето на вакцината, тие се транспортираат и пристигнуваат во областите каде ги сакаат сојузните држави“, изјави Слауи за Си-Ен-Ен.

Запрашан за очекуваниот датум на првите вакцинации во Соединетите држави, тој одговори дека очекува „дека може да биде следниот ден по одобрувањето, 11 или 12 декември“

Тој исто така рече дека се надева оти колективниот имунитет може да се постигне до мај.

„Со 95 процентно ниво на ефикасност, вакцинирањето на 70 проценти од населението ќе овозможи вистински колективен имунитет. Тоа може да се случи во мај“.

„Се надевам дека ќе ја намалиме негативната перцепција на вакцината, таа ќе ни биде од суштинско значење“, нагласи тој.

Американската фармацевтска компанија Pfizer и нејзиниот германски партнер BioNTech во петокот побараа од американската агенција за лекови (FDA) да ја одобри нивната вакцина против ковида-19, со што станаа првите производители во САД и Европа што го сториле тоа.

Португалските угостители штрајкуваат со глад против мерките

Сопствениците на девет ресторани, барови и ноќни клубови штрајкуваат со глад петти ден по ред пред португалскиот парламент во знак на протест против ограничувањата поради епидемијата на коронавирус.

„Потребна ни е поддршка за да преживееме“, рече Алберто Кабрал, менаџер на ноќен клуб..

Демонстрантите, кои кампуваат пред зградата на парламентот и живеат со вода, чај и кафе што им ги носат нивните приврзаници, велат дека нема да јадат додека не бидат примени од премиерот и министерот за економија.

Баровите и ноќните клубови се затворени од март, додека рестораните повторно се отвориле во мај, но затворањето на полицискиот час и викендот, што важи од 8 ноември, ги налути сопствениците кои предупредуваат дека нивниот бизнис нема да преживее оваа година.

На Интернет е покрената петиција со која се бара на сопствениците да им биде дозволено да работат, а досега се собрани скоро 45.000 потписи, а тој број се зголемува за неколку илјади на секој час.

Како компензација за затворањето на рестораните за време на викендот, владата им понудила на сопствениците на ресторани износ од 20 проценти од нивните приходи во периодот од јануари до октомври оваа година.

Екс премиерот Владо Бучковски е именуван за специјален претставник за Бугарија

Поранешниот премиер Владо Бучковски доби задача од Владата да биде специјален претставник во македонско бугарските разговори за надминување на отворените прашања.

Одлуката е донесена на денешната владина седница. Пред Владата е Јана Јосифовска.

Поради пандемијата , автомобилите ги испорачуваат во балони (ФОТО)

Новото нормално подразбира нов начин на доставување автомобили до клиентите.

Барем во Азија каде еден производител одлучи да се пофали со новата практика на испорака на нови автомобили. За да се сведе на минимум можноста за пренесување на инфекцијата, индискиот производител Тата моторс одлучи да воведе испорака на своите автомобили во безбедносни балони.

Ставањето на возилото во пластичен балон ја сведува можноста за ширење на вирусот за време на транспортот на минимум, така што клиентот го зема автомобилот во скоро стерилни услови. Одличен маркетинг потег моментално работи само со избрани дистрибутери и се претпоставува дека ќе стане редовна пракса во блиска иднина, барем кога станува збор за Тата моторс.

Имено, Тата го искористил времето на пандемија да ја обнови својата гама и да лансира нови модели, па на крајот забележале зголемување на продажбата. Со цел испораката да биде што е можно побезбедна за клиентот, тие вовеле комплетна програма за дезинфекција на возилата во синџирот на снабдување, а од декември и транспорт на возила во такви безбедносни „меури“.

притисни ентер